Obľúbené biblické verše z JOHAN 15

Zdieľať

“Kai loa misur kung ni, nangcae loa tahang ni. Ami doeh kai thungah ka om poe moa kai doeh a thungah ka oh thuih ih kami loa zetpui athaii tih; kawmawtiah kai hoiaiah loa na sak o thaih ih tidoeh om ai.

Kai khaeah om o poe ah, kai doehsoe nangcae khaeah ka oh poe toeng han. Misur tanghang angmah khueh loa athaih athaii thaih ai; misur kungpui hoiah angpaeh na-ah khueh ni athaih thaih. Tobatih toengah kai hoiah nangpaeh o ai nahaeloa na thai o thaih mak ai.

Kai thungah na oh poe o moa ka lok hae nangcae thungah om poe nahaeloa na koeh o ih boiboih to na hnih o ueloa na hnuh o tih.

Nangcae mah kai hae nang tuek o ai; kaimah ni kang tuek o moa cae moa kangcak hankoi athaih to zetpui ah athaih thaih hanah kang pacae o. Topongah kawbatih doeh ka hmin hoiah nang hnik o ih boih to Pa mah na paek o tih.

Kami longto mah angmah ampuinawk hanih amlunghaih kalen koek a tawn ih loa anihcae hanah a hinghaih paek hae ni.

Kai thungah athaih kathai ai tanghang boih loa aboeng king moa athaih kathai tanghang to loa a thoengsoek han hoi athaih aep hanah tanghang kahoih ai to a taep pae.

Kai ih lokpaek loa ahi ni: Kaimah nangcae to kang palung o batiah nangcae doeh longto hoi longto amlung o toeng ah.

Pa ih lensawkhaih loa nangcae mah zetpui a thaihhaih ranghoiah amtueng ah oh; totiah to kai ih hnukbang ah coeng o tih.

Jesuh mah, “Kai loa misur kung tangtang ni, Pa loa takhaa tawnkung ni.

Ami doeh kai thungah ka om ai loa misur tanghang batiah vah ueloa angqo tih; tobatih tanghangnawk to loa lak cu moa hmai kamngaeh thungah thumh o moa a kang king.

“Kai anghoehaih nangcae thungah oh han hoi nangcae anghoehaih to acung thaih hanah hi lok hae kang thuih o.

Pa ih lokpaek to ka pazui moa angmah ih amlunghaih thungah ka oh poe batiah kai ih lokpaek to na pazui o nahaeloa kai ih amlunghaih thungah na om o poe tih.

Topongah ka lokpaek loa ahi ni: Longto hoi longto amlung oah.

Nangcae loa long iah na oh o nahaeloa long mah nangcae to angmah ih batiah palung o tih. To-e kaimah hi long hoitoah kang tuek o moa anih ih na ai boah ni; topongah long mah nangcae to ang hnukmaa o haih ih ni.