Obľúbené biblické verše z Yɔhánɛsɛ 12

Zdieľať

Ábá mɔndɔ a ndɔ siə ɔwámɛ ɔnyɛna, a ná hɔ́ánána á mɛaŋɔ́á ɔ́ŋgɔ́kɔ, nɔ́yɛ́, wamɛ́á mɔnyɛna a ŋɔ bámɛnɛna ɔ ɛbɔ́ka ɔyɛ́á mɛ lɛ́á. Yamɛ́á Isə́ a ŋɔ wɛ́ɛ́yɛ́ bə́tiə ɔwá a ndɔ mɛaŋɔ́á nyɛna.»

Wɛ́ɛ́yɛ́ ɔwá a ndɔ bɔ́áyɛ́á buɔmɔ́ hikiə, a ŋɔ bɔ́ɛ́ta nyúə́kiə. Wɛ́ɛ́yɛ́ ɔwá a lɛ ndɔ bɔ́áyɛ́á buɔmɔ́ hikiə ɔ yɛ́ɛyɛ misí, a ŋɔ bɔ́ɛ́ta nuəkəniə ɛlɔ́áyɛ́ buɔmɔ́ bɔ́ ikúílíə́kimə.

Ɛ́ɛ! Ɔ taká, ɛ́bá niísə nɛ́ ɔmbásáká ɔnɛ́á bá ná háá ɔ misí, nɛ́ sá únúnuəliə, abáka nɛ́ lɛ lɔa, mba, ɛ́bá nɛ́ ná únúnúə́líə́, nɛ́ lɔ́á, nɛ́ tɔtámátámá hákɛna tuəŋí.

Ɔwámɛ, mɛ ka ndasá ɔ misí ɛ́sɛ́á isəmú ɔkɛaka ɔwá, ata ɛ́yánɛ́ ɔwá a ná nɛkɔmba tálɛ́na ɔ ɔwámɛ, a lɛa tuə́nə ɔ ətíə́ yɛ ibínə́binə.

Ábá mɔndɔ a ná bɛ́ámɛ́á bɛtambá ɔ́kɔ́kɛ́na mbá a sá bɛɛ́ta bɛ́kɛna, tátá mɛaŋɔ́á mɛ ndɔ wɛɛ́ya kə́lə́siə, ɔ taká, mɛ sa ndasá ɔ misí ukə́lə́siə, mba ɛlɔ́áyɛ́ misí unuəniə.

Malɛ́á a ná nɛbɛka nɛ́ bunumbə bɔ́ mukunə́ mɔŋɛ́ŋa ɛtá tábɔ́nákátɔ́ na tiísi yɛ́ binumbə. A ná olókínə ɔ makɔlɔ́ má Yə́susu, a ná maáta sɔ́tɔ́kɔ́ na tɔ́áyɛ́á tuhúínyi. Miímə mikimə yɛ́ ná úndúə́ na bɔ́ɛ́yɛ́ bunumbə.

Bá ná matala sɔmbaka, bá ná fə́mə́kə́níə́ ɔ bətínə́ ɔ wákaka ɔ ɔwayɛ́ nɛnyáná, bá yə́mə́kə bá sɛ́á: «Hosána! Huɛlɛ́ á wɛ́ɛ́yɛ́ sáná ɔwá a lɛ́á ɔ ɔsákɔna ɔ niínyə nɛ́ Isə́lúkú. Á munəni wa Ísilahɛ́lɛ.»

A sɛ́á: «Ɔ́ ikúílí yɛ́ɛyɛ ɔyɛ́á Huɛlɛ́ a ná hɔ́ánána ɔ Mɔná wa mɔndɔ uwumə́siə.