Obľúbené biblické verše z Luk 13

Zdieľať

“Ómine ọ́mịna ịnyọ laḅara nwọ mịẹ se kpapụ ḅọkọ mị ḅie wẹrị sọmun, anịatịḅị tọn-a tomoni ḅụkụrọma anịa ḅie sọ ḍọkịḅịa ọkụma ini ineda ẹkẹ.

Sitẹmẹ ḅie sime gbọrị eremeniḅọ anịnyọ simemẹ, anị maịnfasi kụra nwọse árị obimasam, anị árị iḅomamẹ, se árị ineda ngịsị á ḅụ ịsụn gbụkụkụmakẹ. Jizọs Ḅe árị ọrị sịkị, Ọ̀ pụkọ deki á chịnmẹ, “Eremeniḅọ, ị́ kọn àrị obi mị ị́ ḅụ anị sosam!”

Ori Ọ̀ ḅarama se árịa ọgọnọ gbanamẹ, se anị kirikiri árị á ḅụ ịsụn gbụkụkụmamẹ se Tamụnọ Ḅe tokonimẹ.

Anịsịkị mịọkụ kuluma ḅụ sime apụma tọrọkọ daḅịa, se mịọkụ tọrọkọ dapụma kuluma ḅụ simeḅịa.”

Warị mị nyanaḅọ ḅe sịsẹ se ḅọkọ mị palịḅịa anịsịkị ọ́ nụngọ chịẹ sime se sakị ḅọkọ mị gbolo se nwọ ḅẹḅịa, ‘Sẹnịḅọ ḅọkọ mị finji wa pịrị!’ ori ọ́ ḅịpị ọkịḅịa, ‘Ó sime ḅo nyọ à nemikẹ!’

Ẹn-ẹn anịkẹ! À ḍuko ọ́ pịrịaḅẹ na, ómine ọ́mịna sima ḅụ vinpịkịkẹ ḅẹḅẹ, ómine mgba ini kọn fị mị nwọ kọnḅịa.”

Ọkụma ori pịkị nwọ ḅẹḅịa, ‘Ó sime ḅo nyọ à nemikẹ. Ómine ị̀ wẹrị sikima, ómine sitịḅịnyanapụ mamgba!’

Jizọs Ḅe gbelamẹ, “Cheye Tamụnọ Amanyanakiri mị nwọ kịkẹ? Cheye à nwọse anị otoma ḅe? Mịn anị simeọkụ-ẹ. Gbọrịḅọ mọstad chịn mgbọlụ ọkị se oria ozu ḅie ḍipimẹ. Anị sẹnịḅo eje sọmẹ, se fenima mun anị ịkpangịma ḅụ warị namamẹ.”