Popular Bible Verses from Lucas 23

Share

Kỹ Jesus vỹ: “panh', ag mỹ vẽnh pãte fón nĩ,” he mũ. “Ag pijé ki kanhró nỹtĩ', ag tỹ nén han mũ tag ki,” he tóg. Kỹ soldado ag tóg ti kur tỹ jagnẽ mỹ vẽnh ken mũ, to ag tóg joga he mũ sir.

Kỹ tóg ti mỹ: “ha mẽ, ũri ã tóg inh mré ẽmã há ẽn tá nĩnh mũ, Paraíso he mũ ẽn tá, kanhkã tá. Ki hã sóg tó mũ,” he mũ, Jesus ti.

Kỹ tóg Jesus mỹ: “Senhor', inh ki ẽkrén nĩ, ã tỹ tỹ pã'i ki rãn kỹ,” he mũ.

Kỹ Jesus vỹ prẽr mág pẽ han mũ. Kỹ tóg: “!..panh'..!“ he mũ. “!..Sỹ ã mỹ vẽnh fẽg vẽ, inh kuprĩg ti..!“ he tóg. Tag tó kar tóg hun ke mũ sir.

Kỹ ag tóg pãnónh tá junjun mũ sir, ti jijin hã vỹ: Krĩ Kuka, he mũ. Tá ag tóg krunh to ti sãg mũ sir. Ũn jykre pãno ag tỹ ag tóg krunh to ag sãg mũ gé, ti kóm, kỹ ũ vỹ ti pẽgja tá sa, jo ũ vỹ ti jakãnh tá sa.

Kejẽn rã tóg ẽg nĩno kã sa nĩ sir. Hã ra tóg kuty' he mũ sir, ga kar mĩ hã. Kuty ẽn tóg óra tãgtũ han mũ. Hã ra Topẽ ĩn krẽm kur mág pẽ vỹ jãnkã kã sa nĩ. Ẽn vỹ jaran ke mũ. Kuju mĩ tóg jaran ke kãtére mũ sir, fĩn rãm kãn tóg mũ.

Hã ra fóg tỹ capitão tóg ti ter vég mũ. Kỹ tóg Topẽ mỹ vĩ há han mũ. “Vẽnh vĩ ja vẽ, ũn há ja vẽ,” he tóg mũ.