Marc 9වෙතින් ජනප්‍රිය බයිබල් පද

බෙදාගන්න

Jésu tel deje bɔ ngonn nè nga ede nè: – Ké bain á i tam ede nè: Ke nè á ase ra nyan karè wa? Doo ke unde kêm’n dè Nube’t ɓaa, Nube asekum ra nyan malang tede’n kuwe.

Ke loon’t nè kuwe, bɔ ngonn nè nga tam se ndu’n ke bòi beng ede nè: – Kuwe-ɓee, m’unde kêm dè Nube’t kuwe! I din-in’m tede kundekêm le’m ase lé.

Jésu tel aw ɓéee. Loo ke njékuwe-girnge ndii se’n se kar de bere ɓaa, ei deji nin edi nè: – Ké gir’n è ri á jè j’aw se tɔgmong le rɔ’n ndil ke majelé nè nga kɔke lé wa? Jésu ede de ede nè: – Ndil ke majelé ke tite è ke nè bè nga, asekum kunde loo tee takul kɔje tà se Nube kuwe karé bere luk-luk.

Kate nga è nyan ke maje. Nè ke nè á kate tel bɔlɔs ɓaa, ké ri á a i rai kade tel don gugu wa? Sei kuwe i teli i tooi tite kate ke don bè. Umi kêm si nan’t bɔk.

– Nanan ke uwe ngonn ke nain dap tite njè ke nè ke rann’t tede tà le’m ɓaa, è man kuwe á uwe’m ke rann’t non. Nanan ke uwe’m ke rann’t ɓaa, è man á uwe’m ke rann’t lé, nè è Nube ke njèkule’m kuwe á uwe’n ke rann’t non.

Nanan ke ade sei mann kain kêm kalmann karé tede k’ee ke sei le’m man Krist nga ɓaa, man m’ede sei ndàt, doo nè nga à inge nyan-kunde nja’n kuwe mbain.

Doo karé ke ra ngonn ke nain dap ke unde kêm’n dèm’t tite njé ke nè bè ade oso dann majelé’t nga, è soo’t le tɔ kule tu kuberi mbal ke bòi kɔbenn’t, kile’n dunge ba’t.

Ke nè á kumi è nyan ke à tugei jig’t kade oso dann majelé’t ɓaa, uwe’n ɓarak ɔr’n kɔke. Kawi se kumi ke karé kêm Konɓee’t le Nube nga, maje dum kade d’ilei se kumi joo mbak loo ke tur’t.