Jaan 5
5
‑Wusublanyɔɔlɔ Jesu 'pʋɔa' Bɛtɛsëdaa 'nie 'dee ‑gba
Jaan 7.19-24; 9.1-17
1'I ‑sia' nɩ, juifëa ‑glɩsɩglɩsɩ bä ɩ Jerusalɛɛmë, Jesu nya mi 'lɩ. 2‑Bɛ ‑nyɛɛ Jerusalɛɛmë 'lee nɩ, 'nie 'dee bä ‑plɩɩ, ‑bablëëa palafawʋa ‑gba, 'ɛɛ 'ü 'dara Bɛtɛsëdaa#5.2 Bɛtɛsëdaa: Grɛɛkë kätɩpɔɔkɩ ‑mɩdooa 'mlɩ 'i ‑jɩjra: Bɛtësata. Ebrööwii 'lɩ. 'Ɛa ‑gba bä papu ‑gböö. 3‑Wusublanyüü 'kɔkɔmlɛ 'pepe 'lɩ ‑wälɩ: 'nɔnɔnyüü, kpakpanyüü, nyüülü kä ‑gbaa dii jäa'. 'Niea 'kädögödɛɛ 'ü ‑glaaa#5.3 'niea 'kädögödɛɛ 'ü ‑glaaa: ‑Taa waklüülü 'nyɩ grɛɛkë kätɩpɔɔkɩ ‑mɩdooa 'mlɩ ‑a bä., 4'be 'aanjë 'cecrie 'nielɛa 'mlɩ 'kä 'ɔ 'dögö 'ɛɛn 'kä, ‑mɔlɔ ‑kätɩ 'cerea' 'lɩ, 'ɔ 'pʋɔ, 'sɩmɩ 'ɔa ‑wusu ma bä#5.4 ‑Taa 'pɛlɛ (4) 'nyɩ grɛɛkë ‑kätɩpɔɔkɩ ‑mɩdooa 'mlɩ ‑a bä.. 5Nyɔɔ 'doo bä ɩ 'lɩ, ‑wusu 'blaa' 'ɔɔn 'ia ‑sɩ ‑glʋ ‑sɩ ‑pʋ ‑sɩ ‑uuntää. 6Jesu 'jäa' 'ɔɔn 'ɔ 'pia' ‑plɩɩ nɩ, ‑bɛ 'ɔ jrea' 'saa ‑wusu nyaa' 'ɔɔn ‑gba ‑wlɛ nɩ, 'ɔnya 'bete 'ɔɔn: «‑Baata ‑mä 'pʋ?» 7'Iibäa' ‑wusublanyɔɔlɔ nɩ: «'Pläkänyɔɔ o, 'nyɩ nyɔɔ ‑a kä 'ɔmä 'mɩ 'nie 'lɩ bere ɛma 'dögökä, ‑bɛ 'asɩ 'n mö 'nie 'lɩ blö, 'kä nyɔɔ ‑moloo 'bösrö 'mɩ.» 8'Iibäa' Jesu nɩ: «Sɔwʋ, dɔrɔ ‑na ‑gbitɛɛ 'wʋ, 'kä ‑nyɛɛɛ!» 9'Köklesa nyɔɔlɔ nya 'pʋ; 'ɔnya dɔrɔ 'ɔa ‑gbitɛɛ 'wʋ, 'ɔnya 'nyɛ. 'Ia ‑srɩlɩ bä kä ‑fʋflʋpasrɩ#5.9 ‑fʋflʋpasrɩ: 'Sɔrɛdɛ bäsaa, 'iibä juifëa ‑fʋflʋpasrɩ.. 10'A 'ia ‑gʋ juifë nya ‑gbala nyɔɔlɔ Jesu 'pʋɔa': «'Saarɩ bä ‑fʋflʋpasrɩ, ‑nyɩ kä ‑a kä ‑mä ‑na ‑gbitɛɛ ‑gbötö!» 11Nyɔɔlɔ nya ‑gbala 'üün: «Nyɔɔlɔ 'pʋɔa' 'mɩ, 'ɔɔ ‑gbala 'mɩ: ‹Dɔrɔ ‑na ‑gbitɛɛ 'wʋ, 'kä ‑nyɛɛ.› » 12'Ünya 'bete 'ɔɔn: «Nyɔɔ 'plɛɛ bäsaa, ɔ ‑gbala ‑mɩ ‑maa: ‹Dɔrɔ ‑na ‑gbitɛɛ 'wʋ, 'kä ‑nyɛɛ› le?» 13‑Maa 'ɔ ‑kanyɩ nyɔɔlɔ 'pʋɔa' 'ɔmɩ ‑a jre, 'be Jesu sakla ‑jria 'lɩ. 14'I ‑sia' nɩ, Jesu nya jrä 'ɔɔn Nyɔsʋaanyuku kpaku ‑wälɩ; 'ɔnya ‑gbala 'ɔɔn: «‑Jää ‑mɔ, ‑nya 'pʋ; ‑kanyɩ nʋ ‑balʋ, ‑mɩlɩ 'mäa' ‑mɩ ‑gälɩjrä ‑pɩ 'wʋsi.» 15Nyɔɔlɔ nya mi, 'ɔnya ‑gbala juifënyüü ‑ma Jesu 'pʋɔ 'ɔɔn. 16'A 'ia ‑gʋ juifënyüü prɛ Jesu 'ümä 'ɔɔn 'bla#5.16 'ümä 'ɔɔn 'bla: Grɛɛkë kätɩpɔɔkɩ ‑mɩdooa 'mlɩ 'i ‑jɩjra: 'ümä 'ɔɔn ‑gbi ‑gba nʋ., 'be i 'ɔ nʋa' nɩ, ‑fʋflʋpasrɩ 'lɩ bäsaa.
'Sɩrɩ Jesu 'saa juifënyüü ‑gälɩ
17Jesu nya ‑gbala 'üün: «'Na Tʋ ‑ka ‑fɛɛɛ ‑pɩɔ 'jrʋpa, 'na 'mʋgbɛ 'ää 'n ‑fɛɛɛ#5.17 Jenɛɛsë 2.2-3. 'I ‑jɩjra ‑maa Nyɔsʋa 'pa ‑fʋflʋ ‑fʋflʋpasrɩ 'lɩ. Juifënyüü jre 'iin, ‑maa 'äa plɛklɩ 'i kʋ, 'ü jre 'iin 'sɩrɩ Nyɔsʋa käa' cɛ, ‑tʋtʋ nyra ‑fʋflʋpasrɩ. Ima bä 'iin, 'ü ‑kanyɩ kä ‑a kä 'ümä Jesu ‑gbagblɛ ‑gʋ 'kpla..» 18'Ia ‑gʋ juifënyüü 'bata 'sɔɔwʋ 'ɔa 'bablakʋ, ‑mää ‑fʋflʋpasrɩ 'ɔnyɩ ‑trääräa' 'lɩ, ‑mää 'ia 'dooa ‑gʋ ‑a, ‑maa Nyɔsʋalɔ 'ɔ 'daraa' 'ɔa 'mʋgbɛa Tʋ, ‑bɛ 'ɔ 'paplaa' 'ɔa nyufa Nyɔsʋa 'klɩ. 19Jesu nya 'patä 'ɔnya ‑gbala 'üün: «'Tasɩrɩa 'cɩcasa 'n ‑gbala 'amɩ, 'Jʋa 'doo 'nyɩ 'lɩ ‑a bɩa 'ɔ nʋ dɛɛ, wiili Tʋ nʋa' 'ɔ 'jäa' 'ii 'ɔ nö: wiili kä 'fɩɔ Tʋ nöa', 'asɩ 'Jʋ nö bɩa 'iin. 20'Be Tʋ ‑wa 'ɔa 'Jʋ, 'ɔ srara 'ɔɔn i kä 'fɩɔ 'ɔ nöa', 'kä 'ɔnya 'ɔɔn ‑mɩlɩ ‑sia' ‑taa ni 'wʋ srara, 'ana plɛklɩ 'mä kala. 21'Sɩrɩ Tʋ tɛrɛa' jäjänyüü 'kä ‑bɛ 'ɔ ‑nyɛɛa' 'üün 'klä, 'asɩ 'Jʋ ‑nyɛɛ bɩa 'klä ‑mɔlɔ 'ɔ ‑waa'. 22Tʋ 'nyɩ ‑tʋ nyɔɔa ‑gä ‑a, ‑maa 'Jʋ 'ɔ ‑nyɩ ‑gäa 'fɩɔ kälɩ, 23nyüüa 'fɩɔ 'mä 'Jʋ 'bʋala, 'sɩrɩ 'ü 'bʋalaa' Tʋ. Nyɔɔlɔ 'nyɩ 'bʋalaa' 'Jʋlɔ 'nyɩ Tʋlɔ blɔa' 'ɔɔn ‑a 'bʋala.
24«'Tasɩrɩa 'cɩcasa 'n ‑gbala 'amɩ, nyɔɔlɔ poa' 'na 'papawii 'nyakli ‑bɛ 'ɔ toro nyɔɔlɔ blɔa' 'mɩ plɛ nɩ, 'ɔ kä 'klälä 'nyɩa' blöröfa kä. 'Ɔa ‑gä ‑nëmä ‑träärä ‑a ‑träärä. 'Ia nyɔɔlɔ, 'ɔ 'a jäjä 'lɩ sɔ, 'ɔ 'a 'klä 'lɩ ji. 25'Tasɩrɩa 'cɩcasa 'n ‑gbala 'amɩ, 'taɩn jö, ‑bɛ 'ia 'tɔtɔkʋ bɩa, jäjänyüü nya Nyɔsʋaa 'Jʋa wii 'wli 'nua; ü nëmäa' 'iin 'wli 'nu, 'ünya 'lɩbäa. 26'Sɩrɩ 'klä bäa' Tʋ 'lɩ nɩ, 'asɩ 'ɔ ‑nyɩ 'Jʋ 'klä 'ämä 'ɔɔn 'lɩbä. 27'Ɔnya ‑nyɩ 'ɔɔn 'klü 'ɔmä ‑gä ‑tʋ, 'kä Nyɔɔa 'Jʋ#5.27 Daniɛɛlë 7.13-14. 'ɔ bäa' 'ia ‑gʋ. 28'I 'nɩ kala 'amɩ plɛ 'klɩ, 'ia 'taɩn jö nyüülü kä 'fɩɔ bäa' 'kuyi 'lɩ nya 'ɔa wii 'wli 'nua, 29'kä 'ünya 'lɩ 'cie. ‑Mülü nʋa' 'cɩcasa, 'ünya 'kuaabre sɔa 'kä 'ünya 'klä 'jä, ‑maa ‑mölö nʋa' ‑balʋ, 'ünya 'kuaabre sɔa ‑gäa ‑gʋ#5.29 Daniɛɛlë 12.2.. 30'Na 'doo 'nyɩ 'lɩ ‑a bɩa ‑a nʋ 'na plɛklɩa wii. 'Sɩrɩ 'n 'nööa', 'asɩ 'n ‑tʋʋä ‑gä; ‑bɛ 'na ‑gä 'n ‑tʋʋäa' 'ä bä 'cɩcasa, 'be ‑mää 'na plɛklɩa wii 'nyɩ nʋ, ‑maa wiili Tʋlɔ blɔa' 'mɩ 'bataa', 'ii 'n nö.
31«'Na 'doo ma 'pa 'na ‑gä nɩ, wiili 'mäa' 'lɩsa ‑nëmä wii 'wʋ ‑a 'bala. 32Nyɔɔ ‑moloo bälɩ 'ɔ 'paa 'na ‑gä, 'n jre 'iin wiili 'ɔ 'saalɩ 'na ‑gʋ, 'cɩcasa bäsaa. 33'A blɔ nyüü Jaan dɛrɩ#5.33 Jaan 1.19., 'ɔnya 'salɩ 'cɩcasa. 34'Mɔɔlɔ nɩ, ‑mää 'kä nyɔɔ 'mä 'na ‑gä 'pa, ‑maa 'amä 'lɩmlɩwʋ, 'ia ‑gʋ 'n 'pa 'imɩ. 35Jaan ‑beere kä 'napɛlɛ 'ü ‑gölöa', ɛ ŋʋaa'. 'Anya nʋ 'ɛa dɔrʋ 'taɩn jie ‑a 'mlɩ. 36'Mɔɔlɔ nɩ, 'na ‑gä ‑si Jaan a nä 'wʋ. 'Jrʋpalä Tʋ ‑nyɩa' 'mɩ ‑a 'wlaraa', ä 'n ‑fɛɛɛa', 'ää 'saalɩ 'sɩrɩ Tʋ blɔa' 'mɩ. 37Tʋlɔ blɔa' 'mɩ, 'ɔa 'mʋgbɛ 'pa bɩa 'na ‑gä. 'A ‑kaapɩɔ 'ɔa mlɩa wii 'wli 'nu, 'a ‑kaapɩɔ 'ɔa 'klʋɩ 'jä. 38'Ɔa 'papawii 'nyɩ 'amɩ 'lɩ ‑a bä, 'be nyɔɔlɔ 'ɔ blɔa' 'anyɩ toro 'ɔɔn plɛ ‑a. 39'A ‑täsä 'cɩcasa nyɔsʋapɔɔkʋ 'mʋfasa 'ana plɛ nɩnɩa, 'ii 'mä 'amɩ 'klälä 'nyɩa' blöröfa kä ‑nyɩ, ‑bɛ ‑jɩjradiili, 'ii 'paa 'na ‑gä. 40‑Bɛ 'anyɩ 'bata 'bata ‑a 'amä 'mɩ ‑gbajijrö 'amä 'klälä 'nyɩa' blöröfa 'kä 'jä. 41‑Mää nyüü 'nyɩ 'bʋala 'mɩ. 42‑Maa 'n jre 'amɩ, 'anyɩ Nyɔsʋa ‑a ‑wa. 43'Na Tʋa 'nyrɩklɩ 'n jrörö, ‑bɛ 'anyɩ 'kʋɛɛ 'mɩ 'lɩ. Nyɔɔ ‑moloo ma jrörö 'ɔa 'mʋgbɛa 'nyrɩklɩ, 'anya 'ɔɔn 'lɩ 'kʋɛɛa. 44'Amɔlɔ nyüüa 'bʋalakʋ käa' 'tʋ, ‑bɛ ünyɩ 'bataa' Nyɔsʋalɔ bäa' 'doo, 'ɔa në 'bʋalakʋ, ‑asɩ 'anya 'mɩ plɛtoro le? 45'Anyɩ bobo ‑maa 'mɔɔ nëmä ‑srɩ 'lɩ 'ana ‑gbaa' ‑gä 'sa Tʋa 'klɩ. Nyɔɔlɔ 'mäa' 'lɩ 'iin 'sa, 'ɔɔ bä Moisë, ɔ 'a 'piea' plɛ ‑gälɩ. 46'Ama toro ɩ Moisë plɛ nɩ, 'anya ɩ 'mɩ plɛtoroa bɩa, 'be wiili 'ɔ ‑jɩjraa' 'na ‑gä 'ɔ 'pa#5.46 Deteronɔɔmë 18.15.. 47‑Bɛ 'ama 'nyɩ 'dara wiili 'ɔ ‑jɩjraa' wii ‑a nɩ, ‑asɩ 'anya 'na 'papawii wii 'dara le?»
දැනට තෝරාගෙන ඇත:
Jaan 5: Bakwé
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
© Wycliffe Bible Translators, Inc.