Obľúbené biblické verše z CHƆN 19

Zdieľať

Mbɛ Chisɔsi‑a gbɛ chɛ susu fen yɔfu yɔfu chɛ ɔ, mbɛ a ɔ, “N ban‑da n 'na wai chɛ‑a.” Mbɛ a‑a a kunɛ a bun, a fa‑a.

Chisɔsi na‑a a ɔ sɔn fan, mbɛ tima chɛ a gbɛ, a ban‑da a 'a wai gbɛɛ chɛ‑a, a ni min chɛ. A sin, min mbe a ma Yataa 'a gboo‑a bai min fɔ, a ni bɔ a a, mbɛ a ɔ, “N kanɛ a gbaa‑a.”

Chisɔsi fɛ den chɛ, min ko a ni di a ye gbeden, a wɛɛ ni wan nɔ sɔ ɔ Chisɔsi de baima. Chisɔsi‑a an fea chɛ yen kɛn sɔ ɔ, mbɛ a ɔ, “N de, i 'a denɛ an nɛ gbɛ.” Mbɛ a ɔ an fɛ den chɛ wɛɛ ma, a ɔ, “N bɔ, i de an nɛ gbɛ.” A sin, a ka gbɛ a tima chɛ ma, aan a ta, an fɛ den chɛ ta‑a bɔɔɛ chɛ a a waa a, a‑a a bia yɔ a de.

Chɛɛ an che‑a kɛn Chisɔsi ma, an nii ma a chenɛ n dɔ kai ni. Koe min na mu, an na‑a a ɔ yen fan, mbɛ a faenɛ ni gbɛ. Chɛɛ chɛ gbɛɛ ɔ, soya chɛ n dɔndɔ, a‑a tamba a sendenɛ ya wan, a‑a Chisɔsi kaa fɛ sɔɔ a a. A sin, a ya kɔɔɛ a, wii bɔ‑a wan nɔ, a basan yii a.

Chɛ na‑a ma, min mbe a ma, Yataa 'a gboo‑a min fɔ, a ni bɔ a a. A‑a a fɔ wan, a ɔ, “An mbe ee a kuu dɔndɔ wɛɛ ɔ kai‑a.” Yataa da a bai dɔndɔ to a 'a gboo ɔ, a ɔ, “Mɔɛ n mbe mɔɛ chɛ ma fɛn‑da wan, an‑na min sɔɔ tamba a.”

Chisɔsi wandi an to‑a a 'a kɔn gbengbandenɛ chɛ suun‑da aan an bɔ‑a an duu chɛ ɔ. Mbɛ a‑a a fo kaina, an ni min chee, an dɔ, Kun Konkonɛ Ma. Chu mɔɛ n ni nɔ chee, an dɔ, Kɔkɔta.

Mbɛ soya chɛ nu, an‑na mansa banfua nyan wai a sen sendenɛ ɔ, mbɛ an‑na a si Chisɔsi kunɛ a. Mbɛ doma kai kɔ yawaenɛ, an‑na a don a ma mansa doma a.