Salmos 4
4
1Beche̱be chia' gate dxuláwizra' Lue', Dios.
Nacu' Benne' dxuchi'e̱ ca da dxuna'.
Gate guzúa' lu da ste̱be, Lue' btipu' lazra'.
Bexache lazre' neda', ne bene ca da dxuchálajle̱na' Lue'.
2Le'e, bénneache, ¿ájate̱scha' gucá'ana dítjale neda'?
¿Ájate̱scha' zri'ile da quebe zaca, ne chéajle̱le da we̱n lazre'?
3Le xexúnbea ba gucá'a Xránadxu
nu benne' dxape̱' Le̱' ba lá'ana.
Xrana' Dios xenne̱' gate dxuláwizra' Le̱'.
4Le zrebe lau Dios, ne quebe gunle dul-la.
Le gulaba lazre' chee̱' naga dxásale, ne le sua zrize.
5Le gute lau Le̱' béadu ca' lu da naca du lazre',
ne le guxrén lázre' Xránadxu Dios.
6Benne' zante̱ dxelenné̱': “¿Nuzra gun gá'anatu' chawe'?”
Dute̱ xel-la' zri'i lazre' chiu' bxue netu', Xran.
7Lue' bzu' xel-la' dxebé lu xichaj lázrdawa',
da naca na zrendxa ca da zaj napa benne' zaj nápale̱'e̱ zrua',
ne xrise uva wal-la.
8Dute̱ xel-la' dxebeza zri lazre' gata', ne gasia',
lawe' da dxunu' Lue', Xran, zua' zri'a chawe'.
Currently Selected:
Salmos 4: zat
Highlight
Share
Copy
Want to have your highlights saved across all your devices? Sign up or sign in
© 1981, Wycliffe Bible Translators, Inc. All rights reserved.