Obľúbené biblické verše z Lǔka 8

Zdieľať

Ta̤khli lò̤tě̤tô dǒ hǎplǒhǎyî̌khû̌ amûasǎ mî̌ kòyò dǒ a ganǎ̤de Cǒmara alě̤ayô̤̌ dě a yṳ̌ǎ cǒtè̤ dě a to̤ǐphî̌mě dǒ a sǎphlǒkû, htodě a ganǎ̤de wô̌ Cǒmara ayô̤̌ dě a sǎphlǒhtû tǒ̤dǒ asǎhtò̌phôhtò̌ nu.

Ta̤khli̤ lò̤tě̤tô dǒ ta̤shî̌shô̌pò̤kla amûasǎ numî̌ kòyò dǒ a ganǎ̤de Cǒmara alě̤ayô̤̌ nu hǒ. Bǎbǎkǎlè, bǎ a ô̌htûpwa̤ pe akhanu, ta̤sû̌gû̌sò̌gè̌ sî, ta̤dû̌yò̤̌htò̌sa sî kû̌ asî mô̤nǐ̤ ta̤sǎyṳsǎbǎ hǒtôhtu sî khè̌bî̌bò asî pô̤̌ shǐshô̌shǐpò̤ khè̌bî̌ nu akhû̌akhî asǎpwǎ̤ beko pe tôphlǒ tô̤̌.

Ta̤khli̤ lò̤tě̤ dǒ lǒ̤kla amûasǎ numî̌ kòyò dǒ a ganǎ̤de Cǒmara alě̤ayô̤̌ tokhlǒ dě a sǎlě̤sǎlò̤ phî̌shěshu lô̌khô bǎbǎ asô̌sô̌kû̌ ta̤khli̤ dǒ akhò̌wǐ̤ shǒlò̤yô̤̌tô̤̌ nu. Asî yṳ̌ǎ lô̌khô pwǎ tashò̌phû̌nô̤̌ pwǎ. Dě bǎ ta̤ma̤kè̌bǎ hèbǎ asî akhanu, a ta̤yṳ̌ta̤nǎ̤ hǎmǎkè pwǎ.

Dě a hî̌ akhôphijǎ tokhlǒ kû̌, “Sî ta̤yṳ̌ta̤nǎ̤ ô̌ bǎtè?” Asî ǒò̌ kiti̤kaa bò kè, htodě asî ǐsha lô̌khô dě a hî̌ kè̌khî lû̌û kû̌, “A mî̌ kòyò hî̌tè tôpwa̤ ya? A sǎhtǎ pwǎ gili̤sǎ kû̌ shipěpǒ pwǎ dě a ganǎ̤de jò lû̌û yô̤̌yô̤̌꤮.”

Ta̤khli dǒ a lò̤tě̤ cû̌ bǎ klè̌lô̤ amûasǎ mî̌ kòyò dǒ a ganǎ̤de lô̌khô Cǒmara alě̤ayô̤̌ bǎbǎ khînǎkhîno ikǒdû̌ hèphî̌ tephekè Cǒmara alě̤ayô̤̌ dǒ asî sǎphlǒkû. Htodě pô̤̌khô asî gǔ yṳ̌ǎ tô̤̌ kû̌mî̌ asî glè̌ nǐ̤bǎ ta̤ma̤hǎplǎge tô̤̌ nudě hǎkhû̌tana hèma̤ pô̤̌nu pwǎ.

Ta̤pṳ̂̌꤮ tocǒ dǒ kòyò ma̤hǔ a tokhlǒnu, Comara gǔ bè̌ô̌lṳ̌htò̌ a pě. Dě ta̤pṳ̂̌꤮ tocǒ dǒ kòyò ma̤bǐ anu, Cǒmara gǔ dǔsî̌ya htò̌lṳ̌ a pě.

Hǒtaplǎdě pwa̤mǒ̤ nutôpwa̤ sî̌ya kû̌ a ô̌ ta̤tûdûbǐ jò petô̤̌ akhanu, a hèdô̌gînî̤lò̤ gònò̤̌gèglè dǒ Yeshǔ lômô̤̌. A cû̌hètô̌bǎ tǒ̤ Yeshǔ ma̤titènu, a shôbǐǐlṳ̌ bò kòyò pṳ̂̌꤮ tôpwa̤ a lô̤mô̤̌, htodě a shôbǐǐlṳ̌dô̌ lû̌û kû̌ a tô̌bǎhto lû̌û dě ata̤sha hǎmǎkè tôplǎnô̤̌. Dě Yeshǔ hî̌ lû̌û kû̌, “Phû̌pwa̤mǒ̤꤮, na ta̤yṳ̌ta̤nǎ̤ nî̌, a ma̤hǎmǎkè na ta̤shahǒ, gemô̤mô̤ gewô̌wô̌ pû nî̤̌꤮.”

A khôphijǎ tokhlǒ cû̌ htû̌wṳ̂̌ ihtǒ lû̌û dě a hî̌ lû̌û kû̌, “Ǒ꤮ sara, Ǒ꤮ sara! pa glè̌ lò̤cǔsibò hǒ!” Yeshǔ pě̤ihtǒ dě a sǎhtǎ gili̤sǎ kû̌ shipěpǒ dě gili̤sǎ ô̌kǔkè dě shiô̌kǔ hè.