Obľúbené biblické verše z 1Mos. 1

Zdieľať

Lepa kuanangan, “Kineiget tabaraake sirimanua simakere kele tubutta. Bule sia masipaneinei geti sangamberi iba, uma samba sangamberi leiti bagei, simaom samba simalia.” Kise te aibaraake Taikamanua sirimanua samba bailiuakenangan sia kele tubuNia. Galainangan sia, simanteu samba sinanalep.

Lepa geti sukatnakenangan sia pasamba tiboiet, “Kau ibara punuteteumui simigi, bule rakudduji samba raikepmake sangaliot polak. Kukau le ekeu masipasikeli paiba-iba, uma sangamberi leiti simalia.

Kapanandatnia, Taikamanua masigalai manua samba polak

polak tapei aibailiu tubunia samba berisara sibabara kabagania, gepgep masilakkup koat samba Ketsat Taikamanua mumanyang ka uddut oinan.

Kuanangan Taikamanua, “Kau ibara pato.” Iageti mapatonangan leu et.

Itconangan sangamberi sigalaiNia nenda Taikamanua, samba bulat maangka bagaNia. Pasat soibo, bara simansep. Nenda te' gogoi sikaenem.

Taikamanua masiitso pato nenda maeru, lepa pasaraakenangan pato nenda ka gepgep.

Komennu Kuake le katubum senengamata siureman sibara luiku samba buat mone.

Samba oniakenangan pato nenda “Ta'go” samba gepgep nenda “Soibo.” Bara kasoibokat samba bara simansep. Nene te gogoi siboiki.

Lepa panibonangan Taikamanua, “Kau ibara lakkup katalagat oinan sibailiu pasongan oinan ka oinan.”

Tapoi katubut sangamberi uma samba leiti simalia, Kukau le parou samba siureman sibara buluk sibailiu komennia.” Iageti bara kele nenda.

Lepa geti kuanangan Taikamanua, “Kau ibara simatoro ka manua masitoroiji polak bule ipasaraake sinago ka soibo. Eddangannia simatoro nenda ibailiu patuaggaiat tetere, gogoi samba rura

Panibonangan minca Taikamanua, “Kau le ibelaake polak senengamata siureman, iate siureman sibara luiku, samba siureman sibaraake bua.” Iageti bara kele nenda.

Iageti baraakenangan Taikamanua lakkup samba ipasaraake oinan ka tei lakkup nenda ka oinan sikukuddu ka uddutnia. Puailinangan kele nenda.

Kise te ibelaake polak senengamata siureman. Taikamanua maangka bagania masiitso kele nenda.

Kise te aigalai Taikamanua karua toro sabeu, iate sulu masitoroi ta'go samba laggo masitoroi gepgep; samba Igalai leu et panyanyat.

Lepa kuanangan Taikamanua, “Kau le iparuru oinan sikuddu ka tei manua ka sara kudduat, bailiu matoilanangan polak.” Iageti bara kele nenda. Taikamanua masioniake simagarak nenda, “Polak”, samba parurukat oinan nenda ioniake “Koat”. Maangka le bagat Taikamanua masiitco nenda.

Taikamanua masisukatnake sangamberinia nenda pasamba masikau parenta katubut sipungongoingoi kabagat oinan bule ramakakra samba masisunnake koat, samba katubut pauma-uma bule ituppai iginia.

Lepa kuanangan Taikamanua, “Kau le ibaraake polak senengamata leitit polak, simaom samba simalia, sabeu samba sigoiso.” Iageti bara ibara nenda.

Lepa geti kuanangan Taikamanua, “Kau le kabagat oinan senengamata sipungongoingoi samba pauma' uma' simigi sitububurut katei manua.”

Kise te aigalai sangamberinia nene Taikamanau samba maangka le bagania masiitco sangamberinia nenda.