Obľúbené biblické verše z Yohani 7

Zdieľať

Uno wengʼanitisilʼine, wʼamajenje ga minzʼamalanzi galiduvuha muhati mumwakwe, inza she lilyo ayanzile nukalata.

Apene pisiku lya kuvumalilizyo vwa chaka ipiti, pʼuYesu ahimilila pupo, ahavilishila ahati: Uno wengʼayumilwʼaminzi, wʼayinze kukwane, angʼwele.

LyʼahatahagʼuMupepo we vinze vamuposhelaje ve vamwitisile, shʼuMupepo ashili, shʼuYesu ashili ukwinjila muvupiti uvumwamu.

Mutalonje mwe zivaliye kuminso ginyu ndali, nkandi simulonje mwe zili.

Uno wengʼakuyanga zye zyakwe zyʼayasite, wʼakuyanzilʼulushindiho lwakwe wuyo akuti vanchindishe. Nkandʼuno wengʼakuti imushindishe wuyo wʼantumile, we wa nalyoli uwene, nuvugombanu vute navumo mumwakwe.

PʼuYesu ahamula ahavavuzya ahati: Inongwa zye nkuvavuzyʼine zite zyane nene ndali, zya wuyo wʼantumilʼine.

Imwe insi yitamanyilʼukuvapata, nkandʼine yimpasite, she nkuyihomeshezya ukuti imbombo zyakwe zye mbivi.