Obľúbené biblické verše z Lik 12

Zdieľať

Amun kusu, an `buabua amún wun sie, afin m bɔ n kacili Sran'n m ´ba dɔ nga an bu-man min akunndan'n su'n.»

An `dun mmua fa amún wun man Nyanmiɛn, man ɔ sie amun, i sin ɔ ´fa ninnge sɔ mun uka su man amun.»

I sin ɔ seli be kɛ: «An `nian amún wun kpa konvi kpli yolɛ'n i lika, afin man sran nyɛn i wun ɔ nyɛn i wun sɛ, nán ninnge sɔ mun yɛ be mɛn i nguan-an.»

Afin lika nga amun anwlɛn su ninnge'n wo lɛ'n, lɛ yɛ amun akunndan'n wo-ɔ.»

?Amun nun onin yɛ i kokolɛ nun ɔ kwla guɛ i afuɛ'n su bɔ kaan-an?

Kɛ ɔ yoli sɔ'n, Jésus seli i sɔnnzɔnfuɛ'm be kɛ: «I sɔ'n ti, nán an koko ninnge bɔ an lɛ-mɛn'n ti se kɛ: ‹?Nguɛ yɛ e ´di-ɔ? ?E ´nyan tannin nin yɛ e kla-a?›

Ɔ si amún ti ndrɛ'n bɔbɔ i nuan. Ɔ man, nán srɛ kun amun mlɔnmlɔn, sran kun ti kpa tra ndrofia kpanngban.»

«Amun bɔ an ti kɛ bua akpasua kaan kun sa'n, nán srɛ kun amun, yɛlɛ kɛ amun Si klo kɛ amun tran be ng'ɔ sie be'n be nun.

An `nian kuankuan mun, be gua-man awie, yɛ be kpɛ-man awie, be lɛ-man kuku nin tanngannin, sanngɛ Nyanmiɛn ta be. An ti kpa tra anunman mun kpɛ blu!

Nán an bu like nga amun ´di'n nin nzue nga amun ´nɔn'n i akunndan, yɛ nán an sanngan amun wun akunndan.

?Sɛ Nyanmiɛn yo ijre bɔ ndɛ be o blo lɔ, bɔ ainman be ´gua be sin nun'n be klanman kɛ nga sa'n, ɔ kata-man amun wun sɔ kpɛ blu? ?An lafi-man Nyanmiɛn su?

Sa kwlaa nga sran'm be katakata su'n, i wie fi su ka-man lɛ b'ɔ su fite-man nglo-ɔ, yɛ ndɛ fi su ka-man nvialiɛ nun bɔ be su si-man nun-ɔn.