Obľúbené biblické verše z Matius 21

Zdieľať

Annu iamo mupelau langngan Puang Allata'alla la mutarima ke ma'sambayangko sitonda kapangngoreanan.

Nakuamo Puang Yesus: “Kutulasangkoa' sitonganna, ianna dengan kapangngoreanammua' anna tae'koa' sarubeba', malakoa' duka' umpogau' kara-kara susi kupogau' temo. Anna tae' te angga mala la'mupogau'e, sapo la malapokoa' duka' ma'kada lako inde dio tanetee kumua: tiangka'ko tama tasik, tae' mala tadadi.

Inde tau budae susi to uyyoloananni tenni to Windi sipetamba-tambaan nakua: “Dipakasalle peampoanna tomaraya Daud. Ditamba' to sae umpotendan sanganna Dewata. Dipakasalle Puang Allata'alla to randan matande.”

Anna mane ma'kada lako nakua: “Dengan tiuki' illalan Buku Masero nakua: ‘Banuangku la nangei ma'rupa tau ma'sambayang,’ sapomungeiria' iko ma'tengko.

“Palanda'i lako issinna kota Sion kumua: ‘Petua'ia', saemi tomarayammu umpellambi'iko, marampan penawa, ussakei keledai, mesa keledai mangngura.’ ”

Nakuamo Puang Yesus: “Ta'paka dengan mubaca illalan Buku Masero nakua: ‘Batu pantibeanna tukan, diala dipobatulentong. Kara-kara iatoo dadi situru' pa'kuanna Dewata, anna mangnga-mangngaki' ummitai.’

Iamo too kutulasangkoa' temo kumua: La dialaikoa' patummu illalan kaparentaanna Puang Allata'alla anna dibengan lakotau senga', to umpogau' la sipato'na napogau' petauanna Puang Allata'alla. [