Obľúbené biblické verše z HLIMI 6

Zdieľať

Àʔa Bajegɔ Nyɛʔɛlɛ bɛn ga na li dá hɛɛn hanri naʔa tra na de. À li po yɛpɛnʔɛ ní.

Bajegɔ Nyɛʔɛlɛ à li hɛɛn nya be pé ma krɛʔɛ kapere hanrifɛɛ ceŋge naʔa drunya ni we. Pe dihonyee à pe na honri tipeʔe hranma miì na nyiŋi kì bɛfu na.

Di Nowe wi dáa Bajegɔ Nyɛʔɛlɛ glanʔa le.

Nowe wi kayoʔo kí ga: Nowe wi dá bo hɛnsinŋi mà po baʔahaʔa fun wa wi nyiŋi hɛɛn ni be. Nyɛʔɛlɛ li dáa Nowe glanʔa we su.

Bajegɔ Nyɛʔɛlɛ à li yo: Hɛɛn bee mi dá hanri kí ma yala bì pe tôn bì pe laʔa wa tra na de, ali ajobo yoo, aflolobo ní mà plɛn kajɛnʔɛ ní ge. Kí na na ya, áʔa po mi da pí hanri ge.

Nyiŋi ga na hɛɛn pe da gáʔà hli ná nyɛʔɛ naʔa tra na de, á pe picɛɛ pèè he ge, Nyɛʔɛlɛ li pii à pe hɛɛn pe picɛɛ nya be kmaala. À pe pèè fara pé ni jango bi pe pɔri. Ki nyiŋi na, Bajegɔ Nyɛʔɛlɛ à li yo: Mi ìn bi gban bì hɛɛn yaʔa be pe kò nyuwyeʔe ŋoʔo ga ni su mi dá gan pé ma ge. Mɛjɛn kiì nì kì bɛfu ní pé bi gà ba gu. Ma kpe ŋaŋa na, hɛɛn pe ìn bi da lɛʔɛ bì da doro yɛʔɛ́ too noli na we. Ki nyiŋi na, hɛɛn bee kpandoo mâ po tikloón pe dá bo naʔa tra na de. Pèè da gâ ba danʔa naʔa. Nyɛʔɛlɛ li pii pe dá drunya woo pe picɛɛ kpe mà ki pii he be. À pe bâ bo fanfan hɛɛn pe yegbɔʔɔ fɛɛ mà po fanŋa fɛɛ kpo.

Kiì gi Nowe wi dá hanri, mɛjɛn wi dá kì bɛfu hanri ga Nyɛʔɛlɛ li dá yo wi hanri ge.

Di Nyɛʔɛlɛ à li báʔà yo Nowe ma we mà yo: «Mí ma cori bì hɛɛn pè bɛfu tón pe tipere hranma kɔsɔ na. Drunya wì bɛfu wí ma nyi pe tipeme ní me. Mí bi pe tón bìʔi plɛn tra ní de.

Ma nyumu kɔrɔkpɔʔɔ hanri tiri tyɛnlɛ la nì pé na yeri gofɛri ge. Ma ki lama konʔolo me gopiʔi, gopiʔi. Ma ki lama ní, ní ki finmi tin me kro nì.

Nyɛʔɛlɛ à li drunya wele mà yo wí ma cɔʔɔ. Mɛjɛn hɛɛn pè bɛfu pe dá grɛʔɛ hɛnpee.

Ma awyebe tyɛnʔɛ kè bɛfu naŋa nì cɛlɛ co, ma je pí ni kpo wa nyumu kɔrɔkpɔʔɔ ni, jango pi syɔ, pi kò nyuwyeʔe na má ni kpo.