Obľúbené biblické verše z Luk 6

Zdieľať

Ara minjɛ ɔcɛmɛ oni, Ɛbrɔkpabi kuɛjɛ nu, kumintama rɛjɛ ndi recia ndi minjɛ, banyakanɛ di kwacɛnɛ, bagbuga, mɨnɛ rɛbɨnɛ kɔgbari nu na bɛya. Kɛmanci asi ajɛ ɔcɛmɛ oni na kɛmanci bakosi bajɛ nu.

Brika bani basiŋɛ boyi ndi boyi bɔra bɛ na botima; nsu bani babi basiŋɛ bobi ndi bobi bu bɔra bɛ na botima. Kama katanɛ mbu bɔrawu na etima.

Nsu fɔnɔ nu rɔraganɛ na bani ɛban banua, mɨnɛ si nu boyi jɛ bɛ. Fɔrɛ bɛ mɨnɛ karigɛ nu botima ya baŋbɨnɛnɛ bafɛlɛ nu. Na kwa minkɔfɔn ɔkɨmkɨm nsɔl, mɨnɛ kumintumɛ bɔ Ɛbrɔkpabi nji eciacia. Ndi boyi bɔmɔ bɔyɔmɛ mɨnɛ bɔjɛ bani mbɛ gba bɔbɔ bojuga bɛ na kɛrɔ na bani bakpu.

Fɔnɔ nu erun na ɔcɛmɛ oni kɛmanci Mintɛ onua ɔfɔnɔ erun na anu.

Jisɔs ya: “Katiba bani, mɨnɛ Ɛbrɔkpabi etiba nu; kabara nu gaŋ na bani, mɨnɛ Ɛbrɔkpabi ɛbara gaŋ na anu; gbɛ nu sugɛ bani mbɛ basi nu bobi, mɨnɛ Ɛbrɔkpabi kuɛgbɛ esugɛ nu na bobi bonua.

“Nsu nkanɛ nu mbɛ minfugɛ mi: Fɔnɔ nu rɔraganɛ na bani mbɛ minkpuga bɛ, si nu boyi jɛ bɛ. Ŋunɛ nu bani mbɛ batuŋɛ nu, mɨnɛ rɔbɔ nu njɔm jɛ oni naŋɔnɛ ŋɔ osinkanɛ nu.

Si nu jɛ bani mbu minduga ya basi bajɛ nu.

Ara oni ɔlɨbi wu na kocigi kunɛ, cimɛ nkuka mɨnɛ kɔgɛ mɔ ɔlɨba. Ara oni ɔna kɔkpa rofia kɔyɛ, jɛ mɔ nku rika mɨnɛ. Oni naŋɔnɛ ŋɔ ɔsɨna wu gba, jɛ mɔ, mɨnɛ ara oni ɔna wu gba, kasɨna mɔ ya ɔfɛlɛ wu.

“Brika keti kɛyɛŋɛ koŋugi reduna rebi, mɨnɛ kekukubi keti kɛyɛŋɛ koŋugi brika reduna.

Bacɛŋɛ keti nancinɛ na reduna ndi keŋuga; afaŋɛ raduna fig na rɛtɨna greb na rɛtɨna isokud-kɛtɨma.