Obľúbené biblické verše z От Матфея 5

Zdieľať

Талўа китум алңунак кынылӷутак кумаҳлъюкык сягныӷмун асиңӣнъа̄нӷита̄к. Итупилъ қӯлвақун лъилъықа̄к ниӷугутысқылъюкык тамаҳа̄нун илюңанилңуӷнун. Таўатыҳпигақ ниӷухси кӯкхутыстыху югнун ысҳӣсқылъюку аныӷныҳқилъыҳси, ынка̄м усюқнакаңат Атази қилягмылңуқ».

Ниӷугыстун аюқуси нунам югани. Ныҳлъяк қымим қа̄йңанилңуқ талюӷңаяҳқа̄нӷитуқ.

Тама̄кут умьюгақыхтат қуястылъылгӯт, қаюҳлъяк ысҳаӷьяҳқақа̄т Кияӷнық.

Тама̄кут атуқиюпихлъыҳӣт Кияӷныӷым пиюкылъҳаның қуястылъылгӯт, қаюҳлъяк Кияӷныӷым тӯньяҳқақӣ пиюкылъҳитның.

Иўырңа хўаңа пӣмси: “Пиниқлъюки угумикилӷӣт лъпысинун, юӷа̄ткақитыкилъю амью̄ткистыси Кияӷныӷмун қуястысқылъюки”.

«Тама̄кут лӣсимакилӷӣт аклъюкиңалъыӷмыхның Кияӷныӷым каюсилъҳаның қуястылъылгӯт, қаюҳлъяк юкӣ Атаныҳпагулъҳан Қилягым.

Тама̄кут ныкыхмылъыңыстикаюгыт югның қуястылъылгӯт, қаюҳлъяк Кияӷныӷым авақутақнияҳқақӣ.

Тама̄кут қивӷулӷӣт қуястылъылгӯт, қаюҳлъяк Кияӷныӷым илютуҳсяӷьяҳқақӣ.

Тама̄кут амью̄ткылъыңылӷӣт атуқутмыхның Кияӷныӷым пиюкылъҳа, қа̄ткутңатмыхның қуястылъылгӯт, қаюҳлъяк юкӣ Атаныҳпагулъҳан Қилягым.

Тама̄кут наңлъыхталӷӣт қуястылъылгӯт, қаюҳлъяк Кияӷныӷым наңлъыгьягусяҳқақӣ.

Қуястылъылгӯси югыт сыӷлықӯқаңиси, амью̄ткыхкаңиси, иқлъыңиқуткыхкаңиси малихся̄ҳтыңутыхпысиның хўаңамнун. Ынңа̄талъ қуяҳлъяхтык қаюҳлъяк қилягми пама акилыҳтӯсяҳқалыхлъягӯси. Амынқун, ныӷиӷлюку ӯкналиқистыт амью̄ткыхкӣт катам ма̄тын амью̄ткылъҳистун лъпыси».

Тама̄кут қусывыгңалӷӣт қуястылъылгӯт, қаюҳлъяк Кияӷныӷым тӯньяҳқақа̄ нуна лъңитнун.

«Таӷьюстун аюқуси нунам югани. Иўырңа таӷьюқ таӷьюӷниңӣскуни, алъя натын таӷьюӷниҳсяҳқа̄нӷитуқ. Атӯнаниҳлъықуқ сямун алңунак ынка̄м ыхлъықуқ та̄хкын югыт тутма̄сҳақылъықа̄т.

Лъпыси авақутақңутаңаның Атахпыси қилягмылңӯм пиниҳтык таўатыҳпигақ Атахпыси пинилъҳатун».

Йыӷлыги лыган “а̄ңӷа̄си”, налиӷмың “нака̄ҳа̄си”. Сяңўа̄т иляскуфсики та̄кугнун Туӷныӷаӷмың пиңӯт».

«Нагақуқақаҳси хўатын пилъық: “Кина ӣйңиқувгу лъпыклъю ӣйңиӷьяҳқа̄гутын. Китум хӯтңа муӷугаҳтыкувгу лъпыклъю хутын муӷугаҳсяҳқа̄гуқ”. Иўырңа хўаңа пӣмси, сыӷлытун пистыси акитыхпынаки. Китум қасяҳтыкаңатын улъюңахпыгун иңлюңалъю тӯнакын.

Ынка̄м аӷынқигныӷым ийыхпык сыӷлыҳқыстыкаңатын, ӣклъюку ыхнакын! Итагнаӷьяҳқа̄гуқ югусин налиӷныӷитыӷңа̄ӷми, ӣңунаӷми геенамун милю̄тылъыҳқа̄ның. Аӷынқигныӷым ӣхыхпык сыӷлыҳқыстыкаңатын, кыплъюки ыхнакытын! Пиниӷатаӷаӷьяҳқа̄гуқ югусин налиӷныӷитыӷңа̄ӷми, ӣңунаӷми геенамун пилъыҳқа̄ның».