Obľúbené biblické verše z Evangelium e Jovanostar 6

Zdieľať

A o Isus lenge phenđa: Me sem maro đivdipeso: savo mange avel ni ka bokhaljol, thaj savo ana mande paćal nisar ni ka trošavol.

O Đi si odova so đivdini, o trupo na mažutil khanči. E lafija save tumenge me vakerav đi si thaj đivdipe si.

Den zori na baš o xape savo nakhel, numa baš o habe savo ačhel baš o đivdipe bimerutno, savo ka del tumenđe o Čhavo e Manušesko, kaj akale mothovđa o Devel o Dad.

Akava si kamipe e Dadesoro savo bićhaldama, ta sarsavo savo dićhel e Čhave thaj paćal ane leste isile đivdipe bimerutno; thaj me ka đivdiniv le ano paluno dive.

Irisarda o Isus thaj phenđa lenge: Akava si kotor e Devlesoro te paćan ane Odova save Ov bičhalda.

Sa so del maje o Dad mange ka avel; thaj odole savo avel mange ni ka ikalav avrijal.

Teg lese irisarda o Simon Petar: Devljutneja, kase te đa? Tut isi lafija e bimerutne đivdipase.

Me sem maro đivdo savo hulilo e badalestar; te xala ko kotar akava maro ka đivdinel bimerutne; thaj o maro savo me ka dav o trupo si mlo, savo ka dav baš o đivdipe e themesoro.

Khoni našti te avel ke mande te na na crdel le o Dad savo bićhaldama; thaj me le ka đivdisarav ano paluno dive.

Kaj o maro e Devlesoro si odova savo huljel kotar o badali thaj dela đivdipe e themese.

Me sem maro e đivdipasoro.

A o Isus lija e mare, thaj ašarindoj, ulavđa e sikljovnenge, a e sikljovne odolenge save sesa bešune; ađahar thaj kotar e maćhe kobor mangle. A kana čalile, phenđa ple sikljovnenge: Čeden so aćhile e kotora, kaj khančik te na čhudel pe.

Kana, akana, nakhavde trujal e biš thaj pandž ja trijanda stadija, dikhle e Isuse sar đal po derav thaj paše avel pe barka, ta teg darandile. A ov lenge phenđa: Me sem; ma daran!