Obľúbené biblické verše z Okunwẹngịapụ 2

Zdieľať

Pita ḅe nwọse ini ḅẹmẹ, “Ómine ọ́mịna sima ḅụ vinpịkị, simeḅọ simeḅọ, se ini mengi se Jizọs Kraịst Ḅe ẹrẹ ḅụ ọ́ sara, mịẹse ini ọ́mịna sima ḅụ ḅarasin ọ́ pịrị, se ọ́ Tamụnọ ḍiepịrịye mị nwọ nyanaḅịa ḅara anị Fịafịa Tẹmẹ Ḅe.

Ini inia sịkị fama okunwẹngịapụ ma ḅara yeḍawọmẹ, ḅarachụa mịẹgbolomaye mị ḅụ fịrịnwẹngịmẹ, inia ḅụ sọ fịye fị se pịkị tẹkẹmẹ.

Inimgba Fịafịa Tẹmẹ Ḅe na ḅeinmẹ, se sakị jịn ama ọkwẹịn kọn aḅẹ Tẹmẹ Ḅe se ini pịrị ịnyọ laḅara ḅụ.

Ḅụnemika ḅụ ye sotọrụ fiema ḅomẹ, opu fọrụ fie ọkụ kịkẹye ḅara anị nwọse fiemẹ, se anị ini koḅirima sime bebe warị mị ḅie mgba ḅeinmẹ. Anịsịkị ini fịnịḅẹlẹ ọkụ simeye ọrịmẹ, anị wasama mun ḅọḅọ ọgọnọ gbanamẹ. Inimgba Fịafịa Tẹmẹ Ḅe na ḅeinmẹ, se sakị jịn ama ọkwẹịn kọn aḅẹ Tẹmẹ Ḅe se ini pịrị ịnyọ laḅara ḅụ.

Eneḅeneḅene ini kunokẹ ḅo gboloma mị ḅụ, gbọrị ogbo apụ ḅara ḅụ Oputẹkẹwarị mị ḅie, ini pịkị inia warịma ḅie fịye fị gbolomamẹ ḅieḅẹlẹ na ḅụiderima kuḅiemgbọlụ ḅụ na, Tamụnọ Ḅe tokoniaḅẹ, pịkị tomonima inia ḅụ nyana iḅi kuḅie mị ḅụ inia ḅụ ma nwọ timaḅẹ. Se eneḅeneḅene Tamụnọ Ḅe ḍụaḅọrọma nyanaḅịa apụ nwọse inia ogbo kịẹn ḅịpị mị ḅụ chụamẹ.

‘Mịn mị, anị kuluma enema ḅie à mịẹḅịaye-ẹ, Tamụnọ Ḅe nwọ ḅẹmẹ: Àrị ị̀ Tẹmẹ sara pakụma tomoni mamgba ọgọnọ gbanaḅịa. Ọ́mịna owuapụ awọma na ọ́mịna eremeni awọma na ịkịankoroḅịa; ọ́mịna asẹmẹnị awọma ịkịan ọrịḅịa, pịkị ọ́mịna olomu apụma ḍawọ kọnḅịa.

Ḅereniapụ mamgba inia ḅụ ma se gbọrị mịẹmịẹye ḅụ wẹrịmẹ se ini nyanaye ma se jịnḅọ jịnḅọ na ḍiamẹ. Ini ḅerenimẹ ini nyananye na sime ini pịrịaye na nwọ dẹrị, se anịḅe igbiki ḍia nweni mgba pịrị, ḅọḅọ ḅụpalịmaye laḅara ḅụ.

Anịsịkị mị ḅụ, Nyanaḅọ Ḅe ẹrẹ mị chịnḅọ goyegoye ḍụaḅọrọma nyanaḅịa.’

ịrụa mị kanakanaḅịa, akalụ mị ḍinma pulo-pulo-pulo tọrụ chụaḅịa, anịsịkị re boma nyana Nyanaḅọ Ḅe Ene mị ḅo laḅịa.