Obľúbené biblické verše z Yohaana 15

Zdieľať

Aniini geawoschi sabiibu, gowoschi agooga damealga. Siida abiida jeedeanyu, nea geabiidi aniini jeadaannyi, siisi gaygwaji haghweega saang'a, aba gideaba imeandani aniini ea moammuusi asna eara gil.

Oppiidana jeedeanyu, nea geabiidi jeesingeagwa. Gawuurji gidamoammuusta damealleanda gwaji haghweega nea gaba geaw, nea mwanoasa sabiibu, gwasnu earagooga, moammuusi ajiila haghweega imoppiidani jeedeanyu.

Iyoppiidi jeedeanyu, nea gobiida ng'asheegeasu jeesingeagwa, abeeda amsa gidawassean oogasayi ak gajeesinneagwa.

Aniini moaloadaan agooga, ghaloachcheagwa aniini ak ghaanung' aweayeena ak gojiilli haghweega jea ghwashng'u; ak abeeda gagoneegwa Bwaabwa gidawassean iyoomuschi aba gheawungeasu.

Manda siida mideawa bariinyeega huumwa ea ghalaabwa hoowa nii, bea gideaba ghoaghaashta siida eaweagaaschi appadahuukka fuga duupchiin gil.

Gilinyoo ea damealleanda gil mida jeedeanyu iimaji haghweega, iissa ghwalach, nea gilinyoo ea damealleanda jihi iissa gwasissin, ak abeeda gwaji muuchchi.

“Nii digheandeanyu gil, ak gobariinnyiidi geat gidabwariiydaneagwa aniini.

Aba nii geakghambiit Bwaabwa, iissa iyojiilli haghweega saang'a, nea ghoahuuyi ginealangeasu.

“Aniini geawoschi sabibuuyda huumwa, nea Bwaabwa ea siida bea madamnyeanda.

Siida wassean meabiidana jeedeanyu, gajeelach ak ghaghajamiit; iissa gageanu damealga ak ghoamughuush, ak gwajaksa jeeda beasta ak goosha.

Asi nearukuneegwa ng'asheesu ak abeeda gobiida hoseaneegeasu jeesingeagwa, ak abeeda ghwahit hooseaneegeagwa.

Iyoang'ng'waanyi digheannyekkeasu, gajoppiidana jeeda bariinyegeasu, ak gawuurji gidang'ng'waaydi digheannyeekka Bwaabwa nea geabiidi jeeda bariinyeegaaschi.

Asi geagonnyeegwa digheanji, abariinnya geat.

Inyeetta ghwanyawa gobeayi ng'eanyiida, gwachchi gayghabwariiy ng'eanyiida fugaaschi; asi aba gideaba moabeahi ng'eanyiida, geaghus gideaba ghaloachcheagwa aba jeeda ng'eanyiida, aba sareani ghwasteagwa ng'eanyiida.