Obľúbené biblické verše z Мәтта 16

Zdieľať

Һьнге Иса шагьртед Хԝәрʼа гот: «Һәгәр йәк дьхԝазә ль пәй Мьн бе, бьра хԝә инкʼар кә, хаче хԝә һьлдә у ль пәй Мьн бе.

Әз тәрʼа дьбежьм, кӧ тӧ Пәтрус и, аԝа готи ԛәйак и у ль сәр ви ԛәйайи Әзе щьвина Хԝә чекьм у ԛәԝата мьрьне ԝе пе нькарьбә.

У Әзе кʼьлитед Пʼадшатийа Әʼзмана бьдьмә дәсте тә у чь кӧ тӧ ль сәр әʼрде гьреди, әʼзманада жи ԝе гьредайи бә у чь кӧ тӧ ль сәр әʼрде вәки, әʼзманада жи ԝе вәкьри бә».

Чьмки кʼи кӧ дьхԝазә әʼмьре хԝә хьлаз кә, әԝе ӧнда кә у кʼи кӧ әʼмьре хԝә бона Мьн ӧнда кә, әԝе бьбинә.

Чь фәйдә һәгәр мәрьв тʼәмамийа дьнйайе ԛазьнщ кә, ле әʼмьре хԝә ӧнда кә? Йан жи мәрьв чь дькарә бәр әʼмьре хԝәва бьдә?

Әԝи жь ԝан пьрси: «Ле һун чь дьбежьн? Бь тʼәхмина ԝә Әз кʼи мә?» Шьмһʼун-Пәтрус ле вәгәрʼанд у готе: «Тӧ Мәсиһ и, Кӧрʼе Хԝәдейе сах».

Иса ле вәгәрʼанд у готе: «Хԝәзи ль тә, Шьмһʼуне кӧрʼе Йуһʼәнна, чьмки хун у гошт әв йәк әʼйани тә нәкьрьн, ле Баве Мьни әʼзмана.