Mateo 1
1
Ti sin kꞌuaxrjeníxin Jesucristo
(Lc. 3:23-38)
1Tíhi mé chrónka nkexro kꞌuaxrjeníxin Jesucristo. Jesucristo mé kꞌuaxrjeníxin David la ko Abraham.
2Abraham mé itꞌé Isaac
la ko Isaac mé itꞌé Jacob
la Jacob mé itꞌé Judá
la ko kaín ti kícho Judá.
3Judá mé itꞌé Fares
la ko Zara la ti ìñé sin mé itꞌin Tamar.
Fares mé itꞌé ti Esrom
la Esrom mé itꞌé Aram.
4Aram mé itꞌé Aminadab
la jehe mé itꞌé Naasón
la jehe mé Salmón.
5Salmón mé itꞌé Booz la ìñé mé tjan Rahab.
Booz mé itꞌé ti Obed la ìñé ti Obed mé tjan Rut.
Obed mé itꞌé Isaí.
6 #
2Rs. 24:14, 15; 2Cr. 36:10; Jer. 27:20. *Isaí mé itꞌé ti rey David
la jehe la ko ti tjan kꞌuéchjién Urías mé táha itꞌé la ko ìñé Salomón.
7Salomón mé itꞌé Roboam
la Roboam mé itꞌé Abías
la Abías mé itꞌé Asa.
8Asa mé itꞌé Josafat
la Josafat mé itꞌé Joram
la Joram mé itꞌé Uzías.
9Uzías mé itꞌé Jotam
la Jotam mé itꞌé Acaz
la Acaz mé itꞌé Ezequías.
10Ezequías mé itꞌé Manasés
la Manasés mé itꞌé Amón
la Amón mé itꞌé Josías.
11Josías mé itꞌé Jeconías la ko ti sin kícho.
Ti ña̱o ikui ti sin Babilonia sákjuíko ti sin israelita kixin tsꞌejóchjina sin ti chjasin Babilonia.
12Ndá kjuixin sákjuí sin mé Jeconías mé itꞌé Salatiel
mé itꞌé ti Zorobabel.
13Zorobabel mé itꞌé Abiud
la Abiud mé itꞌé Eliaquim
la ko Eliaquim mé itꞌé Azor.
14Azor mé itꞌé Sadoc
la ko Sadoc mé itꞌé Aquim
la ko Aquim mé itꞌé Eliud.
15Eliud mé itꞌé Eleazar
la Eleazar mé itꞌé Matán
la Matán mé itꞌé Jacob.
16Jacob mé itꞌé José
la José mé kꞌóna xìi tjan María
la tjan María mé ìñé Jesús nchekꞌin sin Cristo.
17Mé xi̱kaha catorce tꞌáchri̱i kꞌuaxrjeníxin chꞌin Abraham ndá kjuákꞌe chꞌin David la íjnko catorce tꞌáchri̱i kꞌuaxrjeníxin chꞌin David, landá ti sin Babilonia sákjuíko ti sin israelita chjasén sin, landá íjnko catorce tꞌáchri̱i kꞌuejó landá kokjíhi Cristo.
Ti kokjíhi Jesucristo
(Lc. 2:1-7)
18 #
Lc. 1:27. *Ti kꞌokjíhi Jesucristo mé xi̱kihi kóhen. Ti tjan María, ìñé Jesús, mé tsíkjate̱he tjan tso̱te̱he tjan chꞌin José. Ndá na̱xa̱ kuákjahya kícho sin, ndá kónoxín kixin jehe tjan la í jóhya tjan kixin kjuachaxíen Ncha̱kuén Díos. 19Chꞌin José, ti nkexro tsꞌóna xìi tjan María, mé ijnko chojni jína, la kjuénka̱yáxin chꞌan imó chrókjuáke̱he̱ chꞌan tjan kixin tjinkakonhña chꞌan kixin ninkexró tso̱noehña. 20Ndá na̱xa̱ tjenka̱yáxin chꞌin José nkexrín chrókóhen, ndá kotáchrién chꞌan chrónkaxín kixin kꞌuíkon chꞌan ikui ijnko ángel kuènté Ìnchéni, la ndáchro:
―José, jaha kꞌuaxrjeníxian David. Tóxakuanhña la ko chrakonhña chrókuákjá tjan María tsꞌóna ichjián kixin ti ixjan tsochónta tjan la kjuachaxíen Ncha̱kuén Díos kꞌónaxín ti ixjan. 21#Lc. 1:31.*Ti tjan María mé sinchekꞌokjíhi ijnko xjan ndoa la itsꞌin xjan Jesús; kixin jehe xjan tsakjìin iji̱é kaín chojni ―ichro ti ángel.
22Kaín tíhi kóhen kixin xiteyá ti nkehe tsíndáchro Díos kꞌuénixja ti sin kꞌuéchronka itén Díos ósé. Mé ndáchro:
23 #
Is. 7:14. *Ijnko tjan na̱xa̱ chóntahya chojnindoa mé tsjakꞌeyá tjan la tsochónta tjan ijnko xjan,
la sinchekꞌin sin xjan Emanuel,
mé tíha tꞌaxrjexín Díos tjejókoni.
24Ndá ti ó kꞌuàya chꞌin José la kjuíchꞌe éxi ti nkehe kꞌue̱to̱an ti ángel kuènté Ìnchéni, la kuákja chꞌan tjan María, kꞌóna ichjién chꞌan. 25#Lc. 2:21.*Ndá kjónté xi̱kaha, la na̱xa̱ kónkojiéhya sin hasta kꞌokjíejia ti xjan sa̱o, la kjuínchekꞌin sin xjan Jesús.
Currently Selected:
Mateo 1: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.