Obľúbené biblické verše z ATŨMWO 5

Zdieľať

Nowe Petero me na atũmwo arĩa angĩ makĩmacokeria makiuga atĩrĩ, Nĩkwagĩrĩire tũigue Ngai kũrĩ kũigua andũ.

Na matiigana gũtiga kũrutana na kũheana ũhoro wa Jesu atĩ nĩwe Kristo mĩthenya yothe, marĩ hekarũ-inĩ, o na marĩ kwao mĩciĩ.

Nowe Petero akĩmwĩra atĩrĩ, Anania, nĩ kĩ gĩtũmĩte ngoro yaku ĩiyũrũo nĩ Shaitani, nĩguo ũhenie Roho Mũtheru, na wĩtigĩrie mbia imwe cia iria gĩthaka kiumĩte? Rĩrĩa kĩraikaire o ro ũguo-rĩ, githĩ gĩtiragĩikaire kĩrĩ o gĩaku? O na kĩarĩkia kwendio-rĩ, githĩ mbia iria kĩroimĩte itirakĩrĩ o ciaku wĩke ũrĩa ũkwenda nacio? Atĩrĩ, wĩcirĩtie ũhoro ũyũ na ngoro yaku atĩa? Ti mũndũ wakĩhenia, no Ngai. Nake Anania aaigua ciugo icio akĩgũa thĩ agĩtuĩkana: nao andũ othe arĩa maaiguire ũhoro ũcio magĩkĩnyitwo nĩ guoya mũnene.

Naguo rĩu ngũmwĩra atĩrĩ, Ehererai andũ aya, mũtigane nao, tondũ rĩrĩ, ũhoro ũyũ o na kana wĩra ũyũ ũngĩkorũo uumĩte kũrĩ andũ, nĩũrĩũra biũ: no ũngĩkorũo uumĩte kũrĩ Ngai-rĩ, nĩmũrĩremwo nĩ gũtũma andũ acio more; tiga hihi mũkorirũo o mũkĩhũrana na Ngai.