Obľúbené biblické verše z AGER KVDVNG 1

Zdieľať

Cmpige:la nolu tornamcm pa:ycpc Angunnc Yalodc cdvlo noluk tayc:lo:p pvnga:ycji, odokkc nolu ngok lukanbincpc ilangka Jerusalemdo odokkc Judiang appv:do odokkc Samariangdo odokkc mo:pvsok du:tcrpc.”

Bv bulum luto, “Nolukkcpc cdc oko ayirdc cdcmanggom oko po:lodcm Abudc ru:la lc:tagnc Bvk avkc ilanggvlangki cdcm kinpcnammang.

Odokkc odo buluk lcdulo du:dodcm Bv bulum Jerusalemdcm mcge:la gvpakma:dopc luto, cmpige:la Abudok pesubinamdok lcgangc toya:la du:dopc luto, okodcm, Bv luto, “Nolu ngokkolok tadtobong, kapila:nc Jo:nbv asikokki baptismongcm bito, cmpige:la bojc longcko ima:dapc nolum Angunnc Yalokokki baptismongcm biyc.”

Bulum Bvavdcturrangkula Bvk du:g kostom gvdag lcdudo bojcrung lcngkansubinam kvdv:dokkc Bv lcngkansuto, bulum yi:pi longcdok ara:do lcngkansudokudo, odokkc Ru:ncsa:nckc migom doko mo:pvdok agomcm lubi lubila.

Odokkc Bv cdvlo cdcm lutonc, bulu ka:la du:dodcm, Bvm tayc:pc la:sa:to, odokkc mukkang atakkonc Bvm ka:pv:langkuma:dopc dc:pakbomkangku.

Odokkc bulu taycngpc Bvk dc:pakkunamdcm ka:sa:tvla du:dodcm, ka:toka, tani: anyikonc buluk kcra:do kamponc attar gcge:la dagangkang, odokkc luto, “Galildok Tani:kvdvnga, nolu kapila tayc:to:pc ka:sa:tvla du:n? Cdc Jisumc, sc:kom nolukkolokkcm taycngpc gvbokangkunc, cdcmv:pc lckoda gvlatycku nolu kapc tayc:pc dc:dokupc Bvm ka:tonc.”