1 සාමුවෙල් 22:6-19
1 සාමුවෙල් 22:6-19 සිංහල කාලීන පරිවර්තනය (SCV)
මේ අතර, දාවිත් හා ඔහුගේ මිනිසුන් හමු විණැයි සාවුල්ට අසන්නට ලැබිණි. සාවුල් තම හෙල්ලය ද අතේ ඇති ව ගිබෙයා කන්ද මත වූ එෂෙල් ගසක් යට හිඳ සිටියේ ය. ඔහුගේ සියලු නිලධාරීහු ඔහු වටා සිටගෙන වුන්හ. සාවුල් ඔහු වටා හිටගෙන සිටි නිලධාරීන්ට කතා කොට, “සවන් දෙන්න, බෙන්යමින්වරුනි, යෙස්සේගේ පුත්රයා ඔබ හැමට කෙත් වතුත්, මිදි වතුත් දෙනු ඇද්ද? ඔහු දහසේ සේනාපතීන් හා සියයේ සේනාපතීන් කොට ඔබ හැම පත් කරනු ඇද්ද? ඔබ හැම මට එරෙහිව කුමන්ත්රණ කරන්නේ එනිසා ද? යෙස්සේගේ පුතා සමඟ මගේ පුතා ගිවිසුමක් කරන කල, කිසිවකුත් ඒ ගැන මට හෙළි කරන්නේ නැත. කිසිවකුත් මා ගැන සලකන්නේ නැත. මගේ සේවකයා අද දවසේ කරන පරිදි, මට එරෙහිව රහසේ රැක සිටින්නට මගේ පුතා විසින් ම පොලඹවන ලද වග ගැන කිසිවකුත් මට කියන්නේ නැතැ” යි කීවේ ය. සාවුල්ගේ නිලධාරීන් සමඟ සිටගෙන සිටි ඒදොම්වර දෝවෙග් කතා කරමින්, “යෙස්සේගේ පුත්රයා, අහිටූබ්ගේ පුත් අහිමෙලෙක් හමුවට නොබ් වෙත එනවා මා දැක්කා. අහිමෙලෙක් ඔහු උදෙසා ස්වාමින්වහන්සේගෙන් විමසුවා. ඔහුට ආහාරත්, පිලිස්තීය ගොලියත්ගේ කඩුවත් දුන්නා” යි කීවේ ය. එවිට රජු, අහිටූබ්ගේ පුත් පූජක අහිමෙලෙක් ද නොබ්හි පූජකයින් වූ ඔහුගේ පියාගේ පවුලේ සියල්ලන් ද කැඳවා යැවී ය. ඔවුහු සියල්ලෝ රජු වෙත පැමිණියහ. සාවුල් කතා කරමින්, “දැන් සවන් දෙනු, අහිටූබ්ගේ පුත්ර යැ” යි කීවේ ය. “එහෙමයි, මා ස්වාමිනි” යි ඔහු පිළිතුරු දුන්නේ ය. සාවුල් ඔහු අමතමින්, “යෙස්සේගේ පුතා මට එරෙහිව කැරලි ගසා, ඔහු අද දවසේ කරන පරිදි මට එරෙහිව රහසේ රැක සිටීමට හැකි වන පිණිස, ඔහුට ආහාර ද කඩුවක් ද දීමෙන් හා ඔහු උදෙසා දෙවියන්වහන්සේගෙන් විමසීමෙන් නුඹත්, යෙස්සේගේ පුතාත් මට එරෙහිව කුමන්ත්රණ කළේ මන්දැ?” යි ඇසී ය. අහිමෙලෙක් රජුට පිළිතුරු දෙමින්, “රජුගේ බෑණනුවන් ද ඔබේ ආරක්ෂකයින්ගේ ප්රධානී ද ඔබේ ගෘහ වාසීන් අතරේ ඉමහත් ගෞරවාදරයට පාත්ර වූ ද දාවිත් මෙන් විශ්වාස පක්ෂ ව සිටින්නේ ඔබගේ සියලු සේවකයින් අතරේ කවුරු ද? ඔහු උදෙසා මා දෙවියන්වහන්සේගෙන් විමසූ පළමු අවස්ථාව ඒ දවස ද? සැබවින් ම නැත. මේ මුළු කාරණය සම්බන්ධයෙන් ඔබේ සේවකයා කිසි දෙයක් නො දන්නා බැවින්, රජ්ජුරුවෝ ඔබගේ සේවකයාටත්, ඔහුගේ පියාගේ පවුලේ කිසිවකුටත් වරද නො තබත්වා” යි කීවේ ය. එහෙත් රජු, “අහිමෙලෙක්, සැබවින් ම නුඹ මරණයට පත් විය යුතුයි. නුඹත්, නුඹේ පියාගේ පවුලේ සියල්ලනුත් යැ” යි කීවේ ය. එසේ කී රජ තමා පසෙක සිටි ආරක්ෂකයින්ට නියෝග කරමින්, “හැරී, ස්වාමින්වහන්සේගේ පූජකයින් මරා දමනු. මන්ද ඔවුන් දාවිත්ට එකතු වෙලා. ඔහු පලා යන වග දැන දැනත්, ඔවුන් ඒ වග මට කීවේ නැතැ” යි කීවේ ය. එහෙත්, ස්වාමින්වහන්සේගේ පූජකයින්ට පහර දෙනු පිණිස අතක් ඔසවන්නට රජුගේ නිලධාරීහු නො කැමති වූහ. එවිට රජු දෝවෙග්ට නියෝග කරමින්, “නුඹ හැරී, පූජකයින්ට පහර දෙනු” යි කීවේ ය. එබැවින් ඒදොමීය දෝවෙග් හැරී, ඔවුන් ගසා හෙළී ය. ඒ දවසේ හණ ඒපොද් හැඳ සිටි අසූපස් දෙනකු ඔහු මරා දැමී ය. ඔහු පූජකයින්ගේ නගරය වන නොබ් ද එහි ස්ත්රීන්, පුරුෂයින්, ළමයින් හා ළදරුවන් ද ගව, බූරු, බැටළු යන සතුන් ද සමඟ කඩු මුවහතින් මරා දැම්මේ ය.
1 සාමුවෙල් 22:6-19 Sinhala Revised Old Version (SROV)
දාවිත් සහ ඔහු සමඟ වූ මනුෂ්යයන් සිටින ස්ථානය එළිදරව් වූ බව සාවුල්ට සැලවිය. සාවුල් ඒ වේලාවේ තමාගේ හෙල්ලය අතේ ඇතුව ගිබියායේ රාමාහි තිබුණු ඒෂෙල් ගස යට ඉඳගන උන්නේය, ඔහුගේ සියලු සේවකයෝ ඔහු පිරිවරා සිටියෝය. සාවුල් තමා වෙත සිටි තමාගේ සේවකයන්ට කථාකොට: බෙන්යමින්වරුනි, අසන්න; යෙස්සේගේ පුත්රයා නුඹලා හැමදෙනාට කෙත්ද මිදිවතුද දෙනවා ඇද්ද? නුඹලා සියල්ලන් සහස්රාධිපතීන්ද ශතාධිපතීන්ද කරනවා ඇද්ද? නැත්නම් නුඹලා සියල්ලන් මට විරුද්ධව කුමන්ත්රණය කරගන සිටින්නේ මක්නිසාද? මාගේ පුත්රයා යෙස්සේගේ පුත්රයා සමඟ ගිවිසුමක් කරගන්න කල කිසිවෙක් මට නොදැන්නුවෙත්, මා ගැන දුක්වෙන කිසිවෙක් නුඹලා අතරේ නැත්තෙත්, අද දවසේ සිද්ධවී තිබෙන හැටියට මාගේ පුත්රයා විසින් මාගේ මෙහෙකරුවා මට විරුද්ධව රැකසිටීමට පෙළෙඹවු බව මට නොදන්වන්නෙත් මන්දැයි කීවේය. එවිට සාවුල්ගේ මෙහෙකරුවන්ගේ ප්රධානියාව සිටිය ඒදොමිය දොවෙග් උත්තරදෙමින්: යෙස්සේගේ පුත්රයා නොබ්හි සිටින අහිතුබ්ගේ පුත්රවූ අහිමෙලෙක් ළඟට එනවා දුටිමි. හෙතෙම ස්වාමීන්වහන්සේගෙන් ඔහු උදෙසා විචාරා, ඔහුට ආහාර දී, පිලිස්තියයාවූ ගොලියත්ගේ කඩුවත් ඔහුට දුන්නේයයි කීවේය. එවිට රජතෙමේ අහිතුබ්ගේ පුත්රවූ අහිමෙලෙක් නම් පූජකයාටද නොබ්හි සිටි පූජකයන් වන ඔහුගේ පිය වංශයේ සියල්ලන්ටද අඬගස්වා ඇරියේය. ඔවුන් සියල්ලෝ රජු ළඟට ආවෝය. එවිට සාවුල්: අහිතුබ්ගේ පුත්රය, අසන්නැයි කීය. ඔහු: මාගේ ස්වාමිනි, මම මෙහියයි උත්තරදුන්නේය. සාවුල්ද: නුඹත් යෙස්සේගේ පුත්රයාත් මට විරුද්ධව කුමන්ත්රණය කළේ මක්නිසාද? නුඹ ඔහුට ආහාරද කඩුවක්ද දුන්නෙහිය, අද දවසේ පෙනෙන හැටියට, ඔහු මට විරුද්ධව රැකසිටීමට නැගිටින පිණිස ඔහු උදෙසා දෙවියන්වහන්සේගෙන් විචාළෙහියයි ඔහුට කීවේය. එවිට අහිමෙලෙක් රජුට උත්තරදෙමින්: රජ්ජුරුවන්ගේ බෑනාවූ, ඔබගේ මන්ත්රණ සභාවට ඇතුළත්වූ, ඔබගේ ගෘහයේ ගරුතරව සිටින්නාවූ දාවිත් මෙන් ඔබගේ සියලු මෙහෙකරුවන් අතරෙන් විශ්වාසව සිටින්නේ කවුද? මා ඔහු උදෙසා දෙවියන්වහන්සේගෙන් විචාරන්ට පටන් ගත්තේ මේ දවසේදීද? එය මාගෙන් දුරුවේවා. රජ්ජුරුවෝ තමාගේ මෙහෙකරුවාවූ මා කෙරෙහිවත් මාගේ පිය වංශයේ කිසිවෙකු කෙරෙහිවත් වරද නොතබත්වා. මක්නිසාද ඔබගේ මෙහෙකරුවා මේ මුළු කාරණය ගැන අඩු වශයෙන්වත් වැඩි වශයෙන්වත් කිසිවක්ම නොදන්නේයයි කීවේය. රජ්ජුරුවෝ: අහිමෙලෙක්, නුඹත් නුඹේ මුළු පිය වංශයේ සියලු දෙනාත් සැබවින් මරනු ලබන්ට ඕනෑයයි කීය. රජතෙම තමා වෙත සිටි මුරකාරයන්ට කථාකොට: නුඹලා ළංවී ස්වාමීන්වහන්සේගේ පූජකයන් මරන්න; මක්නිසාද ඔව්හුද දාවිත්ට එකතුව සිටිති, ඔහු පලායන බව දැනගනත් ඔවුන් මට එය එළිදරව්කළේ නැතැයි කීවේය. එහෙත් රජුගේ සේවකයෝ ස්වාමීන්වහන්සේගේ පූජකයන්ට පහරදෙන්ට තමුන්ගේ අත් දිගුකරන්ට නොකැමැතිවූවෝය. එවිට රජ: නුඹ ළංවී පූජකයන්ට පහරදෙන්නැයි දොවෙග්ට කීවේය. ඒදොමිය දොවෙග් ළංවී පූජකයන්ට පහරදී, සිහින් හණරෙදි ඒඵොද් සැට්ටයක් ඇඳ සිටියාවූ අසූපස් දෙනෙකු ඒ දවසේදී මැරුවේය. ඔහු පූජකයන්ගේ නුවර වන නොබ්ට එනම් එහි සිටි පුරුෂයන්ට හා ස්ත්රීන්ටත් බාලයන්ට හා කිරිදරුවන්ටත් ගවයන්ට හා කොටළුවන්ටත් බැටළුවන්ටත් කඩු මුවහතින් පහරදුන්නේය.
1 සාමුවෙල් 22:6-19 Sinhala New Revised Version (NRSV)
දාවිත් සහ ඔහු සමඟ වූ මිනිසුන් සිටින ස්ථානය එළිදරව් වූ බව සාවුල්ට සැළ විය. සාවුල් ඒ වේලාවේ තමාගේ හෙල්ලය අතේ ඇති ව ගිබියාවේ රාමාහි තිබුණු එශෙල් ගස යට ඉඳගෙන සිටියේ ය. ඔහුගේ සියලු සේවකයෝ ඔහු පිරිවරා සිටියහ. සාවුල් තමා ළඟ සිටි සේවකයන්ට කතා කොට, “බෙන්ජමින්වරුනි, සවන් දෙන්න; දාවිත් නම් ජෙස්සේගේ පුත්රයා ඔබ හැමට කෙත් ද මිදි වතු ද දෙනු ඇතැ යි ඔබ සිතන්නහු ද? ඔහු ඔබ සියල්ලන් සහශ්රාධිපතීන් ද ශතාධිපතීන් ද කරනු ඇතැ යි ඔබ සිතන්නහු ද? එසේ නොවේ නම්, ඔබ සියල්ලන් මට විරුද්ධ ව කුමන්ත්රණය කරගෙන සිටින්නේ මන් ද? මාගේ පුත්රයා, දාවිත් සමඟ ගිවිසුමක් කර ගත් බව ඔබ අතරෙන් කිසිවෙකු මට කීවේ නැත. කිසිවෙකු මා ගැන සලකන්නේත් නැත. මාගේ ම සේවකයෙකු වන දාවිත් දැන් මා මරන්නට අවස්ථාවක් සොයමින් සිටින බවත්, මාගේ පුත්රයා ඔහුට අනුබල දෙන බවත් කිසිවෙකු මට කියා නැතැ”යි කීවේ ය. ඒ අවස්ථාවේ දී සාවුල්ගේ මෙහෙකරුවන්ගේ ප්රධානියා ව සිටි ඒදොම්හි දොවෙග් පිළිතුරු දෙමින්, “දාවිත් නොබ්හි සිටින අහිතුබ්ගේ පුත් වූ අහිමෙලෙක් වෙත පැමිණෙනු මම දිටිමි. දාවිත් කළ යුත්තේ කුමක් දැ යි අහිමෙලෙක් සමිඳාණන් වහන්සේගෙන් විමසා ඔහුට ආහාර දී, පිලිස්තිවරයා වූ ගොලියත්ගේ කඩුවත් ඔහුට දුන්නේ ය”යි කීවේ ය. එවිට රජ තෙමේ අහිතුබ්ගේ පුත්ර වූ අහිමෙලෙක් නම් පූජකයාට ද නොබ්හි සිටි ඔහුගේ ඥාති පූජකයන් සියල්ලන්ට ද අඬගස්වා පණිවුඩයක් යැව්වේ ය. ඔව්හු සියල්ලෝ රජු වෙත පැමිණියහ. එවිට සාවුල්, “අහිතුබ්ගේ පුත්රය, අසන්නැ”යි කී ය. ඔහු, “මාගේ ස්වාමීනි මම මෙහි ය”යි පිළිතුරු දුන්නේ ය. සාවුල් ඔහු අමතා, “ඔබ ද ජෙස්සේගේ පුත්රයා වන දාවිත් ද මට විරුද්ධ ව කුමන්ත්රණය කෙළේ මක්නිසා ද? ඔබ ඔහුට ආහාර ද කඩුවක් ද දුන්නෙහි ය. ඔහු උදෙසා දෙවියන් වහන්සේගෙන් විමසුවේ මන් ද? දැන් ඔහු මට විරුද්ධ ව හැරී අවස්ථාවක් එන තුරු බලා සිටින්නේ ය”යි කීවේ ය. එවිට අහිමෙලෙක් පිළිතුරු දෙමින්, “රජ්ජුරුවන්ගේ බෑණා වන ඔබේ මන්ත්රණ සභාවට ඇතුළත් වන රාජ සභාවේ සියල්ලන් විසින් ගරු කොට සලකනු ලබන දාවිත් මෙන් ඔබේ මෙහෙකරුවන් අතරෙන් විශ්වාස ව සිටින්නේ කවරෙක් ද? මා ඔහු උදෙසා දෙවියන් වහන්සේගෙන් විමසන්න පටන්ගත්තේ මේ දවසේ පමණක් ද? කොහෙත් ම නැත. රජ්ජුරුවෝ තමාගේ මෙහෙකරු වූ මා කෙරෙහි වත්, මාගේ ඥාතීන් කිසිවෙකු කෙරෙහි වත් වරද නොතබත් වා. මන්ද, ඔබේ මෙහෙකරුවා මේ කැරලි ගැසීම ගැන කිසිවක් නොදන්නේ ය”යි කීවේ ය. රජතුමා කතා කරමින්, “අහිමෙලෙක්, ඔබ ද ඔබේ සියලු ඥාතීන් ද සැබැවින් ම මරණයට පත් කළ යුතු ය”යි කීවේ ය. එසේ කියා රජතුමා තමා ළඟ සිටි මුරකාරයන්ට කතා කොට, “ඔබ ළං වී සමිඳාණන් වහන්සේගේ පූජකයන් මරාදමන්න. මන්ද, ඔව්හු දාවිත් සමඟ එකතු ව සිටිති. ඔහු පලා යන බව දැනගෙනත් ඔවුන් මට එය එළිදරව් කෙළේ නැතැ”යි කීවේ ය. එහෙත්, රජුගේ සේවකයෝ සමිඳාණන් වහන්සේගේ පූජකයන්ට පහර දෙන්නට තමන්ගේ අත් ඔසවන්නට නොකැමති වූ හ. එබැවින් රජ, “ඔබ ළං වී පූජකයන්ට පහර දෙන්නැ”යි දොවෙග්ට කීවේ ය. ඒදොමිය දොවෙග් ළං වී පූජකයන්ට පහර දී සිහින් හණ රෙදි ඒපොද් සැට්ට ඇඳ සිටි අසූපස්දෙනෙකු ඒ දවසේ දී මැරුවේ ය. ඔහු පූජකයන්ගේ නුවර වන නොබ්ටත් එනම්, එහි සිටි පුරුෂයන්ට හා ස්ත්රීන්ටත්, බාලයන්ට හා කිරි දරුවන්ටත්, ගවයන්ටත්, කොටළුවන්ටත්, බැටළුවන්ටත් කඩුවෙන් පහර දුන්නේ ය.
1 සාමුවෙල් 22:6-19 Sinhala New Revised Version 2018 (SNRV)
දාවිත් සහ ඔහු සමඟ වූ මිනිසුන් සිටින ස්ථානය එළිදරව් වූ බව සාවුල්ට සැළ විය. සාවුල් ඒ වේලාවේ තමාගේ හෙල්ලය අතේ ඇති ව ගිබියාවේ රාමාහි තිබුණු එශෙල් ගස යට ඉඳගෙන සිටියේ ය. ඔහුගේ සියලු සේවකයෝ ඔහු පිරිවරා සිටියහ. සාවුල් තමා ළඟ සිටි සේවකයන්ට කතා කොට, “බෙන්ජමින්වරුනි, සවන් දෙන්න; දාවිත් නම් ජෙස්සේගේ පුත්රයා ඔබ හැමට කෙත් ද මිදි වතු ද දෙනු ඇතැ යි ඔබ සිතන්නහු ද? ඔහු ඔබ සියල්ලන් සහශ්රාධිපතීන් ද ශතාධිපතීන් ද කරනු ඇතැ යි ඔබ සිතන්නහු ද? එසේ නොවේ නම්, ඔබ සියල්ලන් මට විරුද්ධ ව කුමන්ත්රණය කරගෙන සිටින්නේ මන් ද? මාගේ පුත්රයා, දාවිත් සමඟ ගිවිසුමක් කර ගත් බව ඔබ අතරෙන් කිසිවෙකු මට කීවේ නැත. කිසිවෙකු මා ගැන සලකන්නේත් නැත. මාගේ ම සේවකයෙකු වන දාවිත් දැන් මා මරන්නට අවස්ථාවක් සොයමින් සිටින බවත්, මාගේ පුත්රයා ඔහුට අනුබල දෙන බවත් කිසිවෙකු මට කියා නැතැ”යි කීවේ ය. ඒ අවස්ථාවේ දී සාවුල්ගේ මෙහෙකරුවන්ගේ ප්රධානියා ව සිටි ඒදොම්හි දොවෙග් පිළිතුරු දෙමින්, “දාවිත් නොබ්හි සිටින අහිතුබ්ගේ පුත් වූ අහිමෙලෙක් වෙත පැමිණෙනු මම දිටිමි. දාවිත් කළ යුත්තේ කුමක් දැ යි අහිමෙලෙක් සමිඳාණන් වහන්සේගෙන් විමසා ඔහුට ආහාර දී, පිලිස්තිවරයා වූ ගොලියත්ගේ කඩුවත් ඔහුට දුන්නේ ය”යි කීවේ ය. එවිට රජ තෙමේ අහිතුබ්ගේ පුත්ර වූ අහිමෙලෙක් නම් පූජකයාට ද නොබ්හි සිටි ඔහුගේ ඥාති පූජකයන් සියල්ලන්ට ද අඬගස්වා පණිවුඩයක් යැව්වේ ය. ඔව්හු සියල්ලෝ රජු වෙත පැමිණියහ. එවිට සාවුල්, “අහිතුබ්ගේ පුත්රය, අසන්නැ”යි කී ය. ඔහු, “මාගේ ස්වාමීනි මම මෙහි ය”යි පිළිතුරු දුන්නේ ය. සාවුල් ඔහු අමතා, “ඔබ ද ජෙස්සේගේ පුත්රයා වන දාවිත් ද මට විරුද්ධ ව කුමන්ත්රණය කෙළේ මක්නිසා ද? ඔබ ඔහුට ආහාර ද කඩුවක් ද දුන්නෙහි ය. ඔහු උදෙසා දෙවියන් වහන්සේගෙන් විමසුවේ මන් ද? දැන් ඔහු මට විරුද්ධ ව හැරී අවස්ථාවක් එන තුරු බලා සිටින්නේ ය”යි කීවේ ය. එවිට අහිමෙලෙක් පිළිතුරු දෙමින්, “රජ්ජුරුවන්ගේ බෑණා වන ඔබේ ආරක්ෂක පිරිසේ ප්රධානියා වන ඔබේ රජ වාසල රාජ සභාවේ සියල්ලන් විසින් ගරු කොට සලකනු ලබන දාවිත් මෙන් ඔබේ මෙහෙකරුවන් අතරෙන් විශ්වාස ව සිටින්නේ කවරෙක් ද? මා ඔහු උදෙසා දෙවියන් වහන්සේගෙන් විමසන්න පටන්ගත්තේ මේ දවසේ පමණක් ද? කොහෙත් ම නැත. රජ්ජුරුවෝ තමාගේ මෙහෙකරු වූ මා කෙරෙහි වත්, මාගේ ඥාතීන් කිසිවෙකු කෙරෙහි වත් වරද නොතබත් වා. මන්ද, ඔබේ මෙහෙකරුවා මේ කැරලි ගැසීම ගැන කිසිවක් නොදන්නේ ය”යි කීවේ ය. රජතුමා කතා කරමින්, “අහිමෙලෙක්, ඔබ ද ඔබේ සියලු ඥාතීන් ද සැබැවින් ම මරණයට පත් කළ යුතු ය”යි කීවේ ය. එසේ කියා රජතුමා තමා ළඟ සිටි මුරකාරයන්ට කතා කොට, “ඔබ ළං වී සමිඳාණන් වහන්සේගේ පූජකයන් මරාදමන්න. මන්ද, ඔව්හු දාවිත් සමඟ එකතු ව සිටිති. ඔහු පලා යන බව දැනගෙනත් ඔවුන් මට එය එළිදරව් කෙළේ නැතැ”යි කීවේ ය. එහෙත්, රජුගේ සේවකයෝ සමිඳාණන් වහන්සේගේ පූජකයන්ට පහර දෙන්නට තමන්ගේ අත් ඔසවන්නට නොකැමති වූ හ. එබැවින් රජ, “ඔබ ළං වී පූජකයන්ට පහර දෙන්නැ”යි දොවෙග්ට කීවේ ය. ඒදොමිය දොවෙග් ළං වී පූජකයන්ට පහර දී සිහින් හණ රෙදි ඒපොද් සැට්ට ඇඳ සිටි අසූපස්දෙනෙකු ඒ දවසේ දී මැරුවේ ය. ඔහු පූජකයන්ගේ නුවර වන නොබ්ටත් එනම්, එහි සිටි පුරුෂයන්ට හා ස්ත්රීන්ටත්, බාලයන්ට හා කිරි දරුවන්ටත්, ගවයන්ටත්, කොටළුවන්ටත්, බැටළුවන්ටත් කඩුවෙන් පහර දුන්නේ ය.
1 සාමුවෙල් 22:6-19 New International Version (NIV)
Now Saul heard that David and his men had been discovered. And Saul was seated, spear in hand, under the tamarisk tree on the hill at Gibeah, with all his officials standing at his side. He said to them, “Listen, men of Benjamin! Will the son of Jesse give all of you fields and vineyards? Will he make all of you commanders of thousands and commanders of hundreds? Is that why you have all conspired against me? No one tells me when my son makes a covenant with the son of Jesse. None of you is concerned about me or tells me that my son has incited my servant to lie in wait for me, as he does today.” But Doeg the Edomite, who was standing with Saul’s officials, said, “I saw the son of Jesse come to Ahimelek son of Ahitub at Nob. Ahimelek inquired of the LORD for him; he also gave him provisions and the sword of Goliath the Philistine.” Then the king sent for the priest Ahimelek son of Ahitub and all the men of his family, who were the priests at Nob, and they all came to the king. Saul said, “Listen now, son of Ahitub.” “Yes, my lord,” he answered. Saul said to him, “Why have you conspired against me, you and the son of Jesse, giving him bread and a sword and inquiring of God for him, so that he has rebelled against me and lies in wait for me, as he does today?” Ahimelek answered the king, “Who of all your servants is as loyal as David, the king’s son-in-law, captain of your bodyguard and highly respected in your household? Was that day the first time I inquired of God for him? Of course not! Let not the king accuse your servant or any of his father’s family, for your servant knows nothing at all about this whole affair.” But the king said, “You will surely die, Ahimelek, you and your whole family.” Then the king ordered the guards at his side: “Turn and kill the priests of the LORD, because they too have sided with David. They knew he was fleeing, yet they did not tell me.” But the king’s officials were unwilling to raise a hand to strike the priests of the LORD. The king then ordered Doeg, “You turn and strike down the priests.” So Doeg the Edomite turned and struck them down. That day he killed eighty-five men who wore the linen ephod. He also put to the sword Nob, the town of the priests, with its men and women, its children and infants, and its cattle, donkeys and sheep.