Sangu: Sangu: Isangu (snq) NT (New Testament)

©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES

Sangu: Isangu (snq) NT

<div class="version vid3604 iso6393snq" data-vid="3604" data-iso6393="snq">
 <div class="book bkACT">
 <div class="chapter ch5" data-usfm="ACT.5">
 <div class="label">5</div><div class="s">Ananyas ne Safira bafure Dinyunyi Disuungeme</div><div class="p"> 1Te dibagele dilugu re Ananyas ne mugatsyandi dine Safira, babile dyawu dimoosi musuumbise nuungyawu. 2Bayulusunu mu wuswege dikabu di badole, disaale, Ananyas ayeveege bakime. 3Ne vane, Pyere atombe yandi re: &#171;Ananyas, mugi yitsesiinge re Sate ayungisi murime wagu? Yitsefure Dinyunyi Disuungeme mumbare yitseswege dine dikabu di badole tsitsesuumbise yu nuungi. 4Ne ginene suumbise nuungi, yo bile ke yagu, ne vetse suumbise yu yo, badole bile ke tsyagu, sare nana? Yitsebaande ne dyo nde tseny gu murime wagu? Yisafure ga batu, yitsefure nde Nzambi.&#187; 5Ve Ananyas ayulu mabigu mene, aberugu ne afu. Bootsu babayulu tsaangwene bagaangu ne wome wumunene. 6Munzambu babagele baruge mupite nyuru ne tsaande kere bayende ne yo guvere gu ngile.</div><div class="p"> 7Ve vyoge magwere mareru, mugatsi Ananyas anyingene gugayabe dyaambu dilabene. 8Pyere atombe yandi re: &#171;Yambile me, yenu ditsesuumbise nuungyenu ke mu difunu dya?&#187; Ayagule re: &#171;Re nane, difunu re dine.&#187; 9Kere vane Pyere ayambile yandi re: &#171;Mugi yenu bootsu babeyi ditseyulusunu mu maange Dinyunyi di Fumu? Yabe re, babetsyende guvere mulumyagu bakeke ve mure ndagu ne gaandi bagwende nagu.&#187; 10Vane ne vane, aberuge ve tsi byoru bi kime ne afu. Munzambu babagele banyingene ne badagise amefu; babage yandi ne bavere yandi va mbare mulumyandi. 11Batu bootsu ba dibuundu ne bootsu babayulu maambu mene bagaangu ne wome wumunene.</div><div class="s">Bakime bavage nzoku maambu ma biviinge</div><div class="p"> 12Bakime bavage nzoku bimwiile ne maambu ma biviinge ve ganegare batu. Babasiinge Nzambi babeengunungu yawu bootsu va digale di Salumu. 13Mutu nisi wumoosi asepuke wuputegane nawu, nane batu basiga yawu mbili. 14Piti yi babagele ne bagyetu bababile ne gitu mu Fumu yiseloogenge wufune, ne baputegene gu dikabu dyawu. 15Ne vane babage babeetsi mu mimbamba, basunza yawu mu mikwangu konane mu bapube mure dikyesi dikevyoge Pyere, nisi yiluunze gyandi gikedibe wumoosi ve ganegarawu. 16Ne gaandi piti yi batu yiruge mbaangu mu miimbu ma bebele ne Serusalem. Babegenge babeetsi ne batu babayungusungu ne manyunyi mabive, ne yawu bootsu babeelugu.</div><div class="s">Bakime batsogusu</div><div class="p"> 17Ne vane, yivuunde gi baveegitsi ba malagu ne bootsu bababile naandi, yawu re batu ba dikabu di basadusi, babile ne ngusu yivyogilile mu bakime; bayulusunu. 18Bagaangise yawu ne basunze yawu gu tsugu. 19Te ne dibati, kime yi Nzambi atsibule byabutsu bi tsugu, avatise bakime ne ayambile yawu re: 20&#171;Yendanu ne loonzanu batu maambu mootsu ma monyu wumoone.&#187; 21Bakime bagobise; ne magyelu bayende gu Ndagu Nzambi, baloonze musamu wawu.</div><div class="p">Yivuunde gi baveegitsi ba malagu ne batu bababile naandi badugise bivuunde bi Basifu ne bateenditsi ba migage mu yibeengunu. Kere vane basindige batu muyeboonge bakime gu tsugu. 22Te ve tsaange bakyelitsi gu tsugu, basedagise yawu. Bagabugu gunyigule bivuunde 23re: &#171;Yetu ditsedagise byabutsu bi tsugu ke bikuunzu wutsibugu, ne migole ve mburawu yi mudyanzu ve mure ndagu. Te vetsetsibule yetu byo, disadagise yawu.&#187; 24Ve yulu yawu tsaangwene, yivuunde gi bakyelitsi ba Ndagu Nzambi ne bivuunde bi baveegitsi ba malagu batsapulu, ne batombenenge dyaambu dirugile bakime. 25Vane ne vane mutu atsaange ne ayambile yawu re: &#171;Yulwanu! Batu batsevere yenu gu tsugu bakende gu Ndagu Nzambi gu goneloonze yawu musamu gu batu.&#187; 26Ne vane, yivuunde gi bakyelitsi ba Ndagu Nzambi ayende yane batu baandi mugabuse bakime. Te basediimbe yawu mumbare balabe wome wu noongu mamanyi ne batu.</div><div class="p"> 27Ve gabusu yawu, basunzu va wusu bivuunde byootsu bibile vane, ne yivuunde gi baveegitsi ba malagu afurigile yawu maambu. 28Ayambile yawu re: &#171;Yetu divure kale yenu muloonze mu dine di mutu wuwu. Ake yenu ditsevage nde tsenyi? Yenu dimetsamune musamu wenu gu divule dyotsu di Serusalem ne yenu digoneroonde nde wuveege yetu yitsinde gi difu dyandi!&#187;</div><div class="p"> 29Pyere ne bakime bamosi bayagule re: &#171;Ne ginene gobise batu, bweedi kinde wugobise Nzambi. 30Nzambi mikoku myetu afwangule Seswene yigomine yenu ve kurusu nubokise. 31Nzambi atsakige yandi ve yitsige gyandi gi bunduumbe, abyatse yandi ga yivuunde ne muyobulitsi muveege batu ba Israel dikyesi diwukalule bifu ne wusiingulu kokolu yi mabi mawu. 32Yetu ne Dinyunyi Disuungeme diveege Nzambi gu bootsu babegonegobise yandi, dinde bimweenyi bi maambu mene.&#187;</div><div class="p"> 33Bivuunde bibile vane bibase ne kabu yimbili ve yulu yawu mabigu mene ne baroonde wunyamesene bakime. 34Te ve ganegarawu ve bile dibagele di mufwarisi dilugu re Gamalyel, musupulitsi wu migage mi Muyise wugobusungu ne batu bootsu. Ateleme ve pwasawu ne atombe re bavatisi bakime mu pesu dikyesi. 35Kere ayambile ne bababile vane re: &#171;Batu ba Israel, diraambile mu dikevage yenu mu batu babe. 36Ve samevyoge mabati Tedas atutuge ne amemenge re yare munduumbe; bebele ne kame tsiyine tsi batu baputegane naandi. Te aboku, batu bootsu babalaandenge yandi bapanzige ne dyaambu dyandi di tsime. 37Va nzimandi, mu dikyesi ditenduswa mine, Suda mwisi Galil&#233; atutuge; ne yandi keke adute mbili batu. Te ne yandi gaandi aboku, ne bootsu babalaandenge yandi bapanzige. 38Kagu ne mapape mayambile yenu re: diyagolu wulabe page ne sisanu yawu bayendingi. Ga mataase mawu ne bisalu byawu bigoneruge nde gu batu, byo bigutsyemuge. 39Te nungyenze ga biruge nde gu Nzambi, yenu disakerungule wutsyemuse byo. Yenu diyayelige wutumbise mutsiingu ne Nzambi.&#187; Batu basiinge diyambile Gamalyel. 40Ve yulu vane yawu batsitse bakime, badiimbe yawu, ne barume yawu re diyabepuke wuyambile mu dine di Sesu. Kere banyangumuse yawu. 41Bakime bavate ne yinyunge gu mbure yibile yibeengunu mumbare Nzambi alabe re bayi bayelimine mu leenzu mu dine di Sesu. 42Kere bawisi bootsu, gugare Ndagu Nzambi ne gu bandagu, bakoondenge ke wuyambile nuloonze Musamu Wumunyi wu Sesu, Wusoolu ne Nzambi.</div>
 </div>
 </div>
</div>

Te dibagele dilugu re Ananyas ne mugatsyandi dine Safira, babile dyawu dimoosi musuumbise nuungyawu. Bayulusunu mu wuswege dikabu di badole, disaale, Ananyas ayeveege bakime. Ne vane, Pyere atombe yandi re: «Ananyas, mugi yitsesiinge re Sate ayungisi murime wagu? Yitsefure Dinyunyi Disuungeme mumbare yitseswege dine dikabu di badole tsitsesuumbise yu nuungi. Ne ginene suumbise nuungi, yo bile ke yagu, ne vetse suumbise yu yo, badole bile ke tsyagu, sare nana? Yitsebaande ne dyo nde tseny gu murime wagu? Yisafure ga batu, yitsefure nde Nzambi.» Ve Ananyas ayulu mabigu mene, aberugu ne afu. Bootsu babayulu tsaangwene bagaangu ne wome wumunene. Munzambu babagele baruge mupite nyuru ne tsaande kere bayende ne yo guvere gu ngile.
Ve vyoge magwere mareru, mugatsi Ananyas anyingene gugayabe dyaambu dilabene. Pyere atombe yandi re: «Yambile me, yenu ditsesuumbise nuungyenu ke mu difunu dya?» Ayagule re: «Re nane, difunu re dine.» Kere vane Pyere ayambile yandi re: «Mugi yenu bootsu babeyi ditseyulusunu mu maange Dinyunyi di Fumu? Yabe re, babetsyende guvere mulumyagu bakeke ve mure ndagu ne gaandi bagwende nagu.» Vane ne vane, aberuge ve tsi byoru bi kime ne afu. Munzambu babagele banyingene ne badagise amefu; babage yandi ne bavere yandi va mbare mulumyandi. Batu bootsu ba dibuundu ne bootsu babayulu maambu mene bagaangu ne wome wumunene.

Bakime bavage nzoku bimwiile ne maambu ma biviinge ve ganegare batu. Babasiinge Nzambi babeengunungu yawu bootsu va digale di Salumu. Mutu nisi wumoosi asepuke wuputegane nawu, nane batu basiga yawu mbili. Piti yi babagele ne bagyetu bababile ne gitu mu Fumu yiseloogenge wufune, ne baputegene gu dikabu dyawu. Ne vane babage babeetsi mu mimbamba, basunza yawu mu mikwangu konane mu bapube mure dikyesi dikevyoge Pyere, nisi yiluunze gyandi gikedibe wumoosi ve ganegarawu. Ne gaandi piti yi batu yiruge mbaangu mu miimbu ma bebele ne Serusalem. Babegenge babeetsi ne batu babayungusungu ne manyunyi mabive, ne yawu bootsu babeelugu.

Ne vane, yivuunde gi baveegitsi ba malagu ne bootsu bababile naandi, yawu re batu ba dikabu di basadusi, babile ne ngusu yivyogilile mu bakime; bayulusunu. Bagaangise yawu ne basunze yawu gu tsugu. Te ne dibati, kime yi Nzambi atsibule byabutsu bi tsugu, avatise bakime ne ayambile yawu re: «Yendanu ne loonzanu batu maambu mootsu ma monyu wumoone.» Bakime bagobise; ne magyelu bayende gu Ndagu Nzambi, baloonze musamu wawu.
Yivuunde gi baveegitsi ba malagu ne batu bababile naandi badugise bivuunde bi Basifu ne bateenditsi ba migage mu yibeengunu. Kere vane basindige batu muyeboonge bakime gu tsugu. Te ve tsaange bakyelitsi gu tsugu, basedagise yawu. Bagabugu gunyigule bivuunde re: «Yetu ditsedagise byabutsu bi tsugu ke bikuunzu wutsibugu, ne migole ve mburawu yi mudyanzu ve mure ndagu. Te vetsetsibule yetu byo, disadagise yawu.» Ve yulu yawu tsaangwene, yivuunde gi bakyelitsi ba Ndagu Nzambi ne bivuunde bi baveegitsi ba malagu batsapulu, ne batombenenge dyaambu dirugile bakime. Vane ne vane mutu atsaange ne ayambile yawu re: «Yulwanu! Batu batsevere yenu gu tsugu bakende gu Ndagu Nzambi gu goneloonze yawu musamu gu batu.» Ne vane, yivuunde gi bakyelitsi ba Ndagu Nzambi ayende yane batu baandi mugabuse bakime. Te basediimbe yawu mumbare balabe wome wu noongu mamanyi ne batu.
Ve gabusu yawu, basunzu va wusu bivuunde byootsu bibile vane, ne yivuunde gi baveegitsi ba malagu afurigile yawu maambu. Ayambile yawu re: «Yetu divure kale yenu muloonze mu dine di mutu wuwu. Ake yenu ditsevage nde tsenyi? Yenu dimetsamune musamu wenu gu divule dyotsu di Serusalem ne yenu digoneroonde nde wuveege yetu yitsinde gi difu dyandi!»
Pyere ne bakime bamosi bayagule re: «Ne ginene gobise batu, bweedi kinde wugobise Nzambi. Nzambi mikoku myetu afwangule Seswene yigomine yenu ve kurusu nubokise. Nzambi atsakige yandi ve yitsige gyandi gi bunduumbe, abyatse yandi ga yivuunde ne muyobulitsi muveege batu ba Israel dikyesi diwukalule bifu ne wusiingulu kokolu yi mabi mawu. Yetu ne Dinyunyi Disuungeme diveege Nzambi gu bootsu babegonegobise yandi, dinde bimweenyi bi maambu mene.»
Bivuunde bibile vane bibase ne kabu yimbili ve yulu yawu mabigu mene ne baroonde wunyamesene bakime. Te ve ganegarawu ve bile dibagele di mufwarisi dilugu re Gamalyel, musupulitsi wu migage mi Muyise wugobusungu ne batu bootsu. Ateleme ve pwasawu ne atombe re bavatisi bakime mu pesu dikyesi. Kere ayambile ne bababile vane re: «Batu ba Israel, diraambile mu dikevage yenu mu batu babe. Ve samevyoge mabati Tedas atutuge ne amemenge re yare munduumbe; bebele ne kame tsiyine tsi batu baputegane naandi. Te aboku, batu bootsu babalaandenge yandi bapanzige ne dyaambu dyandi di tsime. Va nzimandi, mu dikyesi ditenduswa mine, Suda mwisi Galilé atutuge; ne yandi keke adute mbili batu. Te ne yandi gaandi aboku, ne bootsu babalaandenge yandi bapanzige. Kagu ne mapape mayambile yenu re: diyagolu wulabe page ne sisanu yawu bayendingi. Ga mataase mawu ne bisalu byawu bigoneruge nde gu batu, byo bigutsyemuge. Te nungyenze ga biruge nde gu Nzambi, yenu disakerungule wutsyemuse byo. Yenu diyayelige wutumbise mutsiingu ne Nzambi.» Batu basiinge diyambile Gamalyel. Ve yulu vane yawu batsitse bakime, badiimbe yawu, ne barume yawu re diyabepuke wuyambile mu dine di Sesu. Kere banyangumuse yawu. Bakime bavate ne yinyunge gu mbure yibile yibeengunu mumbare Nzambi alabe re bayi bayelimine mu leenzu mu dine di Sesu. Kere bawisi bootsu, gugare Ndagu Nzambi ne gu bandagu, bakoondenge ke wuyambile nuloonze Musamu Wumunyi wu Sesu, Wusoolu ne Nzambi.

Počúvaj ACT 5