Littafi Mai Tsarki

<div class="version vid71 iso6393hau" data-vid="71" data-iso6393="hau">
 <div class="book bkLUK">
 <div class="chapter ch17" data-usfm="LUK.17">
 <div class="label">17</div><div class="s">Sanadodin Yin Zunubi</div><div class="r">(Mat 18.6-7,21-22; Mar 9.42)</div><div class="p"> 1Sai ya ce wa almajiransa, &#8220;Sanadodin tuntu&#595;e ba su da makawa, duk da haka kaiton wanda shi ne sanadinsu! 2Da dai wani ya sa &#599;aya daga cikin wa&#599;annan 'yan yara ya yi laifi, zai fiye masa a rataya wani dutsen ni&#409;a a wuyansa, a jefa shi a cikin teku. 3#Mat 18.15 Ku kula da kanku fa. In &#599;an'uwanka ya yi laifi, ka tsauta masa. In kuwa ya tuba, ka yafe shi. 4Ko ya yi maka laifi sau bakwai rana &#599;aya, sa'an nan ya juyo wurinka sau bakwai ya ce, &#8216;Na tuba,&#8217; sai ka yafe shi.&#8221;</div><div class="s">&#408;ara Mana Bangaskiya</div><div class="p"> 5Sai manzanni suka ce wa Ubangiji, &#8220;Ka &#409;ara mana bangaskiya.&#8221; 6Ubangiji kuwa ya ce, &#8220;Da kuna da bangaskiya, ko da misalin &#409;wayar mastad, da za ku ce wa wannan durumi, &#8216;Ka ciru, ka dasu cikin teku,&#8217; sai kuwa ya bi umarninku.&#8221;</div><div class="s">Wajibin Bawa</div><div class="p"> 7&#8220;Misali, wane ne a cikinku in yana da bawa mai yi masa noma ko kiwon tumaki, da zarar ya dawo daga jeji, zai ce masa, &#8216;Maza, zo ka zauna, ka ci abinci&#8217;? 8Ashe, ba ce masa zai yi, &#8216;Shirya mini jibi, ka kuma yi &#599;amara, ka yi mini hidima, har in gama ci da sha, daga baya kai kuma ka ci ka sha,&#8217; ba? 9Y&#257; gode wa bawan nan don ya bi umarni? 10Haka ku ma, in kuka bi duk abin da aka umarce ku, sai ku ce, &#8216;Mu bayi ne marasa amfani. Mun dai yi abin da yake wajibinmu kurum.&#8217; &#8221;</div><div class="s">Yesu Ya Warkar da Kutare Goma</div><div class="p"> 11Wata rana yana tafiya Urushalima, sai ya bi iyakar &#409;asar Samariya da Galili. 12Yana shiga wani &#409;auye ke nan, sai wa&#599;ansu kutare maza guda goma suka tarye shi, suna tsaye daga nesa. 13Sai suka &#599;aga murya suka ce, &#8220;Ya Maigida Yesu, ka ji tausayinmu,&#8221; 14#L.Fir 14.1-32 Da ya gan su, ya ce musu, &#8220;Ku je wurin firistoci su gan ku.&#8221; Suna tafiya ke nan, sai suka tsarkaka. 15&#394;ayansu kuma da ganin an warkar da shi, ya komo, yana ta &#599;aukaka Allah da murya mai &#409;arfi, 16ya f&#257;&#599;i a gaban Yesu, yana gode masa. Shi kuwa Basamariye ne. 17Yesu ya amsa ya ce, &#8220;Ba goma ne aka tsarkake ba? Ina taran? 18Ashe, ba wanda aka samu ya komo ya &#599;aukaka Allah, sai ba&#409;on nan ka&#599;ai?&#8221; 19Sai Yesu ya ce masa, &#8220;Tashi, ka yi tafiyarka. Bangaskiyarka ta warkar da kai.&#8221;</div><div class="s">Bayyanar Mulkin Allah</div><div class="r">(Mat 24.23-28,36-41)</div><div class="p"> 20Da Farisiyawa suka tambaye shi lokacin bayyanar Mulkin Allah, ya amsa musu ya ce, &#8220;Ai, bayyanar Mulkin Allah ba ganinta ake yi da ido ba. 21Ba kuwa za a ce, &#8216;A! Ga shi nan,&#8217; ko kuwa, &#8216;Ga shi can,&#8217; ba. Ai, Mulkin Allah a tsakaninku yake.&#8221;</div><div class="p"> 22Ya kuma ce wa almajiran, &#8220;Lokaci na zuwa da za ku yi begen ganin rana &#599;aya daga cikin ranakun &#394;an Mutum, amma ba za ku gani ba. 23Za su ce muku, &#8216;A! ga shi nan,&#8217; ko kuwa, &#8216;Ga shi can!&#8217; Kada ku je, kada ku bi su. 24Kamar yadda wal&#409;iya take wulgawa walai, daga wannan bangon duniya zuwa wancan, haka ma, &#394;an Mutum zai zama a ranar bayyanarsa. 25Amma lalle sai ya sha wuya iri iri tukuna, mutanen zamanin nan kuma su &#409;i shi. 26#Far 6.5-8 Kamar yadda ya faru a zamanin Nuhu, haka kuma zai faru a lokacin bayyanar &#394;an Mutum. 27#Far 7.6-24Ana ci, ana sha, ana aure, ana aurarwa, har ya zuwa ranar da Nuhu ya shiga jirgi, Ruwan Tsufana kuma ya zo, ya hallaka su duka. 28#Far 18.20&#8212;19.25 Haka ma aka yi a zamanin Lutu, ana ci, ana sha, ana saye, ana sayarwa, ana shuke-shuke da gine-gine, 29amma a ranar da Lutu ya fita daga Saduma, aka zubo wuta da duwatsun wuta daga sama, aka hallaka su duka. 30Haka kuma zai zama a ranar bayyanar &#394;an Mutum. 31#Mat 24.17,18; Mar 13.15,16 A ran nan fa wanda yake kan soro, kayansa kuma na cikin gida, kada ya sauko garin &#599;aukarsu. Haka kuma wanda yake gona, kada ya juyo. 32#Far 19.26 Ku tuna fa da matar Lutu. 33#Mat 10.39; 16.25; Mar 8.35; Luk 9.24; Yah 12.25 Duk mai son adana ransa, zai rasa shi. Duk kuwa wanda ya rasa ransa, adana shi ya yi. 34Ina gaya muku, a wannan dare za a ga mutum biyu a gado &#599;aya, a &#599;au &#599;aya, a bar &#599;aya. 35Za a ga mata biyu suna ni&#409;a tare, a &#599;au &#599;aya, a bar &#599;aya. 36[Za a ga mutum biyu a gona, a &#599;au &#599;aya, a bar &#599;aya.]&#8221; 37Sai suka amsa suka ce, &#8220;Ina ne, ya Ubangiji?&#8221; Ya ce musu, &#8220;A inda mushe yake, ai, a nan ungulai sukan taru.&#8221;</div>
 </div>
 </div>
</div>

Sai ya ce wa almajiransa, “Sanadodin tuntuɓe ba su da makawa, duk da haka kaiton wanda shi ne sanadinsu! Da dai wani ya sa ɗaya daga cikin waɗannan 'yan yara ya yi laifi, zai fiye masa a rataya wani dutsen niƙa a wuyansa, a jefa shi a cikin teku. Ku kula da kanku fa. In ɗan'uwanka ya yi laifi, ka tsauta masa. In kuwa ya tuba, ka yafe shi. Ko ya yi maka laifi sau bakwai rana ɗaya, sa'an nan ya juyo wurinka sau bakwai ya ce, ‘Na tuba,’ sai ka yafe shi.”

Sai manzanni suka ce wa Ubangiji, “Ka ƙara mana bangaskiya.” Ubangiji kuwa ya ce, “Da kuna da bangaskiya, ko da misalin ƙwayar mastad, da za ku ce wa wannan durumi, ‘Ka ciru, ka dasu cikin teku,’ sai kuwa ya bi umarninku.”

“Misali, wane ne a cikinku in yana da bawa mai yi masa noma ko kiwon tumaki, da zarar ya dawo daga jeji, zai ce masa, ‘Maza, zo ka zauna, ka ci abinci’? Ashe, ba ce masa zai yi, ‘Shirya mini jibi, ka kuma yi ɗamara, ka yi mini hidima, har in gama ci da sha, daga baya kai kuma ka ci ka sha,’ ba? Yā gode wa bawan nan don ya bi umarni? Haka ku ma, in kuka bi duk abin da aka umarce ku, sai ku ce, ‘Mu bayi ne marasa amfani. Mun dai yi abin da yake wajibinmu kurum.’ ”

Wata rana yana tafiya Urushalima, sai ya bi iyakar ƙasar Samariya da Galili. Yana shiga wani ƙauye ke nan, sai waɗansu kutare maza guda goma suka tarye shi, suna tsaye daga nesa. Sai suka ɗaga murya suka ce, “Ya Maigida Yesu, ka ji tausayinmu,” Da ya gan su, ya ce musu, “Ku je wurin firistoci su gan ku.” Suna tafiya ke nan, sai suka tsarkaka. Ɗayansu kuma da ganin an warkar da shi, ya komo, yana ta ɗaukaka Allah da murya mai ƙarfi, ya fāɗi a gaban Yesu, yana gode masa. Shi kuwa Basamariye ne. Yesu ya amsa ya ce, “Ba goma ne aka tsarkake ba? Ina taran? Ashe, ba wanda aka samu ya komo ya ɗaukaka Allah, sai baƙon nan kaɗai?” Sai Yesu ya ce masa, “Tashi, ka yi tafiyarka. Bangaskiyarka ta warkar da kai.”


Da Farisiyawa suka tambaye shi lokacin bayyanar Mulkin Allah, ya amsa musu ya ce, “Ai, bayyanar Mulkin Allah ba ganinta ake yi da ido ba. Ba kuwa za a ce, ‘A! Ga shi nan,’ ko kuwa, ‘Ga shi can,’ ba. Ai, Mulkin Allah a tsakaninku yake.”
Ya kuma ce wa almajiran, “Lokaci na zuwa da za ku yi begen ganin rana ɗaya daga cikin ranakun Ɗan Mutum, amma ba za ku gani ba. Za su ce muku, ‘A! ga shi nan,’ ko kuwa, ‘Ga shi can!’ Kada ku je, kada ku bi su. Kamar yadda walƙiya take wulgawa walai, daga wannan bangon duniya zuwa wancan, haka ma, Ɗan Mutum zai zama a ranar bayyanarsa. Amma lalle sai ya sha wuya iri iri tukuna, mutanen zamanin nan kuma su ƙi shi. Kamar yadda ya faru a zamanin Nuhu, haka kuma zai faru a lokacin bayyanar Ɗan Mutum. Ana ci, ana sha, ana aure, ana aurarwa, har ya zuwa ranar da Nuhu ya shiga jirgi, Ruwan Tsufana kuma ya zo, ya hallaka su duka. Haka ma aka yi a zamanin Lutu, ana ci, ana sha, ana saye, ana sayarwa, ana shuke-shuke da gine-gine, amma a ranar da Lutu ya fita daga Saduma, aka zubo wuta da duwatsun wuta daga sama, aka hallaka su duka. Haka kuma zai zama a ranar bayyanar Ɗan Mutum. A ran nan fa wanda yake kan soro, kayansa kuma na cikin gida, kada ya sauko garin ɗaukarsu. Haka kuma wanda yake gona, kada ya juyo. Ku tuna fa da matar Lutu. Duk mai son adana ransa, zai rasa shi. Duk kuwa wanda ya rasa ransa, adana shi ya yi. Ina gaya muku, a wannan dare za a ga mutum biyu a gado ɗaya, a ɗau ɗaya, a bar ɗaya. Za a ga mata biyu suna niƙa tare, a ɗau ɗaya, a bar ɗaya. [Za a ga mutum biyu a gona, a ɗau ɗaya, a bar ɗaya.]” Sai suka amsa suka ce, “Ina ne, ya Ubangiji?” Ya ce musu, “A inda mushe yake, ai, a nan ungulai sukan taru.”

Počúvaj Luk 17