Obľúbené biblické verše z Jowǎ̤ni̤ 12

Zdieľať

Ûpèpè̌ bǎbǎ a ma̤ he ta̤ma̤nu, a bǎgû hekò. He dè ǒbǎtè tò̤glò bǎbǎ, a ǒkû̌ bǎnu pě. Hepha bè̌dû̌bè̌yǒ kòyò htě a ma̤ he ta̤ma̤nu tapwa̤ pě.

Kòyò htě a mo̤ǐ a ta̤htûpwa̤ hǎkhû̌bǎo tapwa̤pwa̤nu, a nî̤bǎ yolahtûpwa̤ tûjûpwa̤ tò̤. Pwǎ̤ta kòyò htě a dè sò̌le̤ǐ a ta̤htûpwa̤ hǎkhû̌bǎo tò̤ tapwa̤pwa̤nu, a nî̤bǎ yolahtûpwa̤ tûjûpwa̤ pě.

He hî̌ mè̤mè̤̌ sî, bǔkû̌lǎphlǒ tophlǒnu, kò dè lǔlò̤ yǎ dě hǎkhû̌ tò̤ hî̌nu, a phǎhtò̌ a sǎhtò̌jòtò̤. Pwǎ̤tadě kò dè lǔlò̤ yǎ hî̌nu, a phǎhtò̌ sǎhtò̌plṳ̂ pě.

Ma̤pûhǐ kòyò lǒ̤꤮ bò htě a yṳǎ he toǒ ǒpe pû dě ta̤khǐkla tò̤nu, he hè lîrakhahtò̌ pwǐ ta̤lî tama bǎ hǎkhû̌ bǎonuhǒ.

“Kòyò tapwa̤pwa̤ dè gana̤de hele̤heyo̤ dě a yṳǎtò̤ hî̌nu, he cèrò yǎ tò̤. Ma̤tè̤hî̌dě, he hèlò̤ hǎkhû̌ bǎonumî̌, he hè cèrò kò ayanu mè̤tò̤, he hè ma̤lû̌htò̌ge pwǎ kò aya.

Bǎnuakha Marǐa phî̌hènṳ shinṳmû̌ htě kò kaǎ yǎta na̤du htǒotò̤pò̤. Shinṳmû̌ htǒonumî̌ apwî̤dû̌ mè̤mè̤̌ dě a phǔ lò̤jè tî̤gî gûla̤. A hè lò̌lò̤ nû̌ûta Běcǎ Ye̤shǔ khò̌lopo̤lo̤ dě a htǔsûkè nû̌ûta akhû̌lṳ. Shinṳmû̌ htǒonu, a nṳmû̌ cû̌bò hǐ tama.

Hǐnudě a pṳ̂měǐ lǒkho kolotṳlǎ toǒ dě a hǎhtò̌cû̌ kè̌shuǐ nû̌û, dě a yi̤kǒhtò̌ lǒkho, “Htû̌sò̌ǐ lǒkho Cǒmara!” “Cǒmara howi̤ yǎ dě a hè ta Běcǎ ami̤akû htǒotapwa̤!” “Cǒmara howi̤tû̌ ta Israel akhwǐcophǎ htǒotapwa̤ nî̌꤮”

Dě Běcǎ Ye̤shǔ hî̌, “Akhîakha hèto̤hǒ dě kòyòphû̌khûhtǒo glè nî̤bǎ ta̤sîrîdû̌sîrîhtû hǒ.