Obľúbené biblické verše z Juwão 11

Zdieľať

Ãmẽ Jesu e'i ijupe: – Okãjãma mãe kõ amomoeraoka mã'ẽ tè ije, e'i. Eayvu rupi tè opoera tarà mijẽ kupa, e'i. Ere ojirovija mã'ẽ mõ okãjã remẽ, opoeratà, e'i. Awyje nokãjã'ãi ky'y, e'i. Janejare'e pyri oiko karuarutà, ere ojirovija mãe kõ rõmõ, e'i. “Aje ywete” ere põ aepo a'e mã'ẽ pè? e'i.

– Ãnĩ, e'i Jesu. “Ere aje ywete nejirovija remẽ tè, Janejare'e kasia rè nemã'ẽtà”, na'ei sipõkõ ene! Ta'evo ikenẽ! e'i.

Ãmẽ Jesu oja'o ywete ve ee.

Aepo jaa wenu Jesu remẽ, e'i oreupe: – Ãwĩ tekorãnà, Rasaru mokãjãa mõ rõwã, e'i. Janejare'e moe'ea rõmõtà tè itekorãnà, e'i. Imokatua rupi Janejare'e kasia tẽ tesõ ojikuwatà jane kõ pè. Ãmẽ si kee e'ità jane kõ ije a'evoa rè omãjã: “Aje ywete Janejare'e Ra'yry tè Jesu”, e'ità ije ãmẽ kupa ky'y, e'i.

Aepo e'i paire, wayvo oporegeta ky'y. – Rasaru! Eẽ ejo! e'i ijupe. Ameve opoera oẽ uu Jesu kasia rupi. Kamisa e'eay pè ookwa okwa kupa mijã. A'e revejẽ oẽ uu. Ipy kõ ve ojeokwa okwa. Ãmõ, ipo kõ. Ãmõ, ova rupi ve. A'e revejẽ opõ'ã oẽ uu. Ãmẽ Jesu e'i: – Pejora iwyi ikwaawerà! e'i. A'evo wereko kupa ãmẽ.

Ãmẽ Jesu oo teãgwerà rena kyty ky'y. Rasaru ryvy rena kyty oo. Ijãgyoay oo. Pareti kwarà tè a'e tyvy rena. Ovapyka teve takuru, ta'yrõwã mã'ẽ.

E'i jẽ Jesu oreupe: – Janejimorypa Rasaru oke tè upa, e'i. Aatà ãmẽ imõtã tomã'ẽ, e'i.