Obľúbené biblické verše z Pwa̤nophû̌ 5

Zdieľať

Khûpetarǔ kû̌ pwa̤nophû̌ tokhlǒ hî̌shěshu kû̌, “Tònò̤̌ ganǎ̤de kòyò hǎkhû̌phû̌ ayô̤̌nu, bǎ ganǎ̤de khlo kǎ Cǒmara ayô̤̌ lè.

Dě dǒnô̌kònu, asî ô̌kǔ tô̤̌. Dǒ ta̤lṳhtò̌hô akûnu bǎbǎ, dǒ kòhǐkòphò akûnu bǎbǎ, pṳ̂̌꤮ ni̤ni̤ asî sû̌ǐtòwòǐ sělě bǎ kòyò. Asî shôbǐǐlṳ̌ sělě lṳ̌bǎ pô̤̌ kòyò kû̌ ta̤sǎlě̤sǎlò̤ awe̤akè. Ta̤sǎlě̤sǎlò̤we̤kè mî̌ amè̤̌kû̌ Yeshǔ mî̌ kòyò dǒ a ma̤hǎplǎge kòyò hǎkhû̌phû̌ lǒ̤꤮ bò nutôpwa̤ hǒ.

Dě Khûpetarǔ hî̌ yǎ kû̌, “Phaananǐ na cû̌ no pǒtǒ̤ nanǎ̤ kû̌ hǎkhû̌tana ma̤titè? Na lô̌kè Yôla Plò̌shǐ Běcǎ hǒ. Na cû̌ bè̌hǔkè tǒ̤ we̤kû apwî̤ dǒ na shaǎnṳ̌ yǎ akla nutokhlǒ ma̤titè? Bǎ na shaǎlò̤ nawe̤ nò̌khôtô̤̌ akhanu, we̤kû numî̌ nata mè̤̌tô̤̌ ya? Na shaǎhto dě ru dǒ na nǐ̤bǎ tokhlǒnu mî̌ nata pwǎ. Pô̤̌nu dě na cû̌ bè̌lò̤tǒ̤ na sǎphlǒ dǒ na gǔ ma̤pô̤̌nu ma̤titè? Hǒo mî̌ na lô̌ bǎ kòyò tô̤̌, na lô̌ kè Cǒmara hǒ.” Phaananǐ ganǎ̤de ayô̤̌nu kû̌ taplǎnô̤̌ a lò̤khǔpo̤ sikè dě lǒ̤꤮ bò kòyò dǒ a ganǎ̤de lô̌khô ta̤ma̤htûhtò̌ anǎ̤ tokhlǒnu a gònò̤̌gòglè ǐsha bòkè.

Pô̤̌nudě ta̤we̤ta̤kè dǒ a htûhtò̌ khònò̤̌ bǎbǎ, he sǎyṳ hî̌ sî kû̌ ma̤ tǎ̤ asî tocǒ꤮ tǎ̤mǎ̤. No ô̌tûû̌ asî pô̤̌nu, ma̤titè̌hî̌dě asî gènè̤ ma̤ta̤ tokhlǒnu, kè̌ amè̤̌ pwǎkû̌ a ô̌ dǒ kòyò hǎkhû̌phû̌ a ta̤gènè̤ ahè kè̌hî̌dě a pî̌kè tûû̌ sô̌ ata pě꤮. Mè̤̌tô̤̌dě ta̤ma̤nu, a ô̌ dǒ Cǒmara a hè kè̌hî̌dě sî ma̤pè̤̌ nô̌ asî tô̤̌. Sî shě shěshu pwǎ kû̌ Cǒmara pwǎnu, sî kè̌shǐ sanǎ̤ Cǒmara kû̌ sînǎ̤ pě.”