Obľúbené biblické verše z Yṳ̂ha 10

Zdieľať

Pwa̤ǎhǔ nî̌ a hèma̤titè numî̌, pô̤̌khô a gǔ hè ǎhǔǎhî̌, ma̤siǐ kòyò, ma̤pî̌ma̤kè kòyò ayapwǎ. He dě pô̤̌khô kòyò gǔ nǐ̤ ta̤htûpwa̤ htokhôtô̤̌ pô̤̌khô kòyò ta̤ô̌htûpwa̤ gǔ lǒbe htò̌sa aya nudě he hè pwǎ.

“He mî̌ pwa̤kè̌sû̌phû̌ dǒ awô̌ tôpwa̤. Pwa̤kè̌sû̌phû̌ dǒ awô̌ tôpwa̤nu a ǐlò̤kè ata̤htûpwa̤ dǒ sû̌phû̌ tokhlǒ aya hǒ.

He sû̌phû̌ tokhlǒ numî̌ a ganǎ̤de heyô̤̌. He sî̌ganǎ̤ asî, dě asî gû̌ hekò.

He ǐ asî yôla htûpwa̤ tûjû̌pwa̤. A gǔ si pe tôkhò̌꤮ tô̤̌. Kòyò hè cî̌hǎhtò̌ jò pe asî dǒ he takhakû tôpwǎ̤꤮ tô̤̌.

He mî̌ takhakû hǒ. Kòyò lǒ̤bò dǒ a hènṳ̌ tutṳ̌ kû̌ he dǒ a mî̌ takhakû tokhlǒnu, a gǔ nǐ̤bǎ ta̤ma̤hǎplǎge pě. A gǔ hènṳ̌ hǎhtò̌ dě a gǔ kè̌shǐ a lǎ̤ǎshǎ agûlǎ̤ pě.

“He mî̌ pwa̤kè̌sû̌phû̌ dǒ awô̌ tôpwa̤. He sî̌ganǎ̤ he sû̌phû̌ dě he sû̌phû̌ sî̌ganǎ̤ he.

Hepha nu adû̌khlo kû̌ kòyò pṳ̂̌꤮ tôpwa̤. Sû̌phû̌ tokhlǒ numî̌ a ǐ he dě kòyò hè cî̌htò̌kè jò pe asî dǒ hepha a cǔdekû tôpwǎ̤꤮ tô̤̌. He kû̌ hepha mî̌ tôpwa̤ nô̤̌ pwǎ.”

Asô̌sô̌kû̌ hǒohǒ, hepha sî̌ganǎ̤ he dě he sî̌ganǎ̤ hepha, dě he ǐlò̤kè he sǎphlǒ dǒ he sû̌phû̌ tokhlǒ aya hǒ.

He kè̌ noma̤si kòyò kû̌ henǎ̤ tô̤̌ hî̌nu, kòyò ma̤si jò he tôpwǎ̤꤮ tô̤̌. He ǐlò̤kè he sǎphlǒ numî̌, kòyò noshû̌ he tôpwǎ̤꤮ tô̤̌, he sǎphlǒ kû̌ he nǎ̤ ǐlò̤ tûû̌ pwǎ. He ô̌ kû̌ he ta̤pô̤ta̤phǎ dǒ he sǎyṳ ǐlò̤kè hesǎphlǒ mî̌ anǐ̤nǐ̤, he sǎyṳ phî̌gesô̌ a mî̌ anǐ̤nǐ̤ pwǎ. Hepha mǎhè heyô̤̌ kû̌ he bǎma̤ pô̤̌o,” A hî̌ bǎ asî pô̤̌nu.

Pô̤̌nu akhû̌akhî, Yeshǔ hî̌ sô̌ kû̌, “He hî̌cǒcǒ sî, he mî̌ sû̌phû̌pô̤ a takhadekû hǒ.

Kè̌ dakǎǎ sû̌phû̌ kû̌ kòyò numî̌, sû̌phû̌ nutokhlǒ nî̌ ata mè̤̌tô̤̌ akhû̌akhî, bǎ a kè̌shǐ shǐmi̤ hè akha, a bè̌kè sû̌phû̌ dě a khlè̌kè pwǎ. Dě shǐmi̤ gǔ hè pṳ̂̌ǎ ěsikè sû̌phû̌ pě, dě a hè ma̤ khlè̌ pushǔpeshe bò sû̌phû̌ pě.

Běcǎ Yeshǔ hî̌khô̌ayô̤̌ kû̌, “He hî̌cǒcǒ sî, kòyò dǒ a hènṳ̌tô dǒ sû̌phû̌apô̤ a takhakû tô̤̌ tôpwa̤pwa̤, dě a kè̌ hèhtò̌ nṳ̌bò̌ dǒ ashǔshawa̤ tôkûkû numî̌, pwa̤ǎhǔ, pwa̤phî̌sigwǐ yǒsaphǎ pwǎ.