Obľúbené biblické verše z Kut 1

Zdieľať

Bwanyima Ruhanga yaagira ati: Tukore omuntu omu nshusha yaitu, ashushane naitwe, haza ategyekye ebyenyanja n'enyonyi z'omu kaabunga, n'amatungo n'enyamaishwa z'omu nsi yoona na byona ebirikugyendesa enda ebyekurura aha itaka. Atyo Ruhanga yaahanga omuntu omu nshusha ye, yaamuhanga naashushana nawe, yaabahanga bari omushaija n'omukazi.

Ruhanga yaabaha omugisha, yaabagira ati: Muzaare, mukanye, mwijure ensi, mugikubuure; mutegyekye ebyenyanja n'enyonyi z'omu kaabunga, na byona ebirikugyendesa enda aha itaka.

Omu kutandika kw'ebintu byona obu Ruhanga yaahanga eiguru n'ensi

ensi ekaba etaine ku erikushusha, erimu busha, n'omwirima gushwekire amaizi agari okuzimu, Mutima wa Ruhanga naazeereera eruguru y'ago maizi.

Ruhanga akagira ati: Habeho ekyererezi; ekyererezi kyabaho.

Ruhanga yaareeba byona ebi yaahangire biri birungi munonga. Bwaira bwasheesha, kyaba ekiro kya mukaaga.

Ruhanga yaareeba ekyo kyererezi kiri kirungi; yaakitaanisa n'omwirima.

Kandi Ruhanga yaagira ati: Reeba naabaha ebimera byona ebiine embibo, ebiri hoona omu nsi, n'ebiti byona ebiine embibo omu bijuma byabyo, bibe ebyokurya byanyu.

Ruhanga ekyererezi yaakyeta Nyomushana, n'omwirima yaagweta Nyekiro. Mpaho bwaira bwasheesha, kyaba ekiro ky'okubanza.

Kandi Ruhanga yaagira ati: Habeho orukanga ahagati y'amaizi, rugataanise na magyenzi gaago.

Enyamaishwa zoona ez'omu nsi, n'enyonyi zoona ez'omu kaabunga, na kyona ekirikugyendesa enda aha itaka, naabiha byona ebiine amagara ebirikumera, kuba ebyokurya byabyo. Haza kyaba kwo.

Kandi Ruhanga yaagira ati: Habeho ebirikwaka omu rukanga rw'eiguru, okutaanisa nyomushana na nyekiro; bibe obumanyiso bw'obunaku n'emyaka

Ruhanga yaagira ati: Ensi emeze ebirikumera ebirikwera enjuma n'ebiti ebirikwana ebijuma, ebiine embibo, buri kimwe omu muringo gwakyo. Haza kyaba kwo.

Ruhanga yaahanga Orukanga, yaataanisa amaizi g'ahansi yaarwo n'ag'ahaiguru yaarwo kandi kyaba kwo.

Ensi yaameza ebirikumera ebirikurugwamu embibo, nk'emiringo yaabyo oku eri; n'ebiti ebirikwana ebijuma ebirimu embibo, buri kimwe nk'omuringo gwakyo oku guri. Nakyo Ruhanga yaareeba kiri kirungi.

Ruhanga yaahanga ebirikwaka ebikuru bibiri: ekirikwaka munonga kutegyeka nyomushana, n'ekirikwaka mpora kutegyeka nyekiro; yaahanga n'enyonyoozi.

Kandi Ruhanga yaagira ati: Amaizi g'ahansi y'eiguru gateeranire omu mwanya gumwe, eitaka rireebwe. Haza kyaba kwo. Ruhanga eryo itaka yaaryeta Ensi, n'eiteeraniro ry'amaizi yaaryeta Enyanja. Ekyo Ruhanga yaareeba kiri kirungi.

Ruhanga yaabiha omugisha, naagira ati: Muzaare, mukanye, mwijure omu maizi g'omu mayanja, n'ebirikugurukisa amapapa bikanye omu nsi.

Kandi Ruhanga yaagira ati: Ensi erugwemu ebiine amagara, nk'emiringo yaabyo oku eri: Amatungo n'enyamaishwa, nk'emiringo yaabyo oku eri. Haza kyaba kwo.

Kandi Ruhanga yaagira ati: Amaizi gaijurwemu ebintu bingi ebiine amagara, n'enyonyi zigurukire ahaiguru y'ensi, nizicwekanisa omwanya gw'ahaiguru.

Ruhanga yaahanga enyamaishwa n'amatungo na byona ebirikugyendesa enda; ebyo byona nk'emiringo yaabyo oku eri. Ekyo Ruhanga yaareeba kiri kirungi.