Obľúbené biblické verše z Mataio 27

Zdieľať

E tusa o le itūlā e tolu i le afiafi na ‘alaga leotele ai Iesu, “Eli, Eli, lama sapatani?” O lona uiga, “Lo‘u Atua e, lo‘u Atua e, aiseā ‘ua e tu‘ulafoa‘iina ai a‘u?”

‘Ona saeluaina lea o le ‘ie pupuni o le malumalu. ‘Ua lūlūina fo‘i le ‘ele‘ele; ‘ua māvaevae papa; ‘ua avanoa tu‘ugamau, ‘ona toe tutū mai lea o le to‘atele o tagata o le Atua na maliliu.

‘Ua toe ‘alaga leotele Iesu, ‘ona tō ai lea o lana mānava.

‘Ua va‘aia e le ta‘ita‘i‘au ma fitafita sa latou fa‘atasi e leoleo Iesu, le mafui‘e ma mea uma ‘ua tutupu; ‘ona matuā fefefe ai lea o i latou, ma fai ane, “E moni lava o le Alo o le Atua le tagata lenei.”

O le aoauli na fa‘apogisāina ai le nu‘u ‘atoa mo itūlā e tolu.

‘Ua fesili atu Pilato, “A o le ā le mea ‘ou te faia ‘iā Iesu, lē ‘ua ta‘ua o le Keriso?” ‘Ua tali atu i latou, “ ‘Ave e fa‘asatauro.” ‘Ua fesili atu Pilato, “O le ā le tulafono ‘ua na solia?” ‘Ona taufai ‘alalaga atu lea o i latou ma le leo tetele, “ ‘Ave e fa‘asatauro!”