Obľúbené biblické verše z Génesis 39

Zdieľať

Yë Dios yë'ë ënety mëët yajpaaty yë José ets José janty'oy ënety tyuny ma jam y'ityën ma ja wyintsën ja tyëjkën.

Yë José yë'ë ënety kyëwent'ajtääpy tu'kë'ëyë winë, paaty yë Potifar ka'ap nitii tmëmay tmëtajy, jotkujk je'eyë kyäy y'uuky. Yë José janty'oy ënety kyëxë'ëky ets aak tsojkëyëp ja'ay.

tä ojts yë'ë tyuknipëkyë ets ja pujxntëjkja'ay tkëwent'atëty. José yë'ë ënety nyi'ënä'ämëp winë mëti'ipë tyuntëpën ja pujxntëjkja'ayëty

Jëtu'un ojts tmatsy ja José, tä ni'ënä'ämëy ko tyajtëkëtëty pujxn tëkoty, ma ënety jap ja yajkutujkpë ja tyuunpëtëjk tsumy y'itën. Oy ënety të y'ëkyajtsumy yë José je'eyë ja Dios mëët y'ity ets xëmë pyutëk pyupetyë jap pujxn tëkoty, e jëtu'un'äämpy yë José ojts tmëmëtä'äky ets ja pujxntëjkëwent'ajtpë oy tsuj jyawëtëty

Jëtu'un tu'kxëëw tu'kjëmëjt ja wyintsën yë tyo'oxytyëjk ojts ja José janty'oy t'ixy, ënät y'ënëmaayë: Mëët'ijtkës. José ka'ap tkupëjky ets t'ëtsooy: Ëk'ix yë nwintsënës yë'ëjës të xytyukmëwë'ëmta'ay winë mëti'ipëjaty myëët'ajtypyën ets koos yaa n'ity, ka'ap mëpaat tii xymyëmay xymyëtajy. Ma ya'atë tëjkën ni pën yaa kyajëtu'unëty ijxtëm ëjtsën, yë nwintsënës ka'apës tii xytyukmëwintuk'ooky; e mijtsyë tëy jëtu'un ka'ap mëpaat nmëmay nmëtajy, jä'ä ko mijts mto'oxytyëjk'atyë e jëtu'un ¿wi'ixës ko ëxëëkpë mtunëty ets nmëpokytyunëtyës yë Dios?

Tu'uk xëëw ojts yë José tyëkë tëkoty ets ja tyuunk tyaj'apaatëja'any, e kom ka'ap ënety jap pën, ënät ojts ja to'oxytyëjk myätsyë ma ja nyijänën ets y'ënëmaayë: Mëët'ijtkës. Yë José ojts pyëtsimy pëyi'ikyë ets t'ëxmajtsy ja nyijän ma ja to'oxytyëjkën.