Obľúbené biblické verše z JOHONIN 14

Zdieľať

“Phukdaina ka na mak pe u. Ka koma phukdaina keng keina pek u. Ramualin ei na pek anga na pe u makung, na malung manbuia na ning manhal u no ro, hanuk rathatak ansak u no ro.

Isuan akoma, “Koi hi keng lampui, atak le damna keinin zei, koi noka ase chu tuten Pa koma vatung thei no ni,” ati na a masanga.

“Andon le ninghala lei om u ta ni,” Isuan ati pe na. “Pathian iam u ro hanuk koi um na iam u ro.

Tenchu Pa han ka raminga ei hong tir rang nangni ana san rang, Ratha Anthiang han alompeia na manchu zit unti. Hatuka na kom u na kei na ril u ngai dora ha na manriat zit unti.

“Ka chongmak ngai apom le a tel ngai chu koi ananditpu ani zei; Hanuk koi anandit tak chu ka Pa ninum adit inti hankeng koi um ladit u ka tia akom u na anlang ka ting.”

Hatuka Pa koma zong ka tinga aman hanuk angkhat ret anasan rang na pe unti umor tenpeia na bil u na a om ranga. Ama ha Pathian ei nina tak anlangpu Ratha diktak ani. Ama ha ramualin pom thei maka, asik chu ama ha aleia mu le aleia riat um om mak. Tenchu nangnin chu na riat u asik chu na bil u na om le na sung rila a om rangum ani.

Hatuka nangnin ka raminga nei zong u tak pei chu na tho pe u ka ting, asik chu Pa ei anliana Naipasal tak chunga ei anlang theina ranga. Ka raminga angkhat pei nei zong u tak chu na tho pe u ka ting.

“Nangnin neina dit u ka ni ten ka chongmak ngai nei tel u rang ani na.

Ka Pa ina mun atampa a om; a om nok anten keina ril u rang anina, nangni rang mun asin Ka leia se zei.

Hatuka ka sena na rang u mun ka va sin suale hong kir reta ka bila om ranga na hong la u ka ting, asik chu kei omna taka nei om thei u na ranga.

Hatuka Thoman akoma, “Puma, Koinin chu nei se na rang riat mak me, hasik han hava lampui ha hontinmo riat thei ma ni?” ati na.