Obľúbené biblické verše z Sant Vaze 18

Zdieľať

Rag el leac’h m’az euz daou pe dri assamblet em hano, me a zo eno en ho c’hreiz.

Lavaret a ran c’hoas deoc’h: mar deu daou ac’hanoc’h d’en em glevet var an douar da c’houlen eun dra‐benag assambles, kement‐se a vezo roet dezhe gant va Zad pehini a zo en envou.

Ha Jesus, o veza galvet eur bugel bihan da zond d’he gavout, a lakeaz anezhan en ho c’hreiz, hag a lavaraz: E gwirionez hen lavaran deoc’h, ma n’en em gonvertissit ket, ha ma ne deuit da veza henvel ouz bugale vihan, ne antreot ket en rouantelez an envou.

Piou‐benag eta en em izelaio he‐unan evel ar bugel bihan‐man, hennes eo ar brassa e rouantelez an envou.

Ha piou‐benag a receo eur bugel evel he‐man em hano, a receo ac’hanoun.

E gwirionez hen lavaran deoc’h, kement tra a liammot var an douar, a vezo liammet en env; ha kement tra a ziliammot var an douar, a vezo diliammet en env.

Evel‐se ive e rai deoc’h va Zad celestiel, mar na bardon ket pep hini ac’hanoc’h a greiz he galon d’he vreur.

Mes piou‐benag a roio gwall‐exempl da unan euz ar re vihan‐ze hag a gred enoun, gwelloc’h e vez dezhan e vez staget ouz he c’houzoug eur mean milin, hag e vez taolet e gweled ar mor.

Petra a zeblant deoc’h? Mar hen deuz eun den kant danvad, ha mar deu unan anezhe da veza dianket, daoust ha na lez ket eno an naontec ha pevar‐ugent all, evit mond er meneziou da glask an hini a zo dianket?