Obľúbené biblické verše z ယဟ 1

Zdieľať

အာဆေ ယီ ရွုး အန်၊ အာဆေ ဘော ညှိုမ် အန်၊ အန် ဇဝ် တဲး ဂေ ဒွန် အီ ဘဲန် ဂွန် ဇဝ်ဖြာ။

အူ ဆိန့် ဒေါ ဂုဝ် အန်၊ န့ မိုဝ်း အန် ဇဝ် အီ စိူဝ် “ဂြုဝ်း။” ဂြုဝ်း တီ ကွယ် ရိုမ် ဒူပ် ဇဝ်ဖြာ။ ဘော အန် ဘော ဇဝ်ဖြာ မုး အူ မျုဝ်။

ဘ့လာင် ဇိုဝ် တီ တဲး ဒူင် အပ် ဝွင့် ဝီ လိုဝ်း ဝီ ဘ့လာင်။ အပ် ဝွင့် အာဝ် ပွိုန် ဆီဘ့လိုက် ဘ့လာင် တီ။

အန် ဇဝ် အီ စိူဝ် “ဂြုဝ်း” တွိုန်၊ အန် ဟဲ့ ဝီ ဘဲန် ဒူအီ၊ တဲး အန် ကွယ် ရိုမ် ဒူပ် အေ အာမျုဝ် ဒူအီ။ အန် မိူဝ် ကာဝေ ကာဆဝ် အီ။ အန် ဘော မာနုဝ် ဂေ ဘော ဘူင် နာ မှာန် ဆေဆေ။ ယေ မိူဝ် ဟဲ့ ယိုဝ် အာဖုင် ဒင်ခုဝ် အန်။ န့ မုး အာဖုင် ဒင်ခုဝ် ပီ ဒွါ ဇဝ်ဖြာ ဒီ ဂွန် အန်၊ အီ မုး ဂွန် အူ ဝီ တီ။

ဇဝ်ဖြာ ဟဲ့ တဲး ဂြုဝ်း တီ ဖာန် ဘ့လေး တူတ့် ဒွန် မျုဝ်၊ တဲး န့ မိုဝ်း။ အာဝ် မိုဝ်း ခေါ အူ မျုဝ် ပီ တူ ဖာန် ဘ့လေး အန်။ ဂြုဝ်း တီ မိူဝ် မိုဝ်း အာဆာက် ပီ ဒွါ ဇဝ်ဖြာ။ အာဆာက် တီ ဘော ပီ ဘ့လာင် အီ တဲး ဒူအီ နပ် နာ မှာန်။

ပါ ခဲညှာ အာယောဟာန် တွိုန် ဝီ ယိုဝ် ဇဝ် ယေဆူ တး ဒူင် ကွယ် အန်။ အန် ဝီ တဝ်း၊ “တဲး ဘေ ယွတ်၊ ဇဝ်ဖြာ ဟဲ့ တိုယ် ဒူအီ ဝီ တီ၊ တဲး အန် ခမ် ဒီ ယမ် ပီ မာဘူ အီ လုဝ် လှူ၊ တဲး အန် ဘ့လွာ့ ဝဲန် မှာပ် ဂေ ဒူအီ ဒွန် အီ အီ ကွယ် ဒဲင် ကာဒါယ်။

အန် ဇဝ် တီ ဟဲ့ ဒွိုမ် ကွယ် ဒဲင် ကာဒါယ်။ ကာဒါယ် မိူဝ် မိုဝ်း ကူပ် အန်။ ဂေ ဒူအီ ဒဲင် ကာဒါယ် ယီ တူ နပ် အန်။ အန် တး ဇမ် ခဲင် မိူင် အန်။ ဂေ ဒူအီ အာမျုဝ် အန်၊ ဂေ ယီ တူ ရွုး အန်။

ဘ့လာင် တီ ယီ မုး ဘ့လာင် အာခါခ်ု၊ ဘ့လာင် အီ တး ဒဲင် ကာဒါယ်၊ တဲး အီ နပ် နာ မှာန်၊ တဲး န့ လိုဝ်း ဒီ ဒူအီ ဒွန် အီ။

ဇဝ်ဖြာ ဟဲ့ တဲး အာမုဝ်ဆဲ တွိုန် ဒွါ ဒါရာ အန် ဒီ ဒူအီ။ အန် ယီ တဲး ဇဝ် ယေဆူ ဒွါ ဂေဇူ အန် ဘော နာ မှာန် ဒွန် မျုဝ် ဒီ အေ ဒူအီ။