Obľúbené biblické verše z Gyenesis 39

Zdieľať

Na AWURADE dii Yosef akyi, na ɔyɛɛ ɔbarima a ne ho wɔ siadeɛ, na ɔtenaa ne wura Misraimni no fie.

Na ɔde deɛ ɔwɔ nyinaa hyɛɛ Yosef nsa, na ɔwɔ hɔ nti, ɔnhwɛ biribiara gye aduane a ɔno ara die. Nso na Yosef ho ne n’anim yɛ fɛ.

Na afiasehwɛni no de nneduafoɔ a wɔwɔ afiase hɔ nyinaa hyɛɛ Yosef nsa, na biribiara a na wɔyɛ no wɔ hɔ no, ɔno na na ɔhwɛ soɔ.

Na Yosef wura no faa no de no kɔtoo afiase, deɛ ɔhene nneduafoɔ guo, na ɔdaa afiase hɔ. Na AWURADE dii Yosef akyi, na ɔdom no, na ɔmaa n’anim baa nyam wɔ afiasehwɛni no anim.

Na ɛbaa sɛ akyire yi no, Yosef wura yere tuu n’ani sii ne so, na ɔkaa sɛ: Wo ne me mmɛda. Nanso wampene, na ɔka kyerɛɛ ne wura yere no sɛ: Hwɛ, sɛ me wura anya me nti ɔnhwɛ deɛ ɛwɔ ne fie, na ɔde deɛ ɔwɔ nyinaa ahyɛ me nsa. Obiara nyɛ kɛseɛ nsene me efie ha, na ɔnkame me biribiara gye wo, ɛnam sɛ ne yere ne woɔ ntira. Na adɛn na menyɛ amumuyɛ kɛseɛ yi, na menyɛ bɔne mentia Onyankopɔn?

Na da koro bi a ɔkɔɔ ɛdan no mu sɛ ɔrekɔyɛ n’adwuma, na efie hɔfoɔ no mu biara nni hɔ no, ne wura yere no sɔɔ n’atadeɛ mu kaa sɛ: Wo ne me mmɛda! Na Yosef gyaa n’atadeɛ no wɔ ne nsam dwane firii adi.