1 යොහන් 3:11-19 - Compare All Versions
1 යොහන් 3:11-19 SCV (සිංහල කාලීන පරිවර්තනය)
මුල පටන් ඔබ ඇසූ පණිවුඩය, අප එකිනෙකාට ප්රේම කළ යුතු ය යන්නයි. නපුරාට අයත් ව, තම සහෝදරයා මැරූ කායින්ට අප සමාන විය යුතු නැත. ඔහු එසේ මරා දැමුවේ ඇයි? ඊට හේතුව ඔහුගේ ක්රියා දුෂ්ට වූ නිසාත්, ඔහුගේ සහෝදරයාගේ ක්රියා ධර්මිෂ්ඨ වූ නිසාත් ය. සහෝදරයිනි, ලෝකයා ඔබට වෛර වන කල, පුදුම නො වන්න. අප දන්නා පරිදි අපි මරණයෙන් එතෙර ව ජීවනයට ඇතුල් ව සිටින්නෙමු; මන්ද අපි සහෝදරයනට ප්රේම කරන්නෙමු. ප්රේම නො කරන කවුරුන් වුව මරණයේ රැඳී සිටී. තම සහෝදරයාට වෛර කරන්නා මිනී මරුවෙකි; කිසි මිනී මරුවකු තුළ සදාතන ජීවනය පැවත සිටින්නේ නැති බව ඔබ දනී. අප ප්රේමය හැඳින ගන්නේ මෙයිනි; එනම්, උන්වහන්සේ අප උදෙසා සිය ජීවිතය දීම මගිනි. අප ද අප සහෝදරයින් උදෙසා ජීවිතය දිය යුතු ව ඇත. ලෞකික ධනය හිමි කෙනෙක් තම සහෝදරයාගේ අග හිඟකම් දැක, ඔහු ගැන තම හදවත වසා ගනී නම්, දෙවියන්වහන්සේගේ ප්රේමය ඔහු තුළ පවතින්නේ කෙසේ ද? ප්රිය දරුවනි, වචනයෙන් හා කතාවෙන් නො ව ක්රියාවෙන් හා සත්යයෙන් ප්රේම කරමු. අප සත්යයට අයත් බව දැනගන්නේත්, උන්වහන්සේ ඉදිරියේ අප හදවතේ සහතිකයක් ඇති කරගන්නේත් මෙලෙසිනි
1 යොහන් 3:11-19 SROV (Sinhala Revised Old Version)
මක්නිසාද පටන්ගැන්මේ සිට නුඹලා ඇසූ පණිවිඩය නම්, අපි විසින් එකිනෙකාට ප්රේමකළ යුතුය යන මේය. තමාගේ සහෝදරයා මැරුවාවූද නපුරාගෙන් වූද කායින් මෙන් නොවෙමු. කුමක්හෙයින් ඔහුව මැරුවේද? තමාගේ ක්රියා නපුරුව, තමාගේ සහෝදරයාගේ ක්රියා ධර්මිෂ්ඨව තිබුණු නිසාය. සහෝදරයෙනි, ලෝකයා නුඹලාට වෛරකරන්නේ නම් මවිත නොවෙන්න. අප සහෝදරයන්ට ප්රේමකරන බැවින්, අප මරණින් ජීවනයට පැමිණ සිටින බව අපි දනිමුව. ප්රේම නොකරන තැනැත්තේ මරණයෙහි පවතියි. තමාගේ සහෝදරයාට වෛරකරන කවරෙක් නුමුත් මිනීමරන්නෙක්ය. කිසි මිනීමරන්නෙකු තුළ සදාකාල ජීවනය නොපවතින බව නුඹලා දතීහුය. අප ප්රේමය දැනගන සිටින්නේ ඒ තැනන්වහන්සේ තමන් ප්රාණය අප උදෙසා දුන් හෙයින්ය. අප විසින් සහෝදරයන් උදෙසා අපේ ජීවිත දෙන්ට යුතුය. නුමුත් ලෝකයේ වස්තු ඇත්තා තමාගේ සහෝදරයාගේ හිඟකම දැක ඔහුට අනුකම්පා නොකළොත්, දෙවියන්වහන්සේගේ ප්රේමය ඔහු තුළ පවතින්නේ කෙසේද? මාගේ ප්රිය දරුවෙනි, වචනයෙන්වත් දිවෙන්වත් නොව ක්රියාවෙනුත් සැබෑවෙනුත් ප්රේමකරමු. මෙයින් අප සැබෑකමෙන් වන බව දැනගෙන, අපේ සිත් අපට දෝෂාරෝපණයකරන විට උන්වහන්සේ ඉදිරියෙහි අපේ සිත් සහතිකකරගන්නෙමුව
1 යොහන් 3:11-19 NRSV (Sinhala New Revised Version)
පටන්ගැන්මේ සිට ඔබ ඇසූ පණිවුඩය නම්, අප එකිනෙකාට ප්රේම කළ යුතු ය යනු යි. සිය සහෝදරයා මැරූ, නපුරාට අයිති වූ කායින් මෙන් අප නොවිය යුතු ය. කායින් සිය සහෝදරයා මැරුවේ මන් ද? තමාගේ ක්රියා නපුරු ව ද සහෝදරයාගේ ක්රියා යහපත් ව ද තිබුණු බැවිනි. සහෝදරයෙනි, ලෝකයා ඔබට වෛර කරන්නේ නම් පුදුම නොවන්න. අපි සහෝදරයන්ට ප්රේම කරන බැවින් මරණයෙන් ජීවනයට පැමිණ සිටින බව දනිමු. ප්රේම නොකරන්නා මරණයෙහි පවතියි. තම සහෝදරයාට වෛර කරන කවරෙක් නමුත් මිනී මරන්නෙකි. කිසි මිනී මරන්නෙකු තුළ සදාතන ජීවනය නොමැති බව ඔබ දන්නහු ය. ප්රේමය යනු කිමෙක් දැ යි අප දන්නේ, ක්රිස්තුන් වහන්සේ සිය ජීවිතය අප උදෙසා පරිත්යාග කළ බැවිනි. අප ද, සහෝදරයන් උදෙසා අපේ ජීවිත පරිත්යාග කළ යුතු ය. ලෞකික සම්පත් ඇති කෙනෙක්, තම සහෝදරයාගේ අගහිඟකම දැක දැකත්, ඔහුට අනුකම්පා නොකරත් නම්, දෙවියන් වහන්සේගේ ප්රේමය ඔහු තුළ පවතින්නේ කෙසේ ද? මාගේ ප්රිය දරුවෙනි, අපගේ ප්රේමය වචනයෙන් වත්, කතාවෙන් වත් නොව, ක්රියාවෙන් ප්රකාශ වන සත්ය ප්රේමයක් විය යුතු ය. අප සත්යයේ පිහිටා සිටින බව දන්නේත්, ඒ ගැන දෙවියන් වහන්සේ ඉදිරියේ අපේ සිතේ සහතිකයක් අපට ඇති විය හැක්කේත් මෙසේ ය
1 යොහන් 3:11-19 SNRV (Sinhala New Revised Version 2018)
පටන්ගැන්මේ සිට ඔබ ඇසූ පණිවුඩය නම්, අප එකිනෙකාට ප්රේම කළ යුතු ය යනු යි. සිය සහෝදරයා මැරූ, නපුරාට අයිති වූ කායින් මෙන් අප නොවිය යුතු ය. කායින් සිය සහෝදරයා මැරුවේ මන් ද? තමාගේ ක්රියා නපුරු ව ද සහෝදරයාගේ ක්රියා යහපත් ව ද තිබුණු බැවිනි. සහෝදරයෙනි, ලෝකයා ඔබට වෛර කරන්නේ නම් පුදුම නොවන්න. අපි සහෝදරයන්ට ප්රේම කරන බැවින් මරණයෙන් ජීවනයට පැමිණ සිටින බව දනිමු. ප්රේම නොකරන්නා මරණයෙහි පවතියි. තම සහෝදරයාට වෛර කරන කවරෙක් නමුත් මිනී මරන්නෙකි. කිසි මිනී මරන්නෙකු තුළ සදාතන ජීවනය නොමැති බව ඔබ දන්නහු ය. ප්රේමය යනු කිමෙක් දැ යි අප දන්නේ, ක්රිස්තුන් වහන්සේ සිය ජීවිතය අප උදෙසා පරිත්යාග කළ බැවිනි. අප ද, සහෝදරයන් උදෙසා අපේ ජීවිත පරිත්යාග කළ යුතු ය. ලෞකික සම්පත් ඇති කෙනෙක්, තම සහෝදරයාගේ අගහිඟකම දැක දැකත්, ඔහුට අනුකම්පා නොකරත් නම්, දෙවියන් වහන්සේගේ ප්රේමය ඔහු තුළ පවතින්නේ කෙසේ ද? මාගේ ප්රිය දරුවෙනි, අපගේ ප්රේමය වචනයෙන් වත්, කතාවෙන් වත් නොව, ක්රියාවෙන් ප්රකාශ වන සත්ය ප්රේමයක් විය යුතු ය. අප සත්යයේ පිහිටා සිටින බව දන්නේත්, ඒ ගැන දෙවියන් වහන්සේ ඉදිරියේ අපේ සිතේ සහතිකයක් අපට ඇති විය හැක්කේත් මෙසේ ය
1 යොහන් 3:11-19 NIV (New International Version)
For this is the message you heard from the beginning: We should love one another. Do not be like Cain, who belonged to the evil one and murdered his brother. And why did he murder him? Because his own actions were evil and his brother’s were righteous. Do not be surprised, my brothers and sisters, if the world hates you. We know that we have passed from death to life, because we love each other. Anyone who does not love remains in death. Anyone who hates a brother or sister is a murderer, and you know that no murderer has eternal life residing in him. This is how we know what love is: Jesus Christ laid down his life for us. And we ought to lay down our lives for our brothers and sisters. If anyone has material possessions and sees a brother or sister in need but has no pity on them, how can the love of God be in that person? Dear children, let us not love with words or speech but with actions and in truth. This is how we know that we belong to the truth and how we set our hearts at rest in his presence