Popular Bible Verses from Jǎan 6

Share

Jezu ka lɛ́ yí gbe nú yě ɖɔ: “Nyɛ wɛ nyí nǔɖuɖu e nɔ ná gbɛ jɔ gbɛ mɛ é. Mɛ e wá gɔ̌n ce ɔ́, xovɛ́ sɔ́ ná sin i gbeɖé ǎ. Mɛ e ka ɖi nǔ nú mì ɔ́, kɔ sɔ́ ná xú i gbeɖé ǎ.

Yɛsinsɛn wɛ nɔ ná gbɛ mɛ; hlɔ̌nhlɔ́n gbɛtɔ́ tɔn kpé nǔɖé wú ǎ. Xó e un ɖɔ nú mi lɛ́ɛ wɛ nɔ ná Yɛ Mawu tɔn e nɔ ná gbɛ mɛ é.

Mi ma nɔ jɛ tagba dó nǔɖuɖu e nɔ gblé ɔ́ tamɛ ó; lo ɔ́, mi ní nɔ jɛ tagba dó nǔɖuɖu e nɔ́ nɔ ayǐ sɔ́yi gbɛ mavɔ mavɔ é tamɛ. Nǔɖuɖu énɛ́ ɔ́, Gbɛtɔ́ví ɔ́ wɛ ná ná mi, ɖó Mawu Tɔ́ ɔ́ ná acɛ tɔn ɛ.”

Nǔ e Tɔ́ ce jló ɔ́ wɛ nyí ɖɔ mɛ e mɔ Vǐ ɔ́, bó ɖi nǔ n'i lɛ́ɛ ní mɔ gbɛ mavɔ mavɔ, bónú má fɔ́n yě sín kú azǎn gǔdo gúdo tɔn ɔ́ gbe.”

Jezu ka yí gbe nú yě ɖɔ: “Nǔ e Mawu jló ɖɔ mi ní wa ɔ́ wɛ nyí ɖɔ mi ní ɖi nǔ nú mɛ e é sɛ́ dó é.”

Mɛ e Tɔ́ ɔ́ ná mì lɛ́ɛ bǐ ná wá gɔ̌n ce; mɛ e ka wá gɔ̌n ce ɔ́, un ná ɖe e tɔ́n ǎ.

Sinmɔ́ɔ Piyɛ́ɛ ka yí gbe n'i ɖɔ: “Aklúnɔ! Mɛ̌ gɔ́n mǐ ka ná lɛ́ yi? É má nyí nu towe wɛ è nɔ se xó e nɔ ná gbɛ mavɔ mavɔ mɛ ɔ́ ɖe ǎ cé?

Nyɛ wɛ nyí nǔɖuɖu gbɛɖe e jɛ te sín jǐxwé é. Mɛ e ná ɖu ɖo nǔɖuɖu élɔ́ mɛ ɔ́ ná nɔ gbɛ káká sɔ́yi. Nǔɖuɖu e un ka ná ná mi ɔ́, agbaza ce e un ná sɔ́ jó dó gbɛtɔ́ lɛ́ɛ tamɛ ɔ́ wɛ.”

Ényí Tɔ́ e sɛ́ mì dó ɔ́ ma dɔn mɛɖé wá nú mì ǎ ɔ́, é sixú wá gɔ̌n ce ǎ; mɛ e ka ná wá gɔ̌n ce ɔ́, un ná fɔ́n ɛ sín kú azǎn gǔdo gúdo tɔn ɔ́ gbe.

Đó nǔɖuɖu e Mawu ná ɔ́ wɛ nyí mɛ e jɛ te sín jǐxwé, bó ná gbɛ jɔ gbɛ ɔ́ é.”

Nyɛ wɛ nyí nǔɖuɖu e nɔ́ ná gbɛ jɔ gbɛ mɛ é.

Jezu ka fɔ wɔ̌xúxú lɛ́ɛ, bó dó kú nú Mawu, bó má nú mɛ e jínjɔ́n ayǐ ɖo fínɛ́ lɛ́ɛ; mɔ̌ ɖokpó ɔ́, é má hweví lɛ́ɛ nú yě, bɔ mɛ ɖokpó ɖokpó yí lě e é jló e gbɔn é. Đěe yě bǐ ɖu nǔ bó gɔ́ xo ɔ́, Jezu ɖɔ nú ahwanvú tɔn lɛ́ɛ ɖɔ: “Mi bɛ́ nǔ e yě ɖu kpo lɛ́ɛ bǐ, bónú ɖě ma yi gbě ó.”

Hwenu e ahwanvú Jezu tɔn lɛ́ɛ ɖo hǔn ɔ́ kun wɛ, bó ko bló kilomɛ́tlu atɔ́ɔ́n abǐ ayizɛ́n mɔ̌ ɔ́, yě mɔ Jezu, bɔ é ɖo zɔnlin ɖi wɛ gbɔn tɔ ɔ́ jí ja yě gɔ̌n, bɔ xɛsi jɛ yě jí. É ka ɖɔ nú yě ɖɔ: “Nyɛ wɛ, mi ma ɖi xɛsi ó.”