Popular Bible Verses from Génesis 15

Share

Ari ishiretacaro Abrama oca icantaqueriri Tasorentsi, irotaque ineacameetsatantacariri, iquempetacantaqueri te iranteroji caari cameetsatatsi.

Impoiji avisanaque oca, ari iquenquetsatacaajiri Tasorentsi Abrama, oquempetaca imishitaca, iro cantaincha te irimayeji, icantiri: —Abrama, eiro pitsaroitsi, narotaque jocaacoventimpiri. Queario nontasoncacoventasanotempi.

Icantiri aisati: —Pijate saiteriqui, pameneri impoquiropee. Oshequi catsini inajeiti, eiro pimatiritsi piojeiteri jaocarica icarajeitiri. Aitaque inquempejeiteari pishanincajeitajeari, oshequi catsini irinajeitanaque iriori.

Icantanajiri iriori Tasorentsi: —Eiro yairotsi pashinisati. Yora pintomintasanoteari avirori, iriotaque aajeroneri timimotimpiniri.

Irosati iquemantajari Tasorentsi icantiri: —Jeroca noncamantempiri piotanteari. Coajicani irisavicajeite pishanincajeiteari anta iipatsitequi pashinisatipee atiri oncarate 400 osarentsi. Oshequi anta iroashinoncaapiniyeeteri, imperanatapiniyeeteari.

Ari icantanaqueri Abrama, —Novincatsarite Tasorentsi, ¿jaoca noncanteari pintasoncacoventaquenarica, te intimeji notomipee? Irioricampa aajeroneri timimotanari nonampire EliÉzer damascosati.

Irosati icaratantacari Tasorentsi Abrama, icantasanotaqueri: —Oca quipatsi irotaque nompajeiteriri pishanincajeitajeari coajicani irisavicajeitantajeari. Antearoite oni, oponeanaca nijateniqui Egiptoquiniri irosati anta antearojatatsiriqui nija pajitachari Éufrates.

Ariorica irishequiajeitanaque pishanincajeiteari coajicani jeri intomintajeitajeari iriori aisati incharinentajeitajeari, impiajeitajero aca piipatsitequica. Tempa yora amorreopee savicajeitatsiri meeca, tequeratsita omoncarateaji noasanquetaimentajeiteri caari cameetsatatsi yantajeitiri.