Obľúbené biblické verše z Ima̍tiyu 1

Zdieľať

O̍ ge̍ē ma ɔyi̍ ɔnɔ̄ngrɔ̄ɔ. A chī ge̍ē de ɔ̍ re̍ka Iji̍sɔ̄ɔsi. Wu̍chē oji̍ nɛ, o̍ ge̍ē hɛ̍ āchɛ yī nū ta̍ hī lɛlā ɔdwɔ̄bi̍ yī wā.”

O̍ ka hīka, “Ɔyi̍ ɔnɔ̄nyā ɔha̍ nīi i̍ je̍ ɔngrɔ̄ɔ ni̍ ma̍ ge̍ē hrīpu̍. O̍ ge̍ē ma ɔyi̍ ɔnɔ̄ngrɔ̄ɔ. E̍ ge̍ē hī ɔ̄ ka Ima̍nūɛli.” (Ochi̍chi̍ yī Ima̍nūɛli re̍ka, “Ɔwɔ hɔ̄ amu ba̍la alɔ”).

O̍ yɛ ē gbɛri̍ya̍ yī lɛlā nūma̍ ma̍, ɔyɛ̍ɛ̄chɛ̄rɔ̄ yī Ādā Nīi - Ɔwɔ ma̍ wā dikpo̍ba̍ ɔ̄ la wɔ̄na. O̍ da ɔ̍ hīka, “Ijo̍sɛ̄ɛfu, ībī yī Ide̍bīidi! A ā de tūuhwi yī ode Imeri̍ wo̍ōwu̍ ni̍. Wu̍chē oji̍ nɛ, o̍ hrīpu̍ ɔla̍ā bū la abɔ̄ yī Uhu Ɔnɛ̄ɛhɛhi yī Ɔwɔ.

Lɔkɔ nīi e̍ ma Iji̍sɔ̄ɔsi Ikra̍yisi ma̍ hɔ̄ ma̍ a̍nɛ: Imeri̍ ɛ̍nɛ̍ yī nū, Ijo̍sɛ̄ɛfu ti̍yaha yī nū nīi o̍ ge̍ē bla̍a anu̍ a̍nɛ. O̍bū nīi Ijo̍sɛ̄ɛfu de ɔ̍ wu̍ ma̍, Imeri̍ jo̍ōkū ka anɔ̍lɔ de hrīpu̍ bū la abɔ̄ yī Uhu Ɔnɛ̄ɛhɛhi yī Ɔwɔ mɛ̍. Ijo̍sɛ̄ɛfu nīi ge̍ē wu̍ Imeri̍ ma̍ - ɔ̄chɛ ɔyɛ̍ɛ̄lā kpakpa nɛ. O̍ i̍ chikpo̍ ge̍ē de liwēyī de Imeri̍ la ɔgbādu ni̍. Wu̍chē yī ɔla̍ā, o̍ miya ge̍ē de lɛba̍ yī wā ɔla̍ā wīya ē tū fi̍yɛ̍ɛ̍ lɛbɛ nīi ɔ̄chɔ̄chɛ i̍ ge̍ē po̍ ni̍.