Popular Bible Verses from YOHANÉS 16

Share

Sanggéd situ taé Laku agu méu, kudut méu delék hambor agu meler oné Aku. Oné lino ho’o méu cukung kélo-balém, maik mberes koé nais, Aku poli pandé kodan lino ho’o.”

Maik émé caig Hia, ngong Nai Molor, Hia te ampil méu nggere-oné sanggéd molor; ai Hia toé te curup oné mai mu’u Run, maik sanggéd situt dengé Dihat hitus ata curupd Liha agu tombos Liha oné méu co’os cirid sanggéd apa situ du leso tai.

Dengkir te ho’on, méu toéd manga tegi can kolé le ngasang Daku. Tegi ga manga kali tiban le méu, kudut penong kais nais.

Maik tu’ung kéta ho’ot taé Daku agu méu: Céwé di’an latang te méu émé ngok Aku. Ai émé toé ngok Aku, Hiat campé toé mai cé’é méuy; maik émé ngok Aku, Aku te wuat Hia mai nggere-cé’é méuy. Émé mai Hia, Hia te pandé lino ho’o kudut pecing ndékok, molor agu beté-bicar

Nenggitu kolé méu te ho’on, hanang ata wéongs, maik Aku te ita méu kolé agu nisang nais, agu toé kéta manga cengatan ata ngancéng rumbun nisang naim hitu oné mai méu. Agu du leso hitu, toé manga réi apa-apas agu Aku. Aku taé agu méu: Moron, sanggéd taung situt tegi de méu agu hi Ema, te téings Liha agu méu le ngasang Daku.

Aku curup agu méu: Moron matan, méu te rétang agu jéjéng, maik lino ho’o te nakay; méu te wéongm, maik wéongs hitu te caling ciri kais nai.