Vakatekivu 41වෙතින් ජනප්‍රිය බයිබල් පද

බෙදාගන්න

Sa qai sauma o Iosefo ka kaya, “E sega ni o au; ia na Kalou ga ena vakatakila vua na tui na i balebale ni nona tadra.”

A sa kaya na tui vei ira na nona vakailesilesi, “Eda na kunea rawa li e dua tale na tamata me vakaoqo, ka me tiko vua na yalo ni Kalou?”

Sa qai kaya na tui vei Iosefo, “Me vaka ni sa vakaraitaka vei iko na Kalou na ka kece oqo, sa sega tale ni qai dua me tamata kila-ka ka yalomatua me vakataki iko. Au na lesi iko oqo mo lewa na kena qaravi na noqu vanua, ka ra na vakarorogo vei iko na tamata kecega. Era na tiko kece sara ena ruku ni nomu lewa ka qai vakavo duadua ga oi au.”

A sa kaya talega vakaoqo, “Na Kalou sa solia na gone vei au ena vanua ni noqu rarawa”; ka sa vakatoka kina na kena i karua ni gone me yacana o Ifereimi.

A sa kaya o Iosefo, “Na Kalou sa vakavuna me'u guilecava na noqu rarawa taucoko kei na lewe ni vuvale i tamaqu, ka sa vakatoka kina na nona ulumatua me yacana o Manasa.”