Obľúbené biblické verše z Juan 8

Zdieľať

Dai bhodïrï Suxi aatagidi go gaa odami ami darakïdï dai potïtïdai, —Daiñi, ix dukai kudagikïdï maaxkana oidigi podukai ïpï aanï maaxitudai odami bïïtarï tumaxi ïr buaboi. Kaxkïdï ïr kudagi gï dukami aanï. Dai xorai gin oijadagi kïïgakïrï óídaka agai bïïxkïrï bïïtarï dai ka mai tukapi ajiopada agai maatïkatai ix tumaxi ïr buaboi— itïtïdai.

dai kïïga maatïkamu aapimï ixtumaxi ïr buaboi. Dai buaboitudaitai aapimï ixtumaxi ïr buaboi aidï gia kïïgakïrï bubuakimu aapimï ix ka mai pipioñi dukai gïn aaduintuldamu gïn amu— itïtïdai.

Bhodïrï Suxi aatagidi go judidiu ix makïdï buaboitudai daidi potïtïdai, —Ix mos apia ïïgiadagi aapimï gobai ix makïdï gïn aagidi aanï, aidï gia buaboikïdï ïr gin mamaatïrdamigaka agai aapimï

Kaxkïdï ix go gamara kïïgakïrï gïn bubaidagi sai ka maiti gïn aaduintulhdana go soimaaxkami aidï gia ïr buaboi sai kïïgakïrï bubuakimu aapimï— itïtïdai.

Dïï go kïkïïrhi apia galkaitimi taidi go Suxi kïkiba daidi potïtïdai, —Gï agai sai ïmadutai aapimï ix makïdï mai soimaaxi idui tomarhi ïmo imidagai ïpïga maiñagi go oki— itïtïdai.

Daidi go Suxi itïtïdai, —Ix aapimï ïïgiadagi go soimaaxkami kaxi ïr pipioñigadï go soimaaxi aapimï— itïtïdai.

Dai bhodïrï sïïrhi kïïkiba Suxi ïpamu dai potïtïdai ïgai go oki, —¿Taa dudui go kïkïïrhi ix makïdï gïpiïrï gï bupai?— itïtïdai. —¿Maiti ix tipu tomarhi ïmoko ix makïdï gataanïitadai gïgïbidaragai gï bïïtarï?— itïtïdai. —Cho— itïtïdai go oki. —Mai tipu tomarhi ïmadutai— itïtïdai. Daidi Suxi potïtïdai, —Aanï ïpï maiti tañimu gïgïbidaragai bïïtarï dïï gia imïdañi dai ka maiti soimaaxi ibuada— itïtïdai.