Obľúbené biblické verše z JAN 6

Zdieľať

Jesu wɔ̀ɔ pé po: «Bru ŋa wí na nyuwyeʔe kanʔa hɛɛn ma be, wiì wi ŋa domi nì we. Funŋu ki ìn bi gà ŋa co adi wí bi ban nà krugu ge. Nyujɔʔɔ ki ìn bi gà ŋa co adi wí bi ba ná na ge.

Nyɛʔɛlɛ li Nyìli li lí nyɛ nyuwyeʔe kanfɔlɔ we. Wre fanŋa koò nyɛ yraʔa kà. Kayoro da mí ma yo ye kan, tiì fanŋa ni yé ma Nyɛʔɛlɛ li Nyìli ta la lí na nyuwyeʔe kanʔa ge.

Yò gáa tunŋu ko jango bì da akaba ba taʔa pí bi baa fonri ge. Di ye da tunŋu ko jango bì baa ba taʔa pi ìn bi gà fonʔo ge, ba pí na nyuwyeʔe bajegɔ kanʔa we. Akaba ba Hɛn Pyɔ wí bi gân ye ma ge, piì bi. Mɛjɛn To Nyɛʔɛlɛ lí moo fara mà li jɛnlɛ pa le wi na.»

Mɛjɛn na To wi nadanma miì ma me: Hɛɛn pè bɛfu bee pé bi Pyɔ nya we bi ba wí na ki woo pe nyuwyeʔe bajegɔ ta. Mí bi ba pe nyɛ bì pe yrígi wlɛdanʔaŋa na ge.»

Jesu wɔ̀ɔ pé po: «Ga Nyɛʔɛlɛ lí ma cori yé hanri ge, kí ga: Ye pà ŋa na lí ma tun ge.»

Na To wí na bee kanʔa ná ma ge, ki woo pè bɛfu pé bi da ban nà krugu. Hɛn ŋa wí bi da ban nà krugu ge, mi ìn bi yà ki woo prɔ we fyeu.

Simo Pyɛri wɔ̀ɔ wí po: «Wò fɔlɔ, pa mo má nyɛ nyuwyeʔe bajegɔ kayoro yofɔlɔ ge, nà wo hru mà krugu ge, pa wo ba han na si?

Mì wi mí nyɛ ki bru we, ŋa wí nyɛ nyuwyeʔe woo mâ po wí ma jɛ wa namuru ni mâ trigi naʔa tra na de. Hɛn ŋa wí bi ki bru ŋa ka we, ki woo pɔɔ nyuwyeʔe bajegɔ ta. Mɛjɛn bru ŋa mí bi gâ ge, wiì wi ŋa na wre ní de. Mí bi ti kân drunya hɛɛn pè bɛfu pe nyuwyeʔe tama kala na.»

Hɛn wà wóo gban bì ban nà krugu, kí po To ŋa wí ma na tun wi ìn wi kle ge. Domi fanna, mí bi ba ki woo nyɛ̀ bùu yrígi wlɛdanʔaŋa na ge.

Mɛjɛn akaʔa ga Nyɛʔɛlɛ lí na kanʔa ge, kiì gi ga kí na jrɛʔɛ wa namuru ni ná nyuwyeʔe kanʔa drunya ma we.»

Mí nyɛ bru ŋa wí na nyuwyeʔe kanʔa ge.

Jesu wɔ̀ɔ bru kpe we mà Nyɛʔɛlɛ syeri le mòo tiʔibi bee na pe dá bo klɛnhaʔa ge. Wɔ̀ɔ ní mà fyɔbiʔi tiʔibi ge pé na nɛ. Pè bɛfu à pe ta fyɔbiʔi na ge mà yala ga nì pe dá jori bì da ge. Pè bɛfu pe gâ li mâ tìn nyiŋi ga na ge, wɔ̀ɔ wi ploʔofɛɛ po be: «Ye brukonro ní fyɔkonro kpoʔolo be ba pí ma kori ge. Yò ga pí yaʔa pi cɔʔɔ.»

Pe da gâ bo pé ma nyumu kɔrɔ hɔʔɔ mâ cilo pii pèè kɔ, kɔgunnu yoo, noli yoo, à pe Jesu nya wí na tanri nyumu yugu na na flo wa pe nyumu kɔrɔ tanla ge. Fyara à ti pé co. Di wɔ̀ɔ pé po: «Yò gáa fyaʔa. Mì wi.»