Obľúbené biblické verše z Matius 2

Zdieľať

Inakla arleken motok agoukhasik uma ukisukha meke, elege etnogo agosa Maria agamo werekma inileken halok, initibagal yukukhogon hogorakhukha. Hogorakhe dogolik, oko kok hano meke emas inom, kemenyan kami obasi hakene iti inom, o imur apusu inom, hiselogo wogokhukha.

At Yesus iti, o propinsi Yudea etoma o ukul etaga Betlehem itaklageikhe. Itaklageikhe eta higit o etoma ap kok etagapogot Herodes iti welageikhe. Werekma, it ap inobagasiak husagal penakhe lagoukha meke aperek o mulikin dagei agarekma eloma mot-mot nen o Yerusalem wagoukha. Wagoukhasik, it nen, men isukha, “Akhuni Yahudi meke inoe kok Etagapogot itaklagasik werek etnaga, o koma itaklagasik werek. Nit o mulikin dagei agarekma eloma werekma, ap kok iti itaklagama iluk, husagal ageikhe winam agama nen, at iti ninetaiken at oba hakotdiluk hogorasuogoluk husagal iti nineleken nen wolok hinok wagani ago,” iluk isukha.

Itithogon huk ageikhemo it emenogo husagal etnogo inileken hasukhasik, inakla arleken motok agoukha.

Wogokhukhasik noge isinem at Allah nen, “Hit yabokane hinapuke Herodes oba lagup o,” iluk husupi negen yogeisasikhemo ina'bi halok, holak nekalokmake nen inaila lagoukha. It ap husagal inileken nen wolok wagoukha meke emenogo arat lagoukhama, hibako Yusuf noge isinem malaikat Allah nen pogot oba la'i ageikhesik, a'bi baga men yogokhikhe, “Yusuf. Hat he, elege itago iti agosa ipisagat wogosik, o Mesir etoma lo lan o. Lalok nen, etomaat dogono. Etoma werekma an nen yokhikhi halogat wetno. At ap kok Herodes etnogo nen elege itago iti wasigiluk hagariogo o,” iluk yogokhikhemo a'bi hasikhe.