Obľúbené biblické verše z Zhan 10

Zdieľať

Ɛci-yerɛ-wrɔn kɛ và kè yerɛ ɛci, kè wri ɔwrɔn ô kɛ̀ jrɛ́ ɛci. Mɛ tɛn, mɛ́n và ô anwrɔnẅì kɛ̀ cɔ́ ɛwúvà-kɔrɛ̀, kɛ̀ cɔ́ nɛ̀n kɛ̀ fɔ́n yɔ.

Mɛ̀n dú annɔ̀n-kua-wrɔn ankrankran. Annɔ̀n-kua-wrɔn ankrankran lɔ, ne wú nɛ́n kɔ̀kɔ̀sɛ̀ hɔ̀n kruhú.

Mɛ́n kɔ̀kɔ̀sɛ̀ hɔ̀n lɔ ke die m'esùva lɔ nukùɛ; mɛ̀n nyri yɔ kɩ yɔ kɛ́n mɛ̀n ɛsɛ̀n.

Mɛ tán yɔ ɛwùvá léyi ke sɩ́ trɔa nɔn, yɔ sɩ̀ wú mrìmrì kɩ ɔwrɔn zriɛmɛ́n ke sɩ̀ bɩ́ yɔ m'antamɛ̀n kɛ̀ sɔhɔ́ rɔ́.

Mɛ̀n dú esù-gbàtà. Ɔwrɔn léyi ke ci m'ɛnlevri lɔ nɔn kɛ lɛ cɔ́ ebɩ̀die; ne le bru anwɔn mɛ̀n kɩ nɛ lɛ srɔ ɛntrɛ, kɩ nɛ lɛ cɔ́ n'ɛci-zî.

Mɛ̀n dú annɔ̀n-kua-wrɔn ankrankran. Ɔmu zri léyi Dade nyri mɛ̀n nɔn, hɩ mɛ̀n mán mɛ̀n nyri Dade nɔn, ɔmu zri lɔ mɛ̀n nyri mɛ́n kɔ̀kɔ̀sɛ̀ hɔ̀n, kɩ mɛ́n kɔ̀kɔ̀sɛ̀ hɔ̀n mán nyri mɛ̀n. Kɩ me bɩ́ m'ɛwúvà mɛ tán mɛ́n kɔ̀kɔ̀sɛ̀ hɔ̀n lɔ.

Eci léyi Dade tán mɛ̀n nɔn, sevri vrán eci lɔ fɛn kɩ ɔwrɔn zriɛmɛ́n ke sɩ̀ bɩ́ eci zriɛmɛ́n Dade tamɛ̀n kɛ sɔhɔ́ rɔ́. Mɛ̀n mán Dade mɛhi bɔ́ dú eci zri.”

Mɛ̀n dú annɔ̀n-kua-wrɔn ankrankran. Ɔmu zri léyi Dade nyri mɛ̀n nɔn, hɩ mɛ̀n mán mɛ̀n nyri Dade nɔn, ɔmu zri lɔ mɛ̀n nyri mɛ́n kɔ̀kɔ̀sɛ̀ hɔ̀n, kɩ mɛ́n kɔ̀kɔ̀sɛ̀ hɔ̀n mán nyri mɛ̀n. Kɩ me bɩ́ m'ɛwúvà mɛ tán mɛ́n kɔ̀kɔ̀sɛ̀ hɔ̀n lɔ.

Ɔwrɔn zriɛmɛ́n ke sɩ̀ bɩ́ m'ɛwúvà lɔ kɛ sɔhɔ́, tɛ́n m'ɛnbɔrɛ ankrànkràn mɛ̀n de mɛ tán nɛ̀n nɔn. Mɛ̀n ẅɛn ɛkɔrɛ̀srɔn mɛ lɛ tán nɛ̀n, kɩ mɛ̀n vru mɛ̀n ẅɛn ɛkɔrɛ̀srɔn me le vru mɛ̀n sàn cɔ́ nɛ̀n ewrù. Ndɔ lɔ de Dade wá tán mɛ̀n, ô mɛ̀n hán nɔn.”

Zhezü vru kɛ dɔ̀ le: “Hɛ̀ɛ̀, mɛ dɔ́ nyɛ̀n annanwɔrɛ mɛ̀n le: mɛ̀n dú kɔ̀kɔ̀sɛ̀-kɔ̀ gbàtà.

Ɔwrɔn léyi kɛ hán ɔkùa kɔ̀hɔ̀n kɩ, hɩ kè sɩ̀ dù annɔ̀n-kua-wrɔn, kɩ annɔ̀n hɔ̀n léyi nɛ kùa nɔn, ke sɩ̀ dù nɛ tɛn, nɛ srɛ́ teze annɔ̀n hɔ̀n lɔ, ɛnvra léyi ovú-lɛ̀tù kɛ và nɔn, kɛ hán tán kɩ ovú-lɛ̀tù kɛ ẅɛn yɔ, ke bonyí yɔ.

“Mɛ dɔ́ nyɛ̀n annanwɔrɛmɛ̀n le: ɔwrɔn léyi ke sɩ́ ci annɔ̀n-kɔ̀ gbàtà, hɩ kɛ ká ɔkɔ̀ ke bru annɔ̀n-kɔ̀ mɛ̀n nɔn, ɔwrɔn ndɔ lɔ nɛ̀n dú ɛci-yerɛ-wrɔn mán ɛci-gbangbàn-hán-wrɔn.