Obľúbené biblické verše z JON 6

Zdieľať

Ge Jisus hiɛŋ aŋ, Gamba n shɛ iyimɛyɛ ɛtɛ uraiŋ, bụtụ na zhajɛ pi mi, imunɛ zha shɛ ya gwuma bu ya kwukwuŋ, bụtụ na kaa du n tɛtanɛ-rishe, i'uyɛ zha shɛ yo ilo bu ya kwukwuŋ.

Mpiala ma Agwatana muba ma pana atwa uraiŋ, ama usunda-tu'waba zasa ule o. N-ndumwa mu ga Ngaa jɛmɛ ne hiŋ mu banɛ na Mpiala ma Agwatana, n-ndumwa ma ata muba kaa ma pana bụtụ uraiŋ.

Ta na nda ma ugondu iwɛ iyimɛyɛ nɛ zhɛ ya nda ufwu o, ama ga shɛ iwɛ iyimɛyɛ nɛ zhɛ ya nama tutu uraiŋ unyizo-nom, inɛɛ nɛ Yɛu Bụtụ zhɛ ma hi pana. Iwɛnɛ po ubwa Agwatana Bishi utegeni ụhwada maa bu na duma ụshɛrɛya, iwɛnɛ tu baa shɛ Yɛu Bụtụ.

Ukwulana Bishi mi ụ shɛ maa, atwa elele na kwụbɛ Yɛu, a na kaa tɛtanɛ bu rishe, ɛ zhɛ a 'yaga uraiŋ unyizo-nom, N zhɛ mɛ hicinjɛ aŋ hwuŋ nụ ụjita ata umɛwɛɛ.

Ge Jisus jishijɛ aŋ, bɛɛ hiɛŋ, Iyi nɛ shɛ ugondu wa Agwatana na, tɛtana ma bụtụ ata baa tumwanɛ rishe.

Iyi elele keeni atwa elele na Bishi m peni, ɛ zhɛ a zhajɛ pi mi, bụtụ na kaa zhajɛ pi mi, N zha shɛ ma bacɛnga bụ o.

Ga Saimon Pita jishijɛ bụ, bɛɛ hiɛŋ, Agwangwama, no ofwo aba ɛti zhɛ ta zha yaa? Gabụ kaa bi 'yajɛ n-ndumwa mu uraiŋ unyizo-nom.

Gamba n shɛ iyimɛyɛ ɛtɛ uumwa, nɛ banɛ na azuba. Yaa shɛ bụtụ be elele yɛ iyimɛyɛ gɛ, bi zhɛ ba ya uraiŋ unyizo-nom. Iyimɛyɛ gɛ Ngɛɛ zhɛ ma pana atwa, ibɛ i shɛ usunda-tu'waba mu, N zhɛ kaa ma pana iŋ iwɛ uraiŋ wa atwa unyizo.

I zasa bụtụ be elele na eri bɛ zhɛ pi mi o, semi bụtụ na Bishi na n tumwanɛ mbɛ, nazhɛ Ngɛɛ zhɛ mɛ hicinjɛ bụtụ ata nụ ụjita umɛwɛɛ.

Iwɛnɛ po iyimɛyɛ ya Agwatana nɛ banɛ na azuba, ibɛ ya pana atwa unyizo uraiŋ.

Gamba n shɛ Iyimɛyɛ ɛtɛ uraiŋ.

Ge Jisus suji mbrad ma ata baa njɛ ugwoje na Agwatana, gobwonu du baa njɛ ni ijɛnɛ ɛtɛ, nazhɛ bee peni atwa ata gɛgajɛ gana na eri o gombo aŋ. Aka na ta atwa ata shigeji, ge Jisus hiɛŋ eseshi-iyi ubwa, Sutono ma owunzu mbrad ma ata mụ vwɛ urubwo uko, maa kede a na elele njɛ ufwu o.

Gana na te eseshi-iyi heŋteni ụhaŋtụ ata gana imɛle itɛtu kwo kaa ineshi, aa kwụbɛ ti ge Jisus be ci tahaŋnụ ni itekwu ɛtɛ, bɛɛ zhɛ bo dongonu ụhaŋtụ wa aba, ibɛ po inyɛsɛ shɛ aŋ. Ama ge Jisus hiɛŋ aŋ, Gamba na, ta nda ma inyɛshɛ o.