Obľúbené biblické verše z GENESIS 39

Zdieľať

TUHAN mandohop Yosep sampai ie harajur mandino hasil huang kare gawie. Ie melai intu human tuan aie, oloh Misir te.

Uras taloh je ayun Potipar imercayae dengan Yosep. Tumon te Potipar samasinde dia paduli tahiu humae, suali tahiu panginae. Yosep gagah hayak bakena.

Yosep imercaya awie uka maharagu kare oloh tahanan je beken tuntang manantuani hapus gawi huang penjara te.

Ie bajeleng manyoho manyingkap Yosep tuntang inamean akan huang penjara, eka kare tahanan raja ingurong. Tapi TUHAN mandohop Yosep tuntang harajur sinta ie, sampai kapala penjara rajin dengae.

Limbah pire-pire katahie, sawan Potipar nampara nahuang dengan Yosep. Oloh tabela te imbite hinje batiroh. Yosep dia maku hayak hamauh dengae, “Ela, Nyonya, tuan Potipar jari mamercaya uras panataue dengangku. Ie dia paduli en-en tinai intu humae toh. Intu hetoh kuasangku sama kahaie dengan kuasae. Jaton ije je dia inyarahe akangku, suali Nyonya. Dia baka aku tau mawi gawi papa tumon te tuntang badosa dengan Hatalla.”

Sinde andau metoh Yosep tame akan huang huma handak nguan gawie jaton ije biti oloh intu hete. Sawan Potipar manjijit Yosep intu jubahe tuntang hamauh, “Ayo itah hinje batiroh.” Yosep bagagah tuntang olih lapas, palus hadari balua, tapi jubahe tapalihi intu lengen oloh bawi te.