Obľúbené biblické verše z Matíó 10

Zdieľať

«Ə́yə́ə́! Mɛ ndɔ bənú lɔ́ma ɛ́sɛ́á banándɔ́mbá ɔ ətíə́ yɛ mɛkɔ. Nɔ́yɛ́, nɔ́ bá na maŋgɛ́lɛ́ ɛ́sɛ́á miáhɔ, ɛŋaná hɛkɔma ɛ́sɛ́á tubúbə́.»

Wɛ́ɛ́yɛ́ ɔwá a ndɔ siə ɔwayɛ́ buɔmɔ́ ukókósiə, a ŋɔ bɔɛ́ta nímə́siə; mba, wɛ́ɛ́yɛ́ ɔwá a ŋɔ bɔ́áyɛ́á buɔmɔ́ nímə́siə ɛlɔ́áyɛ́ ámɛ, a ŋɔ manyɔ bɔ́ɛ́ta bɔ́ŋɔ.

Nɔ lɛ bɛndɔ kɔ́lɔ́má ɔbá bá óso ɔ mɛɛ́lɔ ɔwɔ́nɔ, mba, bá lɛ bá na iŋgínə́ yɛ hɛtányɛ́ ɔwɔ́nɔ; nɔ́ kɔ́lɔ́máka ɔbánɔ́ a Huɛlɛ́ bíbúə́, ɔwayɛ́ ɔwá a óso ɔ mɛɛ́lɔ na hɛtányɛ́ ɔwɔ́nɔ bikimə bɛ́fandɛ́ ɔ hɛfɛa hɛ́ hiwə.

Ata ɛ́yánɛ́ ɔwá a sɔ́ ŋɔ wə́yíə́ ɔmbásá túána ɔkɛaka ɔwá a mɛaŋɔ́á ɔ́ŋgɔ́kɔ, a lɛ bá wɔ́ɔwɔ ɔwá a ná hɔ́ánána ɔbáá waamɛ.

Nɔ́yɛ́, mɔndɔ mukimə ɔwá a ndɔ laa ɔ busíə́ bɔ́ bɛndɔ ɔwá a báka wamɛ́á mɔkɔ́nɛna, mɛaŋɔ́á tɔ́na mɛ ŋɔ laa ɔ busíə́ bɔ́ yamɛ́á Isə́ yɛ nɔɔ́mɛná ɔwá, mɔ́táyɛ́ mɔndɔ a lɛa waamɛ. Mba, mɔndɔ mukimə ɔwá a ŋɔ mɛaŋɔ́á bɛ́sáŋɔna ɔ busíə́ bɔ́ bɛndɔ, mɛaŋɔ́á tɔ́na mɛ ŋɔ wɛɛ́ya bɛ́sáŋɔna ɔ busíə́ bɔ́ yamɛ́á Isə́ yɛ nɔɔ́mɛná.

Nɔ́ húlə́ bɛnákɛnákɛ niŋəsəkiə, nɔ́ bəwə́nú húŋúə́kíə́, nɔ́ bə́mínú níŋə́sə́kíə́, nɔ́ imbúínyi mɛbɛ́á fə́mə́kíə́ ɔ bɛndɔ. Nɔ ná kusə́nə́ ndəmə, nɔ́ índíə́kínə́ ndəmə.»

Nɔ lɛ kɔlɔma! Nɔ báka na mukunə́ mɔŋɛ́ŋa yáyɛ́ná tɔbátáməhə́ŋə tukimə.

Nɔ lɛ fɛká ɔwá mɛ ná ndasá ɔ misí ɔkɛaka ɔwá bɛndɔ bá ɔ́kɔ́kɛ́nána. Bóo! Mɛ sa ndasá ɔkɛaka ɔwá bá ɔ́kɔ́kɛ́nána, mba, mɛ ka ndásá ɔkɛaka ɔwá bá itə́kə́níə́.